Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aiyeya 54:5 - The Keyagana NT and 25 OT books

5 Nagaemo Gotiʼnamo kagaemo alo huʼna kateʼnova vekamo anaukamonagana huʼna maiʼnove. Nagaemo nagiʼnimo Ala kava neʼmo muki lokiyaʼnimo haneʼniye. Nagaemo miya faiʼna hatu maeʼna kateʼnova vekamoʼnamo Isaleli vayaʼai aote Gotiʼapimoʼnamo maiʼnove. Muki ma mopafi vayaʼai Gotiʼapimoʼmo maiʼniye, huʼa agi neʼae.

အခန်းကိုကြည့်ပါ။ ကော်ပီ




Aiyeya 54:5
30 ပူးပေါင်းရင်းမြစ်များ  

Vayaʼmogimo naote aveʼnileʼmo muki kotegamo kaveta osuge aliʼa hosu huʼa oʼapatege huteʼa alagepa huʼa maigae. Aniʼmoʼa muki solovala aniteʼmo aino ati nekaeya kava huno Ala kava nefeʼmo ava gemo afiʼnaya gemoʼmo muki haopalegamo hanegaiyaʼmofeʼmo muki vayaʼmogi aliʼa hosu huʼa oʼapatege oʼapamagige huteʼa alagepa kavaʼage huʼa magokepiʼmo lokaeʼa maigae.


Isaleli vayaʼmogitapae, huʼna, Ala kava neʼmoʼa alo huno lapateteno alino magoke nofi vayaʼmo hamaleno lapateʼniya vekamoʼmo hemenimo ina gemo huno lapa painoʼaeʼmo. Nagaemo miya faiʼna hatu maeʼna lapateʼnovaʼmofeʼmo koli osiyo. Nagaemo lapakitapimo lapateteʼnaeʼmo lapakaefeʼmo nagaiʼni vayane, huʼna huʼnove.


Ala kava neʼmoʼa miya faino hatu maeno lapateʼniya Gotitapimoʼmo Isaleli vayaʼmogi aote Gotiʼapimoʼmo ina gemo hunoʼaeʼmo, Nagaemo lapakaemo vayaʼnimo lapa maesuvafeʼmo ati vayaʼmo aliʼna apatesugeʼa uʼa Mamiloni vayaʼeʼmo kamemo hugae. Kamemo hapaesageʼapaeʼmo Mamiloni vayaʼmo ani apamogaga neʼaiya sipikopiʼmo uʼa haiteʼa koʼapimo ataleʼa apaune hegae.


Ala kava neʼmo Isaleli vayaʼmogi aote Gotiʼa alo huno apateʼniya Gotiʼapimoʼmo ina gemo hunoʼaeʼmo, Lapakaemo ve mafaʼneʼnilegamo afole aisiya kavafeʼmo ge hutapa nafi geyo. Nafigegayaʼmonanafa alo huʼna apateʼnova mafaʼneʼnilegamo hisuva kavafeʼmo huvo, hutapa naha nepaifiye.


Nagaemo Ala kava neʼmo Gotitapimoʼnamo solovala aniteʼmo ame neʼalugenoʼaeʼmo alopa siʼmo afole aiteno alopa agemo aiteno avamusa gemoʼmo nehiye. Nagaemo nagiʼnimo haneʼniyana asole vayaʼaiteʼmo yagaiʼna neʼapatova Ala kava nene.


Mago enisole vekamoʼmo alu enisole vayaʼaifeʼmo hunoʼaeʼmo, Ala kava neʼmoʼa asole vayaʼaiteʼmo yagaino neʼapateya vekamo aote vekamo maiʼniye, aote vekamo maiʼniye, aote vekamo maiʼniye. Ha le konali yaʼamoʼmo muki ma mopafiʼmo aino atagu faeno uneno huno havai teʼniye, huno hapa paiʼnigeʼa alu enisole vayaʼmogi afiteʼa ani gemo huʼa hapa paige huʼnae.


