Aiyeya 55:6 - The Keyagana NT and 25 OT books

⁶ Lapakaemo Ala kava neʼmo kahauya hutapa agegefe hisaya afinaʼmo kahauya hutapa ageyo. Lapaopaleʼmo eno maisiya afinaʼmo keya aeta nunumuʼmo hiyo.

Aiyeya 55:6 ပူးပေါင်းရင်းမြစ်များ

2 Sitoli 19:3

Hosu kavaʼmo huʼnanaʼmonanafa mago alagepa kavaʼmo kaipafiʼmo haneʼniye. Mago aigofe gotimo akanomo auneʼamo agiʼamo Aselaʼmo kokalegamo haneʼniyanagi Yuta kotegatiʼmo alika ataleteka Gotifeʼmo kagesamo afiteka kahauya hisanafeʼmo kaipamo alo huʼnane, huno ha paiʼniye.

Esala 10:2

Inagi Sekaniyaʼmo Yehiyo mafaʼnemo Elami nofi vekamoʼmo Esalafeʼmo ha painoʼaeʼmo, Lagaemo Gotitimo geʼamo ago amagita ataleteta alu kote vayapatiʼmo malaga nofi aʼne anagaʼmo aliʼnonaʼmonanafa ataleta alagepa huta maisuna kaʼmo haneʼniyanageta alita afamu amiteta lavayagunagu hugune.

Samu 14:2

Gotiʼa kokuʼnapatiʼmo apakenoʼaeʼmo, Mago ageteʼa afiʼnaya vayaʼmo maiʼnafi mago vayaʼmogi kahauya huʼa nagesayafeʼmo nehafi huno apakeʼniye.

Samu 145:18

Ala kava neʼmoʼa agaefeʼmo apaipafatiʼmo hapauʼnigeʼa keya aeʼa ge nehaya vayaʼai hapaopaleʼmo emineno neʼmaiye.

Samu 148:14

Muki vayaʼmogimo agiʼaleʼmo aliʼa asaga hisayafeʼmo alino lokiya vaino apateʼniye. Isaleli vayaʼamogimo Ala kava neʼmo aulagaleʼmo maiʼnageno apakaefeʼmo hau ayamopafiʼmo hauʼniye. Ala kava neʼmo agiʼaleʼmo alita asaga hiyo.

Samu 27:8

Kagaemo nagaefeʼmo hukaeʼmo nagaefeʼmo kahauya hulika eno huka nehanageʼnaeʼmo kagaefeʼmo nagaemo kahauya huliʼna uguve, huʼna nehuve.

Samu 32:6

Ani kavaʼmo nehanaʼmofeʼmo muki kakame nehaya vayaʼmogimo kahauya huʼa kagesaya afinaʼmo nunumuʼmo hiyo. Aniʼmo henoʼaeʼmo hapaopaleʼmo oʼmegaiye.

Samu 34:19

Alagepa vayaʼmogimo lusi hanageke yaʼmo neʼaliyaʼmonanafa Ala kava neʼmoʼa muki hanageke yapatiʼmo apakufamo alino katino neʼapate.

Samu 75:1

O Gotiyo, huʼna, Lagaemo kagaefeʼmo kahaoke nehone. Kagaemo alagepa himamukaletiʼmo nehana kavakaletiʼmo lahaopaleʼmo maiʼnove, huka alika laveliʼnanaʼmofeʼmo kagaefeʼmo kahaoke nehone.

Samu 95:7

Gotitimoʼmo maiʼneno yagaino nelateya vayaʼmo sipisipi vayaʼamo agaiʼa kegiʼyafiʼmo uta haita maiʼnonaʼmofeʼmo agaefekeʼmo mono higetao. Hemenimo lapakaemo Goti geʼamo neʼafisayana

Mai'naya kavane 8:17

Nagaefeʼmo hapau apamopafiʼmo nehapaiya vayaʼaifeʼmo nahau nayamopafiʼmo neʼnahaiye. Apaya mukiki huʼa kahauya nehisaya vayaʼmogi nagegae.

Aiyeya 12:6

Isaleli vayaʼmogi aote Gotiʼa lapakae folagapiʼmo maiʼniya aote vekamo ala agi vekamo maiʼniyaʼmofeʼmo O, Saiyoni taonifiʼmo maiʼnaya vayanagi alopa gefatiʼmo hiyo.

Aiyeya 26:9

Haniʼilagamo nagupi mafaʼnemoʼmo kagaefeʼmo lusi kava huno hauʼniye. He, gotilamiyapiʼmo kagesuvafeʼmo kahauya huʼna kagegauve. Kagaemo alika fako huka apatesanageʼapaeʼmo ma mopafi vayaʼmogi fatago kavafeʼmo afiteʼa agegae.

Aiyeya 45:19

Nagaemo fala kiʼna afagitega hani huʼniya kotegatiʼmo ge osuʼnove. Nagaemo Yekopu aginago vayaʼaifeʼmo huʼnaeʼmo, fiku kahauya hutapa nageyo, huʼna hapa opaiʼnofa lapa maesuvafekeʼmo kahauya hutapa nageyo, huʼna hapa paiʼnove. Ala kava neʼmoʼnamo fatago gemo huʼnaeʼmo, lama gemo nehuve.

Aiyeya 45:22

Ma mopafi muki haopalegamo maiʼnaya vayane, huʼna, nagaemo Gotiʼnamo maiʼnogeno mago alu gotiʼmo alagi oʼmaiʼniyaʼmofeʼmo aulu nahaetapa nagegeʼnao lapakufamo aliʼna katiʼna lapategauvanagi, huno huʼniye.

