Aiyeya 57:18 - The Keyagana NT and 25 OT books18 Nagaemo hosu kavaʼamo ageʼnovaʼmonanafa aliʼna alagepa huʼna ategauve. Nagaemo alagepa kateʼmo avaleliʼna uguve. Halate ha maeʼna aipamo aliʼna falu huʼna ategauve. Ani kava huʼna ani vekamo hosu kavaʼaeʼmo yulagefa neʼaiya vayaʼai apaipamo aliʼna falu huʼna apategauve. အခန်းကိုကြည့်ပါ။ |
Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.
Magoʼe gemo haneʼniyana Gotiʼa hosu kavaʼmo magoʼe huno afole aisiyafeʼmo keʼaepa geʼamoʼa hosu kavaʼmo haopaleʼmo alino afole aino ateʼniye. Hosu kavaʼmo magoʼe huno afole aiʼniyaʼmonanafa Gotiʼa hosu kavaʼmo ago afole aitegenoʼaeʼmo fikumo hapa maeno apamiʼniya kavaʼamoʼmo magoʼe huno aeno agaseno havai teteno aino vali lamino asagauno aiʼniye.
Na kava hinageʼapaene. Aikeli sipisipimoʼa yagaino neʼapateya vekamo siyaʼamo folagapiʼmo maiʼniya sipisipi vekamoʼmo sipisipileʼmo yagaiʼa neʼapataya kava huno yagaino apateteno meti aniʼamoʼa afaʼa maisaya yaʼmo neʼapamiya anitegamo apavalelino ugiyaʼmofeʼmae. Gotiʼa apaulagafatiʼmo apaunumo alino laneno atalegaiye, huno huʼniye.