Aiyeya 57:14 - The Keyagana NT and 25 OT books

¹⁴ Ala kava neʼmoʼa ina gemo hunoʼaeʼmo, Mago vekamoʼmo ina gemo hunoʼaeʼmo, Kaʼmo valiyo, kaʼmo valiyo. Kaʼmo valita apateyo. Lapakaemo muki haneʼniya yateʼmo vayaʼnimo apaiyafiʼmo hapaegaiyanagi alita ataleyo, huno hapa paigiye.

Aiyeya 57:14 ပူးပေါင်းရင်းမြစ်များ

Samu 68:4

Gotifeʼmo yokemo hutapa agiʼaleʼmo alitapa asaga hiyo. Hiyapiʼmo neʼviya Gotiʼmo visiya kaʼmo valitapa ateyo. Agaemo agiʼamo Ala kava nene. Aulagaleʼmo lapamogaga aiyo.

Aiyeya 35:8

Ani haopalegamo mago alopa kaʼmo aote kaʼmo hanegaiye. Vayaʼmogimo ani kafeʼmo agi aeʼapaeʼmo, apaote vayaʼmogi kane, huʼa agi aegae. Hosu kavaʼapimo aeʼa kalo opaeʼnaya vayaʼmo ani kateʼmo oʼugayaʼmonanafa alu vayaʼmogimo ani kateʼmo afaʼa ugae. Ani kateʼmo neʼvaya vayaʼmo negi vayaʼmo maiʼnisayana kafeʼmo ika huteʼapaeʼmo ataleʼa alu kateʼmo oʼugae.

Aiyeya 40:3

Mago vekamo eno kaʼme kotega maiʼneno aeno hakalo hunoʼaeʼmo, Ala kava neʼmo kaʼme kotegamo esiya kaʼmo valitapa ateyo. Esiya kaʼmo Gotitimotefeʼmo alopa alagepa api kaʼmo valita ateyo.

Aiyeya 49:11

Nagaemo alo hu maleʼnova avemo amagiʼna naku paeʼna aliʼna kanale huʼna kale kaʼmo anagamo aliʼna ha maleʼna ategauve.

Aiyeya 62:10

Aiyeyaʼa Goti geʼamo hapa painoʼaeʼmo, Kegiʼyamo kipatetiʼmo uta lamiyo, uta lamiyo. Vayaʼmo taonifi eʼa haisaya kaʼmo kafiyo. Kaʼmo valita apateyo. Kapiʼmo haneʼniya yafaʼmo alita ataleyo. Lapakaemo kalahuʼmeʼmo alita asai malegeʼapao vayaʼmo eʼa aliʼa anupa huʼa maiyo.

Lomu 14:13

Ha paigunaʼmofeʼmo konagatimogi kavaʼapimo magoʼe huta alita fako osuta atalegetao. Konagatimogi apaiyafiʼmo hapaesigeʼa hosu kavapiʼmo asagauʼa aisayafeʼmo mago kavaʼmo afaʼa osugune, huta lagesamo afigetao.

1 Kolitiyani 1:23

Nehayaʼmonanafa lagaemo Kalaisiʼa malipu yosaleʼmo nili aiteʼa aliʼa he tiʼa ateʼnaya kavafekeʼmo ava gemo aeta hakalo huta hapa nepaunageʼapaeʼmo Yu vayaʼmogimo ani gemo afiteʼapaeʼmo hosu apaipamo kaliteʼa apaiyamo faiʼa lo aeteʼa heleve huʼnageʼapaeʼmo Yu nofi vayapatiʼmo oʼmaiʼnaya vayaʼmogimo ani gemo afiteʼapaeʼmo, negi nagi gemo huʼnae, huʼa nehae.

1 Kolitiyani 8:13

Nehayaʼmofeʼmo afumo ameʼamo neʼnovanageno konagaʼnimoʼmo hosu kavaʼmo hisigeʼnaeʼmo halate afumo ameʼamo alagi oʼnegauve. Hosu kavapiʼmo asagauno oʼaisiyafeʼmo afumo ameʼamo oʼnegauve.

1 Kolitiyani 8:9

Oʼmaigunaʼmofeʼmo alagepa hutapa kava yagaiyo. Hosu kavanagetapa kalavusifiʼmo oʼmaitapa afaʼa maiʼnetapaeʼmo negaune, hutapa nehaya kavaʼmoʼa lokiya oʼvaiʼnaya vayaʼmo apaiyafiʼmo hapaesigeʼapaeʼmo hosu kavapiʼmo asagauʼa aigae.

2 Kolitiyani 6:3

Aliʼyatieʼmo huʼa faipa huʼa olatesayafeʼmo vayaʼai apaiyafiʼmo hapaesiya yaʼmo noʼmalonaʼmonanafa

Himulu 12:13

Api kateʼmo vigenoʼao lapaiyamo afe leʼniya lapaiya auʼamo alino api aino alagepa huno lapateteno alino lokiya vaino lapateno.