Aiyeya 57:11 - The Keyagana NT and 25 OT books

¹¹ Lapakaemo ina lafeʼmo koli huʼnayaʼmofeʼmo nagaefeʼmo aigofe gemo naha paiteta nagaefeʼmo lapake kaniʼnigetapa lapaipafiʼmo nagaefeʼmo lapakesamo noʼafiye. Yatala afinaʼmo ge osuʼna afaʼa maiʼnovaʼmofeʼmo nagaefeʼmo koli nosafiye.

Aiyeya 57:11 ပူးပေါင်းရင်းမြစ်များ

Samu 50:21

Ani agufa kavaʼmo huʼnageʼnaeʼmo ge osuʼna afaʼa maiʼnove. Lapakaemo nagaefeʼmo, lagaekana huno maiʼniye, hutapa lapakesamo afiʼnayaʼmonanafa hosu kavaʼmo huʼnae, huʼna lapa paiguve. Nagaemo hosu kavatapimo lapaulagaleʼmo aliʼna kale kaeʼna lapave liguve.

Samu 78:36

Kanale vekamo maiʼniye, huʼa huʼnayana apaipafatiʼmo apakesamo afiteʼa osuʼnafa apavayaʼaletikeʼmo aigofe gemo huʼnae.

Mai'naya kavane 29:25

Vayaʼaifeʼmo koli nehaya kavaʼmoʼmo aneʼaifiʼmo hegekana huno apatafaugiyaʼmonanafa Ala kava neʼmoʼa laha maegaiye, huʼa aliʼa amufa neʼamiya vayaʼmo alagepa huʼa maigae.

Aiyeya 26:10

Gotiʼa hosu vayaʼaina fiku hapa maeno apamisiyaʼmoʼmo fatago kavaʼmo hisaya kavaʼmo oʼagegae. Apakaemo fatago vayaʼmo maiʼnaya koteʼmo hosu kavaʼmo huteʼa Ala kava neʼmo ha le konali yaʼamo oʼagegae.

Aiyeya 42:14

Ala kava neʼmoʼa ina gemo hunoʼaeʼmo, Alagi akeyaʼvilagamo nagaemo ge osuʼna afaʼa maiʼnove. Nagaiʼnimo natafauʼna nateteʼna afaʼa maiʼnove. Afaʼa maiʼnovaʼmonanafa hemenimo nagaemo a kanomoʼmo mafaʼnemo alino atesiyafeʼmo agafu kiʼnigenoʼaeʼmo kage kage nehiya kava huʼna kage kage huteʼna ha ha huʼna naya mukiki huʼna navamusamo aliguve.

Matiyu 25:25

kolikamo huteʼna namiʼnana vani tauseni monikamo alininuʼna keli kafiteʼna kelifiʼmo maleʼnove.

Apa 5:3

Pitaʼa hunoʼaeʼmo, Ananaiyasiyo, huno, Na kava higeka Sataniʼmo ateʼnanageno kaipafiʼmo faleno uno haiʼnigeka mago vekamoʼmo mago mopamo miya faiʼniya monimo alika fako huka maleteka eka Goti Aunemeʼaeʼmo aigofe gemo huʼnane.

2 Tesaloniyani 2:9

Afole aiteno Satani himamuʼaletiʼmo lokiya alagena aune kavaʼmo noʼagaya aigofe aune kavaʼmo hugiye.

1 Timoti 4:2

Apavayaletiʼmo aigofe gemo hugayaʼmonanafa apakupi mafaʼnemo faliʼnegekana huno maiʼniye.

Leveleseni 21:8

Maigayaʼmonanafa vayaʼaifeʼmo koli huteʼa Goti geʼamo neʼatalaya vayanagi apakesamo afiʼa fatago nosaya vayanagi alagi faipa vayanagi vayaʼmo neʼapamagiya vayanagi kumai kavaʼmo nehaya vayanagi Satani himamuʼaletiʼmo noʼagaya agufa apaune kavaʼmo nehaya vayanagi aigofe gotiʼapimogitefeʼmo mono nehaya vayanagi muki agufa aigofe gemo nehaya vayanagi huʼa ata kotuʼmo sofa yafapiʼmo neleya ata kotupiʼmo maigae. Ata kotupiʼmo maisaya kavaʼmo agiʼamo napa tu afinaʼmo falisaya kavaʼmae.

Leveleseni 22:15

Negayaʼmonanafa kalagana vayanagi Satani himamuʼaletiʼmo noʼagaya agufa aune kavaʼmo nehaya vayanagi kumai kavaʼmo nehaya vayanagi vayaʼmo neʼapamagiya vayanagi aigofe gotiʼapimogitefeʼmo mono nehaya vayanagi muki vayaʼmogimo aigofe kavafeʼmo hapauʼnigeʼapaeʼmo aigofe gemo nehaya vayanagi huʼa ani taonimo malagamo maigae.