Aiyeya 54:13 - The Keyagana NT and 25 OT books

¹³ Nagaemo Ala kava neʼmoʼnamo muki mafaʼne anagakamo aliʼna apaya malesugeʼa apakaemo alagi alagepa apaipamokaliʼa maigae.

Aiyeya 54:13 ပူးပေါင်းရင်းမြစ်များ

Samu 119:165

Keʼaepa gekaeʼmo hapau apayamopafiʼmo hapauʼniya vayaʼmo alagepa huʼa maiʼnageno apaipamoʼmo falu nehiyanageno mago yaʼmoʼa apavalelino asagauno aisiya yaʼmo alagi ohaneʼniye.

Samu 119:33

O Ala kava nene, huʼna, avoʼmo kae maleʼnaya keʼaepa gekamo alika naya malegeʼnao oʼataleʼna akame hume hume uʼna hano hisiya afinaʼeʼmo akame hino.

Samu 147:14

Agaemo mopatapileʼmo alagepa huno yagaino nelapategeʼapaeʼmo vagaʼmogi eʼa lapakaeʼeʼmo kame osuʼnageta alagepa hutapa maiʼnae. Alagepa hogote vitimo hoyafatiʼmo alino afole aino neʼategetapa lapakaemo netapa lapamu nehae.

Aiyeya 11:9

Vayaʼmogimo naote aveʼnileʼmo muki kotegamo kaveta osuge aliʼa hosu huʼa oʼapatege huteʼa alagepa huʼa maigae. Aniʼmoʼa muki solovala aniteʼmo aino ati nekaeya kava huno Ala kava nefeʼmo ava gemo afiʼnaya gemoʼmo muki haopalegamo hanegaiyaʼmofeʼmo muki vayaʼmogi aliʼa hosu huʼa oʼapatege oʼapamagige huteʼa alagepa kavaʼage huʼa magokepiʼmo lokaeʼa maigae.

Aiyeya 2:3

Asole vayaʼmogi eʼa huʼapaeʼmo, Egetao, Ala kava neʼmo aote aveleʼmo uta haigune. Yekopu Gotiʼamo mono noʼafiʼmo uta haisunageno hauʼniya kateʼmo visunafeʼmo alino laya malesigeta kaʼaleʼmo uteta hugune. Keʼaepa gemo Saiyoni aveletiʼmo uneno hugiye. Ala kava neʼmo geʼamo Yulusalemu taonifatiʼmo aino atagu faeno uneno hugiye.

Aiyeya 26:3

Kagaefeʼmo lole apakesamo oʼafiʼa magoke apakesamo neʼafiya vayaʼmogimo aliʼa amufa nekamiyaʼmofeʼmo apaipamoʼmo falu hisiyafeʼmo yagaika apategane.

Aiyeya 50:4

Ala kava neʼmo Gotiʼa nagaemo alagaʼmo nehapaeya vayaʼaifeʼmo hapa maesiya gemo hapa paisuvafeʼmo sukulu nehaya vayaʼmogi apavayagana agufa navayamo namiʼniye. Agaemo muki nateʼaʼe nateʼaʼeʼmo naupatiʼmo alino he tino neʼnate. Alagepa huʼa sukulu huʼnaya vayaʼmogimo alagepa huʼa afiʼnaya kava huʼna afisuvafeʼmo nagesamo alino halo neʼaiye.

Aiyeya 54:12

Nagaemo alu alagepa yafa alu alagepa yafaʼmoʼa lusi kava huno aeno ha neleya yafaʼmo aliʼna mopafiʼmo kale kae maleʼneʼna agotofuleʼmo taonimo kige ani yafateʼmo yatala nokoʼmo kige taonile yafa kegiʼyaleʼmo kipa alo huge kanale konali taonile kegiʼyamo huge huguve.

