Aiyeya 54:1 - The Keyagana NT and 25 OT books

¹ Ala kava neʼmoʼa ina ge huno huʼniye. Anamo a kanomo kagafu kiʼnigeka mafaʼnemo alika oʼateʼnana a kanomogamo yokemo huvo. Anauʼamoʼmo ataleʼniya akana huka maiʼnanaʼmonanafa veleʼmo maiʼniya a kanomo ago aeka agaseka asole mafaʼnemo alika apateʼnanaʼmofeʼmo alopa gefatiʼmo yokemo huvo.

Aiyeya 54:1 ပူးပေါင်းရင်းမြစ်များ

Aepa Gemae 21:6

Selaʼa hunoʼaeʼmo, Gotiʼa kigi hisuvafeʼmo alino he tino nateʼnigeʼapaeʼmo muki vayaʼmogi ani gemo afiteʼapaeʼmo nagaeʼeʼmo magokepi kigi hugae.

Samu 113:9

Agaemo anamo aʼne anagaʼmo afamo anagaʼapifiʼmo maisayafeʼmo fikumo hapa maeno neʼapamiye. Ala kava neʼmo agiʼaleʼmo alitapa asaga hiyo.

Salomoni Yokemae 8:8

Lasatimoʼmo aise aʼmafaʼnemo maiʼnigeno nuʼamo oʼmeʼniye. Mago vekamoʼmo aligefeʼmo hisigetaeʼmo agaetegamo na agufa kavaʼmo hugune, huno ge huno apafi geʼniye.

Aiyeya 12:6

Isaleli vayaʼmogi aote Gotiʼa lapakae folagapiʼmo maiʼniya aote vekamo ala agi vekamo maiʼniyaʼmofeʼmo O, Saiyoni taonifiʼmo maiʼnaya vayanagi alopa gefatiʼmo hiyo.

Aiyeya 49:13

Ala kava neʼmoʼa agaiʼa vayaʼamogi apaipamo alino falu huno apateʼniye. Apakaemo lusi kava huʼa asole kana yaʼmo aliʼnayaʼmonanafa hau huno apategaiyaʼmofeʼmo kokuʼnamogae, huʼna, yokemo huvo. Mopamogae, huʼna kamogaga aiyo. Avemogitapae, huʼna, lapamogaga aita yokemo hiyo.

Aiyeya 49:19

Mafaʼne anagakamo eʼa kilipaesageno noʼatufa kaʼme koteʼmo aliʼa hosu huʼa ateʼnaya mopakamoʼmo kanale huno oʼapategaiye. Mopamo aliʼa hosu huʼa ateʼnaya vayaʼmogi mopakaleʼmo afaʼa oʼmaiʼa afagitegamo maigae.

Aiyeya 49:20

Afela heʼnaya mafaʼne anagakamo apaimuʼyaleʼmo eʼa maisaya mafaʼne anagakamogi eʼa kaha paiʼapaeʼmo. Mani mopamo aisetoʼageʼmo haneʼniye. Maita kali opaisuna agufa mopamo lamiyo, hutapa hugae.

Aiyeya 62:4

