Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aiyeya 58:10 - The Keyagana NT and 25 OT books

10 apaka teʼnisiya vayaʼmo neʼyaʼmo apamige kafu hisaya vayaʼmo fikumo hapa maeta apamige hisayaʼmoʼmo hanipiʼmo hale yatapimo aeno halegaiye. Hani yatapimo alino hano huno ata lesigeno felugagana huno ha le yatapimo afole aigiye.

အခန်းကိုကြည့်ပါ။ ကော်ပီ




Aiyeya 58:10
19 ပူးပေါင်းရင်းမြစ်များ  

Hani huʼniya yapiʼmo ha le yaʼmoʼa fatago vekalefeʼmo aeno ha legaiye. Agaemo fiku hapa maeno apamige hau huno apatege vayaʼaitegamo hapauʼniya kavaʼmo huge fatago kavaʼmo huge nehiye.


Lapa maesigenoʼaeʼmo alagepa kavatapimo yegekana huno aeno ha legaiye. Ani kava huno fatago kavatapimo vayaʼai apaulagaleʼmo alino afole aino ategaiye.


Kagemi yaʼapimo ohaneʼniya vayaʼaifeʼmo apakesamo neʼafiya vayaʼmo aulena vayaʼmo maiʼnae. Ala kava neʼmoʼa hanageke yapatiʼmo apakufamo alino katino apategaiye.


Mago vekamoʼmo kagemi yaʼapimo ohaneʼniya vayaʼmo alu kana ya alu kana yaʼmo alino apamisiyaʼmoʼmo alo huno ateʼniya vekaeʼmo huno faipa huno neʼateyaʼmonanafa mago vekamoʼmo alo huno ateʼniya vekamo ala agiʼamo amisiyaʼmoʼmo kagemi yaʼapimo ohaneʼniya vayaʼaifeʼmo hau huno apategaiye.


Kagemi yaʼapimo ohaneʼniya vayaʼaina fikumo apamisiya vekamo kafu osugiyaʼmonanafa hapa maesiyafeʼmo ohauʼnigeno oʼapakeno aulagamo fali kaeno noʼapamiya vekamo magoʼe huno lifana huno atesiya kavaʼmo agaeteʼmo afole aigiye.


Nagaemo apaulagamo ali huʼniya vayaʼmogi uʼeʼa nosaya kateʼmo apavaleliʼna egauve. Oʼageʼnaya kateʼmo apavaleliʼna uguve. Nagaemo hani yaʼmo aliʼna ataleteʼna hale yaʼmo apamisugeʼa hale yategamo umenitata hugae. Kayagi kayaga kaʼapimo aliʼna api aiʼna kaʼmo valiguve. Nagaemo hapa maesuvafeʼmo ani kavaʼmo huteʼnaeʼmo apataleʼna oʼuguve.


Afiyo, huʼna, Alopa haniʼmo hu kavaʼmoʼmo muki ma mopafi vayaʼmo aino apati kaegaiyaʼmonanafa Ala kava neʼmoʼa yegegana huno haineno lapakaeteʼmo aeno ha lesigeʼa ha le konali yatapimo agegae.


Yesuʼa ani gemo afitenoʼaeʼmo, magoke kavaʼatokamo aeka aga seʼnane. Muki kagemi yakamo alika maketi hugeʼa miya faitesageka alisana monimo alika fako huka kagemi yaʼapimo ohaneʼnisaya vayaʼaina apamigenoʼao alagepa yakamo kokuʼnapiʼmo haneno. Ani kavaʼmo hutekaeʼmo eka nakame huvo, huno ha paiʼnigeno


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