Aiyeya 57:1 - The Keyagana NT and 25 OT books

¹ Fatago vayaʼmo nefaliyaʼmonanafa magoke vekamoʼmo hausoli nosiye. Gotiʼa hapau huʼa neʼapataya vayaʼmo ma mopafatiʼmo apavalelino neʼvigeʼapaeʼmo vayaʼmogi huʼapaeʼmo, Hosu kavategatiʼmo apavalelino neʼviye, huʼa apakesa afifi huʼa noʼmaiye.

Aiyeya 57:1 ပူးပေါင်းရင်းမြစ်များ

2 Sitoli 34:28

Nagaemo afaʼa kateʼnisugeka ani hosu yaʼmo Yulusalemu taonifiʼe taonifiʼmo maiʼnaya vayaʼaitegaʼeʼmo afole aisiya kavaʼmo oʼagegane. Kagaemo falisanageʼna nagaemo kaginago vayakaʼeʼmo aliʼna anupa huʼna kategauve. Kagaemo alagepa hukageʼmo maiteka falisanageʼa alagepa huʼa kiʼa kategae, huno ha paiʼniye. Inagi apakaemo ani gemo halate aliniʼuʼa kini vekaeʼmo ha paiʼnae.

2 Sitoli 35:24

Inagi apakaemo ani maiʼniya kame talalafatiʼmo avaleliʼuʼa alu talalafiʼmo ateteʼa Yulusalemu taonifiʼmo avaleliʼa uʼnae. Ani kavatetiʼmo faliʼnigeʼapaeʼmo aginago vayaʼmo faliʼnageʼa kiʼa apateʼnaya nopiʼmo kiʼa ateʼnae. Inagi muki Yuta vayaʼe Yulusalemu vayaʼeʼmo lusi kava huʼa yulagefa aiʼa hapau huʼa ateʼnae.

Samu 12:1

Ala kava nene, huʼna, Hemenimo kagaefekeʼmo mono nehaya vayaʼmo oʼmaiʼnayaʼmofeʼmo laha mao. Ma mopafi vayapatiʼmo fatago vayaʼmo ago faliʼa hano huʼnae.

Samu 37:37

Lapakaemo alagepa vayaʼmo aulu hapaetapa apaketetapaeʼmo fatago vayaʼmo apaketapa maiyo. Kanaʼapimo hano hisigeʼapaeʼmo alagepa huʼa maigayaʼmonanafa

Aiyeya 42:25

Huʼnonaʼmofeʼmo aipamo leno nelateya kavaʼmo alopa anikana huno lagaeteʼmo lakiʼniye. Agaemo kame vayaʼmo alino apateʼnigeʼa eʼa lagaemo kamemo lahaeʼnae. Aipamo leno nelateya kavaʼamo ina kava huno atagana huno laleʼniye. Atamo laleʼniyaʼmonanafa alita olamalagiʼnone. Ageta alagepa osuʼnonaʼmofeʼmo kavatimo oʼataleʼnone.

Aiyeya 57:11

Lapakaemo ina lafeʼmo koli huʼnayaʼmofeʼmo nagaefeʼmo aigofe gemo naha paiteta nagaefeʼmo lapake kaniʼnigetapa lapaipafiʼmo nagaefeʼmo lapakesamo noʼafiye. Yatala afinaʼmo ge osuʼna afaʼa maiʼnovaʼmofeʼmo nagaefeʼmo koli nosafiye.

Maika 7:2

Muki ma mopafiʼmo fatago vayaʼmo faliʼnae. Magoke fatago vekamo oʼmaiʼniye. Muki vayaʼmogimo alu vayaʼaifeʼmo kame huʼa apateteʼa aliʼa hosu huʼa apatesaya kafeʼmo kahauya nehae. Muki vayaʼmogimo apakaiʼapi nofi vayaʼmo apatafauʼa kamitimo apamagisayafeʼmo umenimo aliniʼa neʼvae.

Malakai 2:2

Naginileʼmo alita asaga hutapa natesayafeʼmo geʼnimo afitetapa alita lapaipafiʼmo oʼmalesayaʼmoʼmo lokiya hosu lifanamo huʼna lapatesugeno lapakaeteʼmo hosu kavaʼmo afole aigiye. Nagaemo fiku lapa maeʼna lapamiʼnova yaʼmo aliʼna hosu huʼna atalegauve. Lapakaemo geʼnimo oʼafitapa ina agufa ge nehiye, hutapa nehayaʼmofeʼmo nagaemo fikumo lapa maeʼna lapamiʼnova yaʼmo ago aliʼna hosu huʼna ataleʼnove.

Napa 23:10

Yekopu nofi vayaʼmo asole vayaʼmo mumusopagana huʼa maiʼnayanagi ina laʼmo apakaemo afaʼa lekana paigiye. Ina laʼmo magokayaga vayaʼamo lekana paigiye. Fatago vayaʼmo alagepa huʼa nefaliya kava huʼna natesanageʼna faligesuve. Kaʼapimo atupaleʼmo alagepa huʼa uʼa avaʼyi nehayanageʼna kaʼnimo atupaleʼmo alagepa huʼna uʼna avaʼyi hugesuve.