Aiyeya 58:7 - The Keyagana NT and 25 OT books

⁷ Lapakaemo apaka tesiya vayaʼmo neʼyaʼmo apamige kagemi yaʼapimo ohaneʼnisiya vayaʼmo havaesaya noʼmo ohaneʼnisiyaʼmoʼmo apavaleliteta notapifiʼmo apatege kukena yaʼapimo ohaneʼnisiya vayaʼmo kukena yaʼmo apamige lapakaemo magoke kolaʼmogimo kana yaʼmo alisaya afinaʼmo lapakameʼyamo oʼapamita hapa maege hisaya kavafeʼmo nahauʼniye. Hosu kavanagetapa konagatapimogi olapakesayafeʼmo fala kita neʼmaiye.

Aiyeya 58:7 ပူးပေါင်းရင်းမြစ်များ

Aepa Gemae 19:14

Inagi Lotiʼa uno lamino ayemoʼalaʼmoganifeʼmo hana painoʼaeʼmo, Ala kava neʼmoʼa mani taonimo alino hano huno atalesiyafeʼmo hiyanagi mani taonifatiʼmo ataletana he titana viʼao, huno hana paiʼniyana ayemoʼalaʼmoganimo afaʼa kigi yokalo gegeʼmo nehiye, huʼana anakesamo afiʼnaʼae.

Aepa Gemae 19:2

Agaemo hunoʼaeʼmo, Ala vekalane, huno, nagae notegamo eʼao. Nagae nopiʼmo etana lanaiyamo sese hutesaʼageta havaegaune. Inagi netepiʼmo he titana ugaʼae, huno huʼniyana, Haʼao, laʼagaemo manileʼmo aliʼa anupa huʼa neʼmaiya yateʼmo havaegauʼae, huʼana huʼnaʼaʼmonanafa

Samu 112:9

Ani fatago vekamoʼmo kagemi yaʼamo alino fako huno kagemi yaʼapimo ohaneʼniya vayaʼaina apamiʼniye. Fatago kavaʼamoʼmo muki afinaʼmo hanege hanege huno hanegaiye. Lokiyaʼamo hanesigeʼapaeʼmo ala agimo amigae.

Mai'naya kavane 11:17

Hau huno neʼapateya vekamoʼmo agaiʼa agupi mafaʼnemo alagepa huno ha neʼmaeyaʼmonanafa hau huno noʼapateya vekamoʼmo agaiʼageʼmo hanageke yaʼmo alino neʼamiye.

Mai'naya kavane 22:9

Vayaʼmo nekaiya vekamoʼmo kafu nehaya vayaʼaina neʼapamiyaʼmofeʼmo Gotiʼa alino auleno ategaiye.

Mai'naya kavane 24:11

Falisaya kavategamo apavaleliʼa neʼvaya vayaʼmo apakufamo alika katika apato. Falisaya kateʼmo laku taka huliʼa neʼvaya vayaʼmo apatafauvo.

Mai'naya kavane 25:21

Kame vayatapimo apaka tesigetapaeʼmo neʼyaʼmo apamiyo. Anifeʼmo hapausigetapaeʼmo aniʼmo he fitapa apamiyo.

Mai'naya kavane 28:27

Kagemi yaʼapimo ohaneʼniya vayaʼaina fikumo apamisiya vekamo kafu osugiyaʼmonanafa hapa maesiyafeʼmo ohauʼnigeno oʼapakeno aulagamo fali kaeno noʼapamiya vekamo magoʼe huno lifana huno atesiya kavaʼmo agaeteʼmo afole aigiye.

Aiyeya 58:10

apaka teʼnisiya vayaʼmo neʼyaʼmo apamige kafu hisaya vayaʼmo fikumo hapa maeta apamige hisayaʼmoʼmo hanipiʼmo hale yatapimo aeno halegaiye. Hani yatapimo alino hano huno ata lesigeno felugagana huno ha le yatapimo afole aigiye.