Aiyeya 55:12

Lapakaemo kalavusi huʼa lapateʼnaya koʼmo ataletutapa lapamogaga aisageʼna nagaemo lapavaleliʼna visugeno mago hosu yaʼmo lapakaeteʼmo afole oʼaisigeno lapaipamoʼmo falu huʼnisigetapa ugae. Aise avemogiʼe alopa avemogiʼeʼmo lapaulagaleʼmo yokemo hisageʼapaeʼmo muki yosamogimo apayaʼmo amagiʼa apamogaga aigae.

Aiyeya 66:12

Ala kava neʼmoʼa ina gemo hunoʼaeʼmo, Afiyo, huno, Alopa aniʼmo uno nelamiya kava huʼna alagepa huta maisaya yaʼmo mafaʼne anagaʼamo lapamiguve. Aniʼmo uno nelamiya kava huʼna malaga vayaʼmogi kagemi yaʼapimo lapamiguve. Ani afinaʼmo nuʼaleʼmo neʼnesageno lapanu kilino ugiye. Agaemo lapavaleno aluteʼmo lapateteno alino alagepa huno lapategaiye.

Maika 4:2

Asole nofi vayaʼmogi eʼa huʼapaeʼmo, Egetao, Ala kava neʼmo aote aveleʼmo uta haigune. Yekopu Gotiʼamo mono noʼafiʼmo uta haisunageno hauʼniya kateʼmo visunafeʼmo alino laya malesigeta kaʼaleʼmo uteta hugune. Keʼaepa gemo Saiyoni aveletiʼmo uneno hugiye. Ala kava neʼmo geʼamo Yulusalemu taonifatiʼmo aino atagu faeno uneno hugiye.

Matiyu 16:17

Yesuʼa ha painoʼaeʼmo, Saimoniyo Yona mafaʼneʼamogae, huʼna, Gotiʼa alino auleno kateʼniye. Mago ma mopafi vekamoʼmo alino kave oliʼnifa kokuʼnapi Afoʼnimoʼmo alino kave liʼnigeka nageka alagepa huʼnane.

Luki 24:45

huno apakesamo huno halo aino hapa paiteno alino apaya maleʼniye.

Yoni 16:33

Lapakaemo nagaepiʼmo maiʼnetapaeʼmo lapaipamoʼmo falu hisiyafeʼmo mani gemo lapa nepauve. Ma mopafiʼmo maiʼnetapaeʼmo hanageke yaʼmo alitapa maigayaʼmonanafa nagaemo kame huʼna ma mopafi kavaʼmo ago aeʼna agaseʼnovaʼmofeʼmo lapakaemo lokiya vaita maiyo, huno hapa paiʼniye.

Yoni 6:45

Gotitegati gemo alini eʼa aeʼa hakalo huʼa hapa nepaiya vayaʼmogimo Goti mukufiʼmo avoʼmo kaeʼapaeʼmo, Gotiʼa muki vayaʼaina alino apaya malegaiye, huʼa avoʼmo kae maleʼnae. Ani gemo huʼnayaʼmofeʼmo muki yaʼmo Afoʼamoʼmo huʼniya gemo afiteʼa ageʼnaya vayaʼmo mukiʼamo nagaetegamo ete ete nehae.

Apa 2:39

Gotiʼa hunoʼaeʼmo, Nauneʼnameʼmo lapamiguve, huno huʼniya polomasi geʼamo lapakaefenagi mafaʼne anagatapiʼenagi afagitegamo maiʼnaya vayafenagi huno hapa paiʼniye. Ala kava netimo Gotiʼa eyo, huno muki keya aeno ge hisiya vayaʼaifeʼmo ani gemo hapa paiʼniye.

Lomu 14:17

Na kava higetapaene. Gotiʼa neʼyaʼe aniʼeʼmo neʼnaya kavateʼmo yagaino noʼapatefa Goti Aunemeʼamoʼmo laipafiʼmo maiʼnigeta fatago kavaʼmo nehunagenoʼaeʼmo laipamoʼmo falu huʼnisigeta lamogaga aisuna kavatekeʼmo yagaino nelate.

