Aiyeya 55:1 - The Keyagana NT and 25 OT books

¹ Ala kava neʼmoʼa hunoʼaeʼmo, Hae, huno, muki vayaʼmo anifeʼmo lapauʼnisiya vayaʼmogitapae, huno, anitegamo eyo. Monitapimo ohaneʼnisiya vayaʼmogitapamo eta miya faitapa neyo. He, eta nofi alagafati aniʼe pulumakamo nuʼaʼeʼmo moniletiʼmo miya ofaitapa fiku aliyo, huno hapa nepaiye.

Aiyeya 55:1 ပူးပေါင်းရင်းမြစ်များ

Samu 143:6

Nagaemo kagaefeʼmo nayaʼmo aliʼna asaga nehuve. Hau huʼniya mopamoʼmo koʼmo aisiyafeʼmo hauʼniya kava huno nagupi mafaʼnemoʼmo kagaefeʼmo lusi kava huno alagi hauʼniye.

Samu 63:1

O Gotiyo, huʼna, Gotiʼnimogamo maiʼnane. Kagesuvafeʼmo kotilamisiyapiʼmo kahauya huguve. Nauneʼnameʼmoʼa kagaefeʼmo nehaiye. Aniʼmo ohaneʼniya koteʼmo maiʼneʼnaeʼmo vayaʼmogimo anifeʼmo nehapaiya kava huno kagaefeʼmo neʼnahaiye.

Mai'naya kavane 8:4

O vemogitapae, huʼna, lapakaefeʼmo ge nehuve. Nagaemo muki ve mafaʼneʼaifeʼmo ge nehuve.

Mai'naya kavane 9:1

Afiteʼa neʼagaya kavaʼmoʼa alagepa a kanogana huno maiʼneno noʼamo ki maleʼniye. Agaemo seveniʼa posi yosamo atala vaiʼniye.

Mai'naya kavane 9:5

Etapa peleti mayaʼnimo nege nofi alagafati aniʼmo nege hutapa maiyo.

Salomoni Yokemae 1:2

Nagaefeʼmo kahau kayamopafiʼmo kahauʼniya kavaʼmoʼa alagepa nofi alagafati aniʼmoʼa nehiya agufa hagaʼamo ago aeno agaseʼniyaʼmofeʼmo yafayaʼmo huka natesanafeʼmo neʼnahaiye.

Salomoni Yokemae 1:4

Kagaemo nayate heka navayu hulika neʼegetao lagaemo nagu nagu huta eta kakame huta ugune. Kini vekamoʼmo navalelinuno noʼafiʼmo maisuvafeʼmo nateʼniye. Kao vayaʼmogitamo kagaefekeʼmo lamogaga aiteta amuse hugune. Apakaemo alagepa nofi alagafati anifeʼmo apakesamo afiteʼa apamogaga neʼaiyaʼmonanafa lagaefeʼmo kahau kayamopafiʼmo kahauʼniya kavafekeʼmo lagesa afifi huta lamogaga aigune. Fatago vayaʼmogi kagaefekeʼmo hapau apayamopafiʼmo nehapaiye.

Salomoni Yokemae 5:1

Nasaʼnimogamo aʼnimogae, huʼna, Nagaemo hoyaʼnilegamo ago eʼna alagepa atumo neʼaiya yaʼmo agiʼamo meyaʼe mago alagepa atumo neʼaiya yaʼeʼmo aliʼna anupa huʼnove. Nagaemo lumemo anoʼaʼe anuʼaʼeʼmo neʼnove. Nagaemo nuʼanuʼe nofi alagafati aniʼeʼmo neʼnove. Nao vayaʼnimogitapae, huʼna, alitapa neyo. Nahau nayamopafiʼmo neʼnahaiya vayaʼnimogitapae, huʼna, He, aniʼmo netapa lapamu hiyo.

Aiyeya 1:19

Lapakaemo alagepa kavaʼmo hisayafeʼmo lahapauge geʼnimo akame huge hisayana hoyatapifatiʼmo kanale neʼyaʼmo afole neʼaiya neʼyaʼmo negae.

Aiyeya 52:3

Ala kava neʼmoʼa hunoʼaeʼmo, Kagaemo kalavusi aliʼyaʼmo alisanafeʼmo miya ofaiʼnaya kava huʼna miyakamo oʼaliʼna fiku hatu maeʼna kategauve.

Matiyu 10:8

Kaita hapauʼnisiya vayaʼmo alita hapagetapa apatege falisaya vayaʼmo alita he titapa apatege lepolosi kaitaʼmo hapauʼnisiya vayaʼmo alita hapageta apatege hosu apaune vayaʼmo alita hapafaita apatalege hulitapa viyo. Nagaemo fiku lapa maeʼna lapamiʼnova kava hutapa fiku hapa maeta apamiyo.

Matiyu 13:44

Gotiʼa vayaʼaiteʼmo yagaino neʼapateya kavaʼmo haneʼniya kava huno mago vekamoʼmo alopa moniʼamo kesifiʼmo maleteno hoyaʼafiʼmo keli kafiteno kesiʼamo ani kelifiʼmo maleteno aeno ati kae maleteno ataleno uʼniye. Uʼnigeno henagaʼamo mago vekamo uno ani hoyafiʼmo aiʼyu aiʼniyategamo ani kesimo ageno avateteno halate aeno ati kae maleteno uno muki kagemi yaʼamo alino maketi huʼnigeʼa miya faiʼnageno monimo aliteno ani mopamo miya faiʼniye. Alisiyafeʼmo lusi kava huno amogaga aiʼniyaʼmofeʼmo muki kagemi yaʼamo ago alino ataleʼniye.

