Aiyeya 58:13 - The Keyagana NT and 25 OT books

^13-14 Lapakaemo Sapati keʼaepa gemo amagita oʼatalege aote hu maleʼnova afinaʼmo amega lapakufamo amogaga neʼaiya kavaʼmo osuge lapakaemo hutapaeʼmo, Sapati afinafeʼmo lahauʼnigeta lamogaga neʼaune, hutapa huge Ala kava neʼmo aote afinaʼamo ala agiʼamo amige lapakaitapi aliyatapimo oʼalige lapauʼnisiya kavaʼmo kahau aetapa osuge lapamete lapakaitapi gemo osuge hutapa neʼmaisayana Ala kava nefekeʼmo lapamogaga aigae. Nagaemo lapa maesugetapa ala lapaki aliteta alagepa hutapa maiʼnetapaeʼmo afotapimoʼmo Yekopu hetamafatiʼmo aliteta alagepa neʼyaʼmo negae. Ala kava neʼmoʼa ani gemo huʼniye.

Aiyeya 58:13 ပူးပေါင်းရင်းမြစ်များ

Samu 122:1

Apakaemo huʼapaeʼmo, Ala kava neʼmo noʼafiʼmo uta haigetao, huʼa naha paiʼnageʼnaeʼmo namogaga aiʼnove.

Samu 27:4

Nagaemo Gotiʼa magoke yaʼmo namisiyafeʼmo nahauʼniyanageʼna ani yaʼmo alisuvafekeʼmo kahauya huguve. Nagaemo Ala kava neʼmo nopiʼmo muki afaʼa maisuva afinaʼmo maiʼneʼna Ala kava neʼmo konali yaʼamo aulu heʼna ageteʼnaeʼmo alopa mono noʼafiʼmo maiʼneʼna ge huʼna afi gegauve.

Samu 42:4

Nagaemo huʼnova kavafeʼmo nagesamo afiteʼna naipafiʼmo haneʼniya kavaʼaʼnimo aeʼna hakalo huʼna kaha nepauve. Hogoteta nagaeʼeʼmo magokepi lokaeta neʼutaeʼmo mono yokemo huge Goti agiʼaleʼmo alita asaga huge hulita Goti mono notegamo uʼnone. Mukiʼamogitamo mono hisunafeʼmo aote afinaʼmo hu maleʼnone.

Samu 84:10

Mago alagepa haopalegamo uʼna yatala afinaʼmo maisuvana namogaga aiguvaʼmonanafa nokafiʼmo aise afinaʼmo maisuvana magoʼe huʼna namogaga aiguve. Nagaemo Gotiʼnimo noʼafiʼmo afa ina agufa vekamo kipateʼmo yagaisuva vekamo maisuvafeʼmo nahauʼniyaʼmonanafa hosu vayaʼai noʼapifiʼmo uʼna haiʼna maisuvafeʼmo oʼnahauʼniye.

Samu 84:2

Nokafiʼmo maisuva yafeʼmo lusi kava huno nagupi mafaʼnemoʼmo hauʼniye. Muki nagufamoʼe naipa nagesafatiʼeʼmo afaʼa neʼmaiya Gotifekeʼmo nehaiye.

Aiyeya 55:8

Ala kava neʼmoʼa ina gemo hunoʼaeʼmo, nagae naipa nagesamo haneʼniya kava huno lapakae lapaipa lapakesamo ohaneʼniye. Nagaemo nehuva kavaʼnimo haneʼniya kava huno lapakaemo nehaya kavatapimo ohaneʼniye.

Aiyeya 59:13

Lagaemo kagaetegamo gekamo amagita atalege aigofe gemo huge Gotitimoʼmo ataleta uge lavayafatiʼmo gemo huta alita afepiʼmo apatege gekamo oʼafigune, huta huge huta maiʼnone. Laipafiʼmo lagesamo afiteta laipafatiʼmo aigofe gemo nehune. Apakaemo vayaʼmogi kavaʼapimo alagepa huʼa aliʼa fako huʼa oʼapateʼnagenoʼaeʼmo Ala kava neʼmoʼa agetenoʼaeʼmo alagepa aipamo kalino oʼapateʼniye.

Leveleseni 1:10

Ala kava neʼmo afinaʼmo afole aiʼnigeʼna Goti Aunemeʼafiʼmo maiʼneʼnaeʼmo naune kavaʼmo huʼna maiʼnogenoʼaeʼmo nakamelegatiʼmo alopa gefatiʼmo pikuli hugekana agufa gemo huʼnigeʼna afiʼnove.