Lomu 15:13

Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.

Lomu 5:1

Lagesamo afita fatago huʼnonagenoʼaeʼmo Gotiʼa, naulagaleʼmo fatago vayaʼmo maiʼnae, huno laha paiʼnigeta afitetaeʼmo, aipamo falu huno nelate, huta huteta maiʼnonagenoʼaeʼmo Ala kava netimo Yesu Kalaisitetiʼmo laipamoʼmo falu nehiye.

1 Kolitiyani 2:10

Muki vayaʼmogimo Oʼageʼnayaʼmonanafa Gotiʼa Aunemeʼaletiʼmo alino lave liʼniye. Goti Aunemeʼamokeʼmo Goti agesafiʼmo fala kino haneʼniya geʼamo neʼageyaʼmofeʼmae.

Galesiya 5:22

Mani hosu kavaʼmo haneʼniyaʼmonanafa Goti Aunemeʼamoʼmo apaipafiʼmo alagagana huno alagepa kavaʼmo alino afole aino neʼate. Ani alagepa kavaʼmo haneʼniyana hapau apayamopafiʼmo hapauge apamogaga aige magoke apaipa apakesamo alige hosu kavaʼmo halate aeʼa atagaina huʼa osuʼa afaʼa maige yuna apaipa kaliteʼa hapa maege muki afinaʼmo oʼataleʼa alagepa kavaʼmo huge

Efasasi 4:21

Kalaisiʼa alino lapaya maleʼnigetapa afiʼnisayana lama gemo afoʼamoʼmo geʼamo afiʼnae.

1 Tesaloniyani 4:9

Gotiʼa konagatapieʼmo lapau lapayamopafiʼmo lapausiyafeʼmo ago alino lapaya maleʼnigetapa afiʼnayanageta lapausiyafeʼmo halate avoʼmo kaesuva kavaʼmo ohaneʼniye.

Himulu 8:10

Inagi ani afinaʼmo hano hutesigeʼnaeʼmo Isaleli vayaʼeʼmo kotalakemo hu maleteʼnaeʼmo keʼaepa geʼnimo aliʼna apakesafiʼmo maleteʼna apaipafiʼmo avoʼmo kae malegauve. Gotiʼapimoʼnamo maisugeʼa nagaiʼni vayaʼnimo maigae.

Himulu 8:11

Ani afinaʼmo muki ala apaki vayaʼe aise apaki vayaʼmogiʼeʼmo nagaemo nageʼa alagepa hugayaʼmofeʼmo muki vayaʼamogimo apao vayaʼe konagaʼapimogiʼeʼmo, Ala kava neʼmo agetapa aeto hiyo, huʼa aliʼa apaya oʼmalegae.

1 Yoni 2:20

Apakaemo ataleʼa uʼnayaʼmonanafa lapakaeteʼmo aote vekamo Kalaisiʼa uvelimo lakino lapategekana huno Goti Aunemeʼamo lapamiʼnigetapa muki geʼamo afiʼnae.

1 Yoni 2:27

Humi lapatesayafeʼmo nehayaʼmonanafa Kalaisiʼa uvelimo lakino lapategekana huno Goti Aote Aunemeʼamo lapamiʼnigeno alagi maisiyafeʼmo lapaipafiʼmo maiʼniyaʼmofeʼmo mago vayaʼmogi aliʼa lapaya malesaya gemo ohaneʼniye. Goti Aunemeʼamoʼmo muki geʼamo ago alino lapaya maleʼniyaʼmofeʼmae. Ani gemo mago aigofe gemo ohaneʼnifa alagi lama gemo haneʼniye. Agaemo, Kalaisipiʼmo alagi maiyo, huno huteno alino lapaya maleʼniyanagetapa Kalaisipiʼmo alagi maigae.