Aiyeya 56:3 - The Keyagana NT and 25 OT books

³ Alu nofi vekamo Ala kava nepiʼmo haino faleʼnisiya vekamoʼmo hunoʼaeʼmo, Ala kava neʼmoʼa agaiʼa vayaʼafatiʼmo alino fako huno nataleʼniye, huno osino. Ina kava huno anamo vekamoʼmo hunoʼaeʼmo, Nagaemo ago vaiʼniya yosagana huʼna maiʼnovaʼmofeʼmo Goti vekaʼamo afaʼa oʼmaiguve, huno osino.

Aiyeya 56:3 ပူးပေါင်းရင်းမြစ်များ

Esata 9:27

Yu vayaʼmogimo keʼaepa gemo hu maleteʼapaeʼmo, Lagaemogi muki laginago vayaʼmogi alu nofi vayaʼmo eʼa Yu nofi vayapiʼmo maisaya vayaʼmogiʼeʼmogi huʼa muki kafugaʼaeʼmo hiyo, huta huʼnona gemo akame huteʼa ani lole afinatefeʼmo apamogaga aiʼa hopa kavaʼmo hiyo, huʼa huʼnae.

Aiyeya 56:6

Nagaemo apakaemo alu kotega vayaʼmogi mafaʼneʼapimogi Ala kava nefeʼmo mono huteʼa akame huge agiʼalefeʼmo hapau apayamopafiʼmo hapauge aliʼyaʼamo alige huʼa maisayafeʼmo eʼa Ala kava neʼeʼmo magokepi lokaeʼa maisaya vayaʼmo apavaleliʼna egauve. Nagaemo apakaemo Sapati kavaʼmo aliʼa hosu huʼa oʼategayaʼmonanafa nagaemo kotalakemo hu maleʼnova gemo atafau alagi huʼneʼa akame hisaya vayaʼmo nagaemo apavaleliʼneʼna haiʼneʼna nagae aote aveleʼmo apateteʼna apamogaga aisaya yaʼmo apamisugeʼa nunumuʼmo nehaya mono noʼnifiʼmo apamogaga aigae. Vayaʼmogimo noʼnieʼmo, huʼapaeʼmo muki nofi vayaʼmogimo nunumuʼmo hisaya noʼmo haneʼniye, huʼa hugayaʼmofeʼmo apakaemo ofalini nehaya hiʼyalamuʼnileʼmo atafi nekaeya ofalinimoʼe afumo amagiʼnaya ofalinimoʼeʼmo namisageʼna hapao ke heteʼna aliguve.

Sefanaiya 2:11

Ala kava neʼmoʼa apakaetegamo alopa kavaʼmo hisigeʼapaeʼmo lusi kava huʼa apamoʼyamo aigae. Agaemo ma mopafi vayaʼai gotiʼapimogimo ina agufa yakana huno alino ha maleno apatesigeʼa muki kotegamo maiʼnaya vayaʼmogimo koʼapileti koʼapiletiʼmo agaetefekeʼmo mono hugae.

Apa 10:34

Pitaʼa aepa faino hapa painoʼaeʼmo, Hemenimo ago afiʼnovana Gotiʼa amega apakufaleʼmo apaketeno hapa noʼmaefa muki haopalega maiʼnaya vayaʼaitegamo magoke agufa kavaʼmo huno hapa neʼmae, huʼna ago afiʼnove.

Apa 17:4

Mago vayaʼmogimo ani gemo afiteʼa Polo geʼaeʼmo apakesamo afiʼa fatago huteʼapaeʼmo anakame huʼnae. Asole Galiki vayaʼmogi Gotifeʼmo mono nehaya vayaʼe apaki haneʼniya aʼnemogiʼeʼmo eʼa lokaeʼa maiʼneʼa geʼanimo afiʼnae.

Apa 18:7

Uno mago vekamo Gotifeʼmo mono nehiya vekamo agiʼamo Taitasi Yasiti nopiʼmo uno haino maiʼniye. Noʼamo Yu vayaʼai mono noʼmo haopaleʼmo haneʼniye.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

1 Kolitiyani 6:17

Huʼniyaʼmonanafa mago vekamoʼmo Ala kava neʼeʼmo aiʼana lokaesaʼagenoʼaeʼmo agaeʼeʼmo magoke anauneʼanameʼmo alino hamalegaiye.

Efasasi 2:12

Ani afinaʼmo Kalaisiʼeʼmo lokaeta oʼmaitapa lapaote maiʼnae. Isaleli vayaʼai kegiʼya yuʼilaga eta haiteta oʼmaitapa malaga maiʼnae. Gotiʼa lapa maegauve, huno hu maleʼniya kotalakelefeʼmo polomasi gemo hu maleʼniya gemo lapa opaiʼniye. Ma mopafiʼmo maiʼnetapaeʼmo Gotitegatiʼmo alagepa yaʼmo alisayafeʼmo agava maiʼnetapa lapavayagunagu osuʼnageno Gotitapimoʼmo oʼmaiʼniye.

Efasasi 2:22

Agaepiʼmo Gotiʼa Aunemeʼamo noʼafiʼmo maisiyafeʼmo lapakaeʼeʼmo alino anupa huno no kigekana huno nelapate.

1 Pita 1:1

Nagaemo Pitaʼnamo Yesu Kalaisi apa vekaʼamo maiʼneʼnaeʼmo Goti vayaʼamo kalagaʼmo hageta uteta hutapa Ponitasi kotega maige Galesiya kotega maige Kapanosiya kotega maige Esiya kotega maige Mitiniya kotega maige huʼnaya vayaʼmogitapaeʼmo mani gemo avoʼmo nekaove.