Neniyo 4:27

O kini vekamogae, huʼna, kaipa kagesa afi yaʼmo kamisuva gemo afisanafeʼmo nahauʼniye. Alagamuna kavaʼmo kagaeteʼmo afole aigiyanagi hosu kavakamo ataleteka fatago kavaʼmo huvo. Feʼno yaʼapimo ohaneʼniya vayaʼaitegamo hosu kavaʼmo osuka kahau huka apato. Gotiʼa alagepa huka maisanafeʼmo asole yaʼmo kamisifi okamisifigi amalageka huka ago, huno ha paiʼniye.

Luki 11:41

Lapakaemo agotofulega sese nehayaʼmonanafa aguʼafilaga haneʼniya yaʼaʼeʼmo alita kagemi yaʼapimo ohaneʼniya vayaʼmo apamigeno lapakaetefeʼmo muki yaʼmo alagepa huno haneno.

Luki 19:8

Sakiyasiʼa muki vayaʼai apaulagaleʼmo he tino maiʼnenoʼaeʼmo, Ala kava nene, huno, ago, huno, kagemi yaʼnimo folagapatiʼmo aliʼna fako huʼna kagemi yaʼapimo ohaneʼnisiya vayaʼaina apamiteʼna mago vayaʼaifeʼmo aigofe gemo huteʼna kumayaʼmo aliʼnisuvana foʼa afinaʼmo aliʼna fako huʼna anonaʼapilefeʼmo apamite apamite huʼna neʼapamuve, huno ha paiʼnigeno

Luki 3:11

lole siyotimo aliʼnisiya vekamoʼmo mago oʼaliʼnisiya vekamo afaʼa amigiye. Neʼyaʼmo aliʼnisaya vayaʼmogimo ani kavakeʼmo huʼa apamigiye, huno hapa paiʼniye.

Apa 16:15

Lagaemo agaeʼe noʼafiʼmo maiʼnaya vayaʼeʼmo aniʼmo faleta apateʼnonagenoʼaeʼmo, Agaemo hunoʼaeʼmo, Nagaefeʼmo hutapaeʼmo, Ala kava nefeʼmo aigofe osuʼniyanageta afaʼa alita amufa amigune, hutapa lapakesamo afiʼnisayaʼmoʼmo mani taonifiʼmo maiʼnetapaeʼmo nagae nopiʼmo etapa maiyo, huno laha paiʼniye.

Apa 16:34

Agaemo Poloʼe Sailasiʼeʼmo noʼafiʼmo anavalelino uno haino neʼyaʼmo anamiʼniye. Gotifeʼmo agaeʼe afamo anagaʼaʼeʼmo apakesamo afiʼa fatago huteʼa apamogaga aiʼnae.

Lomu 12:13

Kagemi yatapimo alita fako hutapa apaote vayaʼmo kagemi yaʼapimo ohaneʼnisiya vayaʼmo apamiyo. Nata vayaʼmo esagetapaeʼmo alagepa huta yagaitapa apateyo.

1 Timoti 5:10

Apakaefeʼmo, alagepa kavaʼmo nehae, huʼa hisageʼa maiʼneʼa mafaʼneʼapileʼmo yagaiʼa apatege nata vayaʼaiteʼmo yagaiʼa apatege apaote vayaʼai apaiyamo sese huʼa apatege kana yaʼmo aliʼnisaya vayaʼmo hapa maege muki alagepa kavatefeʼmo apayamukiki huge nehisaya kogu aʼne anagaʼmogi apakiʼapimo avoʼmo kaeyo, Siosi vayaʼmogi yagaiʼa apategaiyanagi.

Failimoni 1:7

Kagaemo apaote vayaʼai apaipamo alika falu huka apatetekaeʼmo kahau kayamopafiʼmo kahauʼnigekaeʼmo alika lokiya vaika nelatanagetaeʼmo lusi kava huta lamogaga neʼaune.