Aiyeya 59:1 - The Keyagana NT and 25 OT books

¹ Afiyo, huʼna, Ala kava neʼmoʼa ayaʼmo aupa huno oʼmaiʼniyanageno lapakufamo afaʼa alino katino lapategaiye. Agesamo oʼakaniyanageno getapimo afaʼa afigiye.

Aiyeya 59:1 ပူးပေါင်းရင်းမြစ်များ

Aepa Gemae 18:14

Mago kavaʼmo Ala kava neʼmoʼa afaʼa osisiya agufa kavaʼmo haneʼnifiye. Lekana paiʼna ateʼnova afinaʼmo mani hemeni agufa afinaʼmo kagaetega halate esugenoʼaeʼmo Selaʼa ve mafaʼnemo alino ategaiye, huno ha paiʼniye.

Aiyeya 50:1

Ala kava neʼmoʼa Isaleli vayaʼaifeʼmo ina gemo huno hapa painoʼaeʼmo, Lapakaemo lapakesamo afitapaeʼmo, Nagaemo vayaʼmogimo aʼapimo alagi hapafaiʼa neʼapatalaya agufa kavaʼmo huʼna itatapimoʼmo alagi ha faiʼna ataleʼnove, hutapa lapakesamo neʼafifiye. Ha faiʼna ataleʼnovesinana ha faiʼna ataleʼnova gemo haneʼniya apepamo haneʼniesine. Lapakaemo lapakesamo afitapaeʼmo, Nagaemo vayaʼmogimo mafaʼneʼapimo anonaʼapilefeʼmo kalavusi aliʼyaʼmo alisayafeʼmo maketi nehaya kavaʼmo huʼna lapakaemo lapataleʼna uʼna maketi nehaya kavaʼmo huʼnove, hutapa lapakesamo neʼafifiye. Haʼao, nagaemo mago vekalegamo anonaʼnimo ohaneʼniye. Lapakaitapimo hosu kavaʼmo huʼnayaʼmofeʼmo kame vayatapimogimo kalavusi huʼa lapateteʼa lapavaleliʼa uʼnae. Lapakaemo hosu kavatapilefeʼmo kalavusi aliʼyaʼmo alisayafeʼmo lapakaitapimo maketi nehaya agufa kavaʼmo huʼnae. Lapakaemo hosu kavaʼmo huʼnayaʼmofeʼmo itatapimoʼmo hafaiʼna ataleʼnove.

Aiyeya 50:2

Nagaemo lapakaemo lapa maesuvafeʼmo lapakaetegamo uʼnovana na kava higetapaeʼmo ge afitapa oʼnavaleʼnae. Nagaemo lapakaefeʼmo keya aeʼna ge huʼnovana na kava higetapaeʼmo geʼnileʼmo aetapa atagaina hutapa ge osuʼnae. Lokiyaʼnimo ohaneʼniyaʼmofeʼmo afaʼa miya faiʼna hatu maeʼna olapategaufiye. Hosu yategatiʼmo lapavaleliʼna visuva himamuʼnimo ohaneʼnifiye. Nagaemo ge nehugenoʼaeʼmo solovala aniʼmo alagi nelane. Nagaemo ge nehugenoʼaeʼmo alopa aniʼmoʼa kahaepa koʼmo alino hamaleʼnigeno noyame anagaʼmo faliʼnagenoʼaeʼmo atu neʼaiye.

Aiyeya 58:9

Ani afinaʼmo lapakaemo Ala kava nefeʼmo keya aeta ge hisageno getapileʼmo aeno atagaina huno lapa paigiye. Lapakaemo alopa gefatiʼmo alopa gefatiʼmo ge hisagenoʼaeʼmo agaemo hunoʼaeʼmo, Maiʼnove, huno hugiye. Lapakaemo vayaʼmo kana yaʼmo oʼapamige vayaʼmo alita afepiʼmo oʼapatege hosu gemo osuge

Aiyeya 6:10

Kagaemo oʼafisaya apaipamo alika kalika apato. Apakesamo alika akaniteka apaulagamo alika ali huvo. Fiku yanageʼa apaulagafatiʼmo agege apakesafatiʼmo afige aliʼa apaipafiʼmo malege huteʼa nagaetegamo aiʼa atagineʼa esageʼna aliʼna alagepa huʼna apategauve, huno naha paiʼniye.