Matiyu 26:29

Lapa nepauve, huno, halate nofi alagafati aniʼmo oʼneʼna maime maime neʼuʼna Afoʼnimoʼmo yagaino neʼapateya koteʼmo saufa afinaʼmo afole aisigeʼnaeʼmo lapakaeʼeʼmo magokepi lokaeta maiʼneta negaune, huno hapa paiʼniye.

Matiyu 5:6

Goti fatago kavaʼaeʼmo apaka neteya vayaʼmo apamisigeʼa neʼa apamu hugayaʼmofeʼmo Goti aulena vayaʼamo maiʼnae.

Apa 8:20

Pitaʼa hunoʼaeʼmo, Gotiʼa fikumo hapa maeno neʼapamiya yafeʼmo kagaemo, moniletiʼmo miya faiguve, huka kagesa neʼafinaʼmofeʼmo kagaeʼe monikaʼeʼmo ata kopiʼmo utana lamigaʼae.

Lomu 3:24

Noʼaliyaʼmonanafa Gotiʼa Kalaisi Yesuʼmo miya faino hatu maeno lateʼniya kavatetiʼmo, naulagaleʼmo fatago vayaʼmo maiʼnae, huno laha paiʼniye. Gotiʼa muki kavatilefeʼmo agesa oʼafino fikumo laha maeno lamiʼniye.

1 Kolitiyani 3:2

Lapakaemo alopa vayaʼmogi neʼnaya agufa neʼyaʼmo nesayafeʼmo alo osutapa afaʼa maiʼnageʼnaeʼmo nuʼmo lapamiʼnove. Alo osutapa maiʼnetapaeʼmo hemeniʼeʼmo alo osutapa afaʼageʼmo maiʼnae.

1 Pita 2:2

Nute mafaʼnemogimo nufekeʼmo lusi kava huno nehapaiye. Goti geʼamo nukana huno haneʼniyaʼmofeʼmo mani alagepa nufeʼmo lapauʼninagetapa neyo netapa kosigae.

Leveleseni 21:6

Naha paiteno magoʼe gemo hunoʼaeʼmo, Aliʼyaʼnimo aliʼna hano huʼnove. Nagaemo aepa fai maleʼnovanageʼna aliʼna hano huʼna atalesuva vekamo maiʼnove. Hogoteʼna maiʼnovanageʼna hemeniʼeʼmo neʼmauvanageʼna henagaʼaʼeʼmo alagi maiguve. Anifeʼmo hapauʼnisiya vayaʼmogimo miya ofaigayanageʼa meti aniʼmoʼa afaʼa maisaya yaʼmo neʼapamiya aniʼmo afaʼa fikumo hefiʼna apamiguve.

Leveleseni 22:1

Inagi enisole vekamoʼmo afaʼa neʼmaiya yaʼmo neʼapamiya aniʼmo alopa aniʼmo uno nelamiya aniʼmoʼa aeno ha neleya aniʼmo nave liʼniye. Ani aniʼmo Gotiʼa yagaino neʼapateya siyaʼafatiʼe aikeli sipisipimoʼa yagaino neʼapateya siyaʼafatiʼeʼmo emineno alopa kaʼmo taoni folagapiʼmo haneʼniya kateʼmo uno lamiʼniye. Nelamiya aniʼmo aluga aluga ani agiʼnaleʼmo afaʼa neʼmaiya yaʼmo neʼapamiya yosamo hanege hanege huno haneʼneno magoke kafugafiʼmo tuolofuʼa afinaʼmo muki kaiʼaʼe kaiʼaʼeʼmo alagamo neʼae. Yosa haitaʼamoʼmo alu kotega alu kotegamo maiʼnaya vayaʼmo alino hapageno apatesi yosa haitamo haneʼniye.

Leveleseni 22:17

Goti Aunemeʼamoʼe sipisipi vekaleʼmo maisiya a kanomoʼeʼmo, Neʼeyo, huʼana huʼnaʼae. Ani gemo afiʼnisaya vayaʼmogimo, neʼeyo, huʼa hiyo. Anifeʼmo lapauʼnisiya vayaʼmogimo neʼeyo, huʼa nehae. Hapauʼnisiya vayaʼmogimo afaʼa neʼmaiya yaʼmo neʼapamiya aniʼmo fikumo negae, huno hapa paiʼniye.

Leveleseni 3:18

Ani kavaʼmo hutapa maiʼnayaʼmofeʼmo kagemi yatapimo hanesiya vayaʼmo maisayafeʼmo goli yafaʼmo atafiʼmo kaeʼna aliʼna alagepa hu maleʼnova goli yafaʼmo nagaetetiʼmo miya faiyo. Lapakufaʼalagaʼageʼmo maiʼnayanageno lapavagage osisiyafeʼmo nagaetetiʼmo yaveyave kukena yaʼmo miya faita vaiyo. Lapaulagaletiʼmo ageta alagepa hutapa agesayafeʼmo lapaulagaleʼmo falesaya malasinimo nagaetetiʼmo miya faiyo.

Luti 4:1

Movasiʼa taonimo yafa lafi kegiʼyaleʼmo aliʼa anupa huʼa neʼmaiya yateʼmo uno itopaleʼmo maiʼniye. Maiʼnigeno mago vekamo Elimeleki nofi vayapati vekaeʼmo Movasiʼa ava gemo huʼniya vekamo eʼnigeno ageteno Movasiʼa keya aeno ge hunoʼaeʼmo, Veʼnimo, huno, Eka manileʼmo itopaleʼmo maiyo, huno ha paiʼnigeno eno itopaleʼmo maiʼniye.