Aiyeya 49:8

Ala kava neʼmoʼa ina gemo hunoʼaeʼmo, Fiku hapa maeʼna apamisuva afinaʼmo gekamo afiʼnove. Apakufamo aliʼna katiʼna apatesuva afinaʼmo kaha maeʼnove. Nagaemo alagepa huʼna yagaiʼna kateteʼna kagaetetiʼmo vayaʼeʼmo kotalakemo hu maleteʼna ma mopamo aliʼna kanale huʼna atesugeʼa vayaʼnimogi kaʼme kotega mopamo aligae.

Aiyeya 58:9

Ani afinaʼmo lapakaemo Ala kava nefeʼmo keya aeta ge hisageno getapileʼmo aeno atagaina huno lapa paigiye. Lapakaemo alopa gefatiʼmo alopa gefatiʼmo ge hisagenoʼaeʼmo agaemo hunoʼaeʼmo, Maiʼnove, huno hugiye. Lapakaemo vayaʼmo kana yaʼmo oʼapamige vayaʼmo alita afepiʼmo oʼapatege hosu gemo osuge

Aiyeya 65:10

Nagaefeʼmo kahauya huʼa nageʼnaya vayaʼnimogi sipisipi anagaʼapimo Saloni kagoʼmu koteʼmo maige pulumaka anagaʼapimo Ako kagoʼmu kateʼmo havaeʼa maige hugae.

Aiyeya 65:24

Apakaemo nagaefeʼmo hapauʼnisiya yafeʼmo nunumuʼmo huʼa ge huʼa nafi okeʼnaya afinaʼmo hogoteʼna geʼapileʼmo aeʼna atagaina huteʼna apamiguve. Mago afinaʼmo apakaemo nunumuʼmo nehisageʼnaeʼmo afiteʼnaeʼmo apamiguve.

Neniyo 4:27

O kini vekamogae, huʼna, kaipa kagesa afi yaʼmo kamisuva gemo afisanafeʼmo nahauʼniye. Alagamuna kavaʼmo kagaeteʼmo afole aigiyanagi hosu kavakamo ataleteka fatago kavaʼmo huvo. Feʼno yaʼapimo ohaneʼniya vayaʼaitegamo hosu kavaʼmo osuka kahau huka apato. Gotiʼa alagepa huka maisanafeʼmo asole yaʼmo kamisifi okamisifigi amalageka huka ago, huno ha paiʼniye.

Yona 3:8

Muki vayaʼamogitapamo kogu kukenamo vaitetapa afumo kogu kukenamo kofita apateyo. Gotifeʼmo lokiya vaitapa nunumuʼmo hiyo. Muki vayaʼamogitapamo lapaote lapaote hutapa hosu kavatapimo atalege vayaʼmo neʼapamagiya kavaʼe kaveta nehaya kavaʼeʼmo atalege hutetapa maiyo.

Matiyu 5:25

Mago vekamoʼa hunoʼaeʼmo, agoti huʼna kategesuve, huno hisigekaeʼmo malage huka alagepa huka alika fako huka ato. Agotileʼmo kavalelino oʼuʼnisigekaekeʼmo kategamo neʼutanaeʼmo malage huka alika alagepa huka ato. Fiku yanageno kavalelinuno alino fako huno neʼapateya vekamo ayapiʼmo katesigeno alino fako huno neʼapateya vekamoʼmo kavalelinuno ati vekamo ayapiʼmo katesigeno ati vekamoʼmo alino kalavusi huno kategaiye.

Luki 13:25

Noʼmo afoʼamoʼmo he tino kitamo ki maleʼnisigetapaeʼmo kumatega he tita maiʼnetapaeʼmo kitaleʼmo hakalu hakalu nehutapaeʼmo, Ala kava nene, hutapa, kitamo yakika lato, huta nehisagenoʼaeʼmo, olapakeʼnova vayanagi haiyaʼalegati eʼnae, huno ge huno lapafi gesigetapaeʼmo,

Yoni 8:21

Yesuʼa halate ina ge huno hapa paiʼniye. Nagaemo uʼna maisuva koteʼmo uta kahauya hutapa nagesayafeʼmo hugayana alagi hosu kavatapifiʼmo maiʼnetapaeʼmo faligae. Visuva koteʼmo afaʼa oʼugae.

Efasasi 3:13

Inagi nagaemo lapa maesuvafeʼmo kana yaʼmo aliʼnovaʼmofeʼmo lapaipamoʼmo kana nehinagetapaeʼmo, atalegaune, hutapa osiyo. Mani kavatetiʼmo ala lapakitapimo aligae.

Himulu 2:3

Apamiʼniyaʼmofeʼmo Ala kava neʼmo Gotiʼa lusi kava huno vayaʼai apakufamo alino katino neʼapateya kavafeʼmo ava gemo ago hapa paiʼnigeʼa afiʼnaya vayaʼmogimo, lama gemo haneʼniye, huʼa laha paiʼnaya gemo oʼafita afaʼa maisunana haiya kava huta faita kasalo paegaune.

Himulu 3:13

Hosu kavaʼmoʼa humi lapateteno alino lokiya lapaipamo kalino lapategaiyanagi muki afinaʼae afinaʼaeʼmo konagatapieʼmo hutapaeʼmo, atafauta alagi hiyo, hutapa alita lokiya vaita apateyo. Akeyaʼvilagamo Gotiʼa hunoʼaeʼmo, hemenimo afiyo, huno huʼniya gemo hemeni kanatapimo hano osuno afaʼa haneʼniyaʼmofeʼmo hemenigeʼmo konagatapimo alita he titapa apateyo.