Aiyeya 58:1 - The Keyagana NT and 25 OT books

¹ Ala kava neʼmoʼa hunoʼaeʼmo, Kagaemo oʼataleka alopa gefatiʼmo keya ao. Kagaemo pikulimoʼmo age neʼaiya agufa gemo huka alopa gefatiʼmo keya aeka ge huvo. Kagaemo vayaʼnimo Yekopu nofi vayaʼaifeʼmo geʼnimo amagiʼa neʼatalaya hosu kavaʼapieʼmo hapa paiyo.

Aiyeya 58:1 ပူးပေါင်းရင်းမြစ်များ

Aiyeya 2:5

Yekopu aginago vayaʼmogitapae, huʼna, Egetao Ala kava neʼmoʼa aeno ha neleya kavategamo umenitata hugune.

Aiyeya 40:6

Mago avayamo ina ge huno huʼniya gemo aeka hakalo huvo, huno huʼnigenoʼaeʼmo, na agufa gemo aeʼna hakalo huguve, huno huʼniye. Agaemo geʼaleʼmo aeno atagaina hunoʼaeʼmo, Muki ma mopafi vayaʼmogi apakufamo kahaugana huʼa maiʼnae. Apakaemo alagepa apaulagamo neʼagaya kavaʼapimoʼa kanale ausegana huno haneʼniye.

Aiyeya 43:27

Hogote lapakinago vekamoʼmo hosu kavaʼmo huʼnigeʼapaeʼmo geʼnimo aliʼa lapaya maleʼnaya vayaʼmogiʼeʼmo nagaetegamo hosu kavaʼmo huʼnae.

Aiyeya 50:1

Ala kava neʼmoʼa Isaleli vayaʼaifeʼmo ina gemo huno hapa painoʼaeʼmo, Lapakaemo lapakesamo afitapaeʼmo, Nagaemo vayaʼmogimo aʼapimo alagi hapafaiʼa neʼapatalaya agufa kavaʼmo huʼna itatapimoʼmo alagi ha faiʼna ataleʼnove, hutapa lapakesamo neʼafifiye. Ha faiʼna ataleʼnovesinana ha faiʼna ataleʼnova gemo haneʼniya apepamo haneʼniesine. Lapakaemo lapakesamo afitapaeʼmo, Nagaemo vayaʼmogimo mafaʼneʼapimo anonaʼapilefeʼmo kalavusi aliʼyaʼmo alisayafeʼmo maketi nehaya kavaʼmo huʼna lapakaemo lapataleʼna uʼna maketi nehaya kavaʼmo huʼnove, hutapa lapakesamo neʼafifiye. Haʼao, nagaemo mago vekalegamo anonaʼnimo ohaneʼniye. Lapakaitapimo hosu kavaʼmo huʼnayaʼmofeʼmo kame vayatapimogimo kalavusi huʼa lapateteʼa lapavaleliʼa uʼnae. Lapakaemo hosu kavatapilefeʼmo kalavusi aliʼyaʼmo alisayafeʼmo lapakaitapimo maketi nehaya agufa kavaʼmo huʼnae. Lapakaemo hosu kavaʼmo huʼnayaʼmofeʼmo itatapimoʼmo hafaiʼna ataleʼnove.

Aiyeya 56:10

Isaleli vayaʼaiteʼmo yagaiʼa neʼapataya vayaʼmo apaulagamo fali kaeʼniye. Gemo alagepa huʼa noʼafiye. Apake noʼaiya kalagana huʼa maiʼneʼa hau hau nosae. Havaesayafeʼmo hapauʼnigeʼa apauʼmaiʼmai huʼa maiʼnae.

Aiyeya 57:12

Nagaemo na agufa fatago kavatapimo nehafi huʼna hapa paiteʼna aliʼyatapieʼmo aeʼna hakalo huguve. Alagi lapa oʼmaegaiye.

Aiyeya 59:12

Gekamo amagita ataleʼnona kavatimoʼmo kaulagaleʼmo magoʼe magoʼe huno afole neʼaiye. Hosu kavatimoʼmo agoti huno nelateyaʼmofeʼmo ani kana yaʼmo aliʼnone. Gekamo amagita ataleʼnona kavatimo laulagaleʼmo haneʼnigeta ani hosu kavatimo ageʼnone.

Yona 1:2

Alo huka alopa taonimo Niniva taonifiʼmo uka ge hapauvo. Lusi hosu kavaʼmo nehageʼna apakeʼnove, huno ha paiʼniyaʼmonanafa

Taitasi 2:15

Ani kavatefeʼmo alika apaya neʼmalekaeʼmo himamukaletiʼmo alagepa kavaʼmo hisayafeʼmo apakesamo alige hosu kavaʼmo osisayafeʼmo hosu kavaʼmo nehae, huka huge huka hapa paiyo. Mago vayaʼmo apateʼnegeʼa afa vekamo maiʼnane, huʼa osiyo.

Leveleseni 1:10

Ala kava neʼmo afinaʼmo afole aiʼnigeʼna Goti Aunemeʼafiʼmo maiʼneʼnaeʼmo naune kavaʼmo huʼna maiʼnogenoʼaeʼmo nakamelegatiʼmo alopa gefatiʼmo pikuli hugekana agufa gemo huʼnigeʼna afiʼnove.

Leveleseni 4:1

Ani gemo afiteʼna ageʼnovana kokuʼnapi kitamo naulagaleʼmo yaki maleʼnigeʼna ageʼnove. Hogoteʼna afiʼnovana pikuli huʼnageno age aigekana agufa gefatiʼmo naha painoʼaeʼmo, Manileʼmo haikeno. Henagaʼamo afole aisiya kavaʼmo aliʼna kaveliguve, huno naha paiʼniye.