Aiyeya 55:8 - The Keyagana NT and 25 OT books

⁸ Ala kava neʼmoʼa ina gemo hunoʼaeʼmo, nagae naipa nagesamo haneʼniya kava huno lapakae lapaipa lapakesamo ohaneʼniye. Nagaemo nehuva kavaʼnimo haneʼniya kava huno lapakaemo nehaya kavatapimo ohaneʼniye.

Aiyeya 55:8 ပူးပေါင်းရင်းမြစ်များ

2 Kini 5:11

Nemaniʼmo ani gemo afitenoʼaeʼmo lusi kava huno aipamo leʼnigeno agaemo Ilaisa notetiʼmo ataleno uʼniye. Agaemo hunoʼaeʼmo, Nagaemo nagesamo afiʼnaeʼmo, Agaemo emineno kumatetiʼmo nagetenoʼaeʼmo Ala kava neʼmo Gotiʼamofeʼmo nunumuʼmo huteno lepolosi yaʼmo nahauʼniya nahaopaleʼmo ayaʼmo alininuteno eteno huteno alino nahateno nategaiye, huno huʼniye.

Samu 25:10

Agaemo kotalakemo hu maleʼniya geʼamo akame huge avayafatiʼmo huʼniya geʼamo afige huʼa maiʼnaya vayaʼmo hau huno neʼapateya kateʼe geʼamo akame nehiya kateʼeʼmo apavalelino neʼviye.

Samu 40:5

O Ala kava neʼnimo Gotiʼnimogae, huʼna, lagaetegamo alu kava alu kavaʼmo huka aliʼyaʼmo aliteka laha maeʼnane. Lagaefeʼmo kagesa afifi huka neʼmaine. Lagaemo lekana opaisuna agufa kavaʼmo huka lagaefeʼmo kagesamo neʼafine. Nagaemo muki huʼnana kavakaʼe kagesamo neʼafina kavakaleʼefeʼmo alagi alagepa huʼna aeʼna hakalo huʼna hapa opaiguve.

Samu 92:5

O Ala kava nene, huʼna, alopa aliʼyaʼmo neʼaline. Solovala aniʼmo lusi vasilonamo haneʼniya agufa kava huno kagesamo neʼafina kavaʼmo vasilonagana huno haneʼniye.

Mai'naya kavane 21:8

Vaiʼmo neʼaliya vayaʼmogimo humiʼnami kavaʼmo nehayaʼmonanafa vaiʼmo noʼaliya vayaʼmogimo fatago kavaʼmo nehae.

Mai'naya kavane 25:3

Lagaemo kokuʼnaʼmo muga anagaʼmo haneʼniya yaʼmo oʼagege mopamo afeʼalumelagamo haneʼniya yaʼmo oʼagege huʼnona kava huʼa kini vayaʼai apaipafiʼmo noʼagae.

Aiyeya 53:6

Lagaemo sipisipigana huta maiʼneta alagepa kaʼmo ataleta atagu faeta uteta huta maiʼnone. Lagaemo ataleta lahauʼniya kateʼmo lamete lamete huta uʼnone. Inagi Ala kava neʼmoʼa mukiʼamogita hosu kavatimo alino anupa huno agaeteʼmo maleʼniye.

Aiyeya 58:13

Lapakaemo Sapati keʼaepa gemo amagita oʼatalege aote hu maleʼnova afinaʼmo amega lapakufamo amogaga neʼaiya kavaʼmo osuge lapakaemo hutapaeʼmo, Sapati afinafeʼmo lahauʼnigeta lamogaga neʼaune, hutapa huge Ala kava neʼmo aote afinaʼamo ala agiʼamo amige lapakaitapi aliyatapimo oʼalige lapauʼnisiya kavaʼmo kahau aetapa osuge lapamete lapakaitapi gemo osuge hutapa neʼmaisayana Ala kava nefekeʼmo lapamogaga aigae. Nagaemo lapa maesugetapa ala lapaki aliteta alagepa hutapa maiʼnetapaeʼmo afotapimoʼmo Yekopu hetamafatiʼmo aliteta alagepa neʼyaʼmo negae. Ala kava neʼmoʼa ani gemo huʼniye.

Aiyeya 65:2

Nagaemo muki neteʼaʼe uneʼaʼeʼmo geʼnimo oʼafiʼa himuʼnamu kavaʼmo nehaya vayaʼmo apavalesuvafeʼmo nayatalaʼmo aliʼna ataleʼna apakava maiʼnove. Apakaemo apakaiʼapimo apakesamo neʼafiya kavaʼmo kanale osu kavaʼmo nehae.

Aiyeya 66:18

Nagaemo ani vayaʼmogi kavaʼapiʼe apakesa neʼafiya kavaʼeʼmo ageʼnovaʼmofeʼmo aliʼna hano huʼna apatalegauvaʼmonanafa muki nofi vayaʼe muki apakemo neʼaiya vayaʼeʼmo apavaleʼna aliʼna anupa huʼna apatesugeʼa eʼa ha le konali yaʼnimo agegae.

Neniyo 4:37

Hemenimo nagaemo Nepukanesaʼnamo kokuʼnapi kini vekaeʼmo aliʼna auleʼna atege agiʼaleʼmo aliʼna asaga huge ala agiʼamo amige nehuve. Muki afinaʼmo agaemo lama ge kavaʼmo huge fatago kavaʼmo huno alino fako huge nehiye. Vayaʼmogimo apakaiʼapi apakiʼapileʼmo aliʼa asaga hugefeʼmo hisaya vayaʼmo afaʼa alino afepi apategaiye, huno huʼniye.

1 Samiyo 16:7

Agesamo afiʼniyaʼmonanafa Ala kava neʼmoʼa Samiyofeʼmo ha painoʼaeʼmo, kagaemo amega agufalefeʼmo kagesamo oʼafika yatala vekaeʼmo alagepa kaulagamo oʼago. Nagaemo kini vekamo maisiyafeʼmo nagesamo oʼafiʼnove. Vayaʼmogi neʼapakaya agufa kavaʼmo huʼna oʼageʼnove. Ma mopafi vayaʼmogi amega apakufaʼalefekeʼmo neʼapakayaʼmonanafa Ala kava neʼmoʼnamo apaipa apakesafikeʼmo neʼapakove.