Aiyeya 63:1

Ina laʼmo Inomu kotega Mosala taonifatiʼmo ataleno neʼe. Kukena yaʼamo aluga aluga atupaleʼmo haesa yaʼmo haneʼniya vekamae. Agaemo alagepa ha le konali kukena yaʼmo vaiʼniya vekamo ami vekagana huno lokiyaʼaletiʼmo neʼe. Nagaemae. Nagaemo fatago kavafeʼmo ge huʼna apakufamo aliʼna katiʼna apatesuva lokiyaʼnimo haneʼniye.

Aiyeya 65:24

Apakaemo nagaefeʼmo hapauʼnisiya yafeʼmo nunumuʼmo huʼa ge huʼa nafi okeʼnaya afinaʼmo hogoteʼna geʼapileʼmo aeʼna atagaina huteʼna apamiguve. Mago afinaʼmo apakaemo nunumuʼmo nehisageʼnaeʼmo afiteʼnaeʼmo apamiguve.

Maika 2:7

Yekopu nofi vayaʼmogitapae, huno, Lapakaemo, Ala kava neʼmo Aunemeʼamo atafautapa ateʼnayanageno aliʼyaʼamo afaʼa oʼalisifiye. Aunemeʼamoʼmo lapakaemo ani nehaya kavafeʼmo amuse nehifiye. Gotiʼa hunoʼaeʼmo, Geʼnimoʼa fatago kavaʼmo nehaya vayaʼmo alagepa huno hapa noʼmaefiye.

Napa 11:23

Ala kava neʼmoʼa Mosesefeʼmo ha painoʼaeʼmo, Nagaemo lokiyaʼnimo hano huʼnifiye. Hemenimo kaha paiʼnova kavaʼmo afole aisifi oʼaisifigeka agegane.

Matiyu 13:15

Ani gelefeʼmo apaipamo lokiya vaige apakesamo akanige apaulagamo ali huge huʼnigeʼa maiʼnae. Ani kava huʼa oʼmaiʼnaesinana apaulagafatiʼmo ageteʼa apakesafatiʼmo afiteʼapaeʼmo apaipafiʼmo ageteʼa nagaetegamo aiʼa afe leʼa esageʼna aliʼna alagepa huʼna apateʼnovesine, huno avoʼmo kae maleʼniye.

Himulu 7:25

Agaemo muki afinaʼmo nunumuʼmo huno apatesiyafeʼmo alagi maige maige huno neʼmaiyaʼmofeʼmo agaiʼaletiʼmo Gotitegamo neʼaya vayaʼai apakufamo alagi alino katino apateteno apakaetefeʼmo aliʼyaʼamo afaʼa alino hano huno hugiye.

1 Samiyo 4:3

Isaleli ati vayaʼmogi seli noʼapilegamo halate eʼnageʼapaeʼmo Isaleli vayatama vayaʼmogi huʼapaeʼmo, Na kavaʼmo higenoʼaeʼmo Ala kava neʼmoʼa Filisatini vayaʼmo apateʼnigeʼapaeʼmo lagaemo aeʼa lagaseʼnae. Lagaemo mago vayaʼmo alita apatesunageʼa uʼa Sailo taonifatiʼmo Ala kava neʼmo kotalake kesiʼamo aliniʼa egae. Ani kesimoʼmo kame vayatimogi apayapatiʼmo lagufamo alino katino lategaiye, huʼa huʼnae.

1 Samiyo 8:18

Muki ani agufa kavaʼmo afole aitesigetapaeʼmo lapakaemo Ala kava nefeʼmo lapa maesiyafeʼmo lekana paitapa ateʼnaya kini vekatapimoʼmo hisiya kavafeʼmo alagi olapauʼninagetapa alopa gefatiʼmo keya aegayaʼmonanafa ani afinaʼmo Ala kava neʼmoʼa getapimo oʼafigiye, huno hapa paiʼniye.