Gotiʼa oʼapamagiʼniya vayaʼmo ma mopafiʼmo maiʼneʼapaeʼmo apakaiʼapimo alino auleno apatesiyafeʼmo lama geʼageʼmo nehiya Gotiʼa agiʼaletiʼmo apakaiʼapimo aliʼa auleʼa apategae. Ina kava huʼa vayaʼmogimo apagoʼyamo ataleteʼapaeʼmo lama geʼageʼmo nehiya Goti agiʼaletiʼmo gemo hugae. Nagaemo akeyaʼvilagamo hanageke kavaʼapieʼmo nage kaniʼna ataleʼnovaʼmofeʼmo aliʼna auleʼna apategauve.


Yu nofi vayapatiʼmo oʼmaiʼnaya vayaʼmo yegemo haine neʼeya kotega maiʼnaya vayanagi yegemo uno lamino nefaleya kotega maiʼnaya vayanagi muki haopalegamo maiʼnaya vayanagi huʼa ala nagiʼnimo namigae. Nagiʼnilefeʼmo muki haopalegatiʼmo alagepa atu neʼaiya laʼnefamo kaeteʼa kanale ofalinimo afaʼa namigae. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Muki ma mopafi nofi vayaʼmogimo ala nagiʼnimo namiteʼa nagiʼnileʼmo afaʼa aliʼa asaga huʼa nategae, huʼna nehuve.


Ala agi vekamo maiʼnisigeʼa agi aeʼapaeʼmo, hogote vekamo aeno apaka seʼniya vekamo mafaʼneʼamo maiʼniye, huʼa hugae. Aginago vekamo Neviniʼa Isaleli vayaʼai alaʼapimo maiʼneno yagaino neʼapateya kava huno Ala kava neʼmo Gotiʼa hunoʼaeʼmo, Alaʼapimo maiʼneno yagaino apatesiya vekae, huno ategaiye.


Aʼmo aligesuve, huno huʼniya vekamoʼmo alisiya a kanomo agaiʼa aʼmae. Aʼmo aliguve, huno huʼniya vekamo ao vekamo eno magokepi lokaeno he tino maiʼnigeno aʼmo aliguve, huno huʼniya vekamoʼa amogaga aino ge higeno afitenoʼaeʼmo amogaga neʼaiye. Ani kava huno aʼmo neʼaligeʼnaeʼmo namogaga neʼauva kavaʼmo alagi haeʼmae.


Mani gemo alagi alino fala ki maleʼniya gemo haneʼniyaʼmonanafa siosi vayaʼmogitaʼe Kalaisiʼeʼmo lokaeʼa maisagenoʼaeʼmo magoke lagufamo nehaneya kavafeʼmo nehuve.


Afiyo, huno, Ala kava neʼmo muki ma mopafiʼmo neʼyagaiya Goti kotalake kesiʼamo lapaulagaleʼmo kofiliʼa uʼa Yoneni aniʼmo lakaesagetapa agegae.


Mono huʼa neʼapataya vayaʼmogimo Ala kava neʼmo muki ma mopafiʼmo neʼyagaiya Goti kotalake kesiʼamo kofiliʼa uʼa lamiʼa anipiʼmo apaiyamo neʼaesagenoʼaeʼmo visaya kateʼmo aniʼmo magoʼe huno uno olamino avegana huno aeno kosilino haino hanegaiye, huno hapa paiʼniye.


Napa seveni enisole vekamoʼmo pikuli huʼnigeʼapaeʼmo kokuʼnapatiʼmo alopa gefatiʼmo ge huʼapaeʼmo, Hemenimo ma mopafi vayaʼaiteʼmo yagaiʼa neʼapataya vayaʼai apaimuʼyaleʼmo Ala kava netiʼe lekana paino ateʼniya vekamo Kalaisi vekaʼeʼmo maigaʼae. Agaemo yagaino apateno hano osuno yagaino apateme apateme ugiye, huʼa huʼnageʼapaeʼmo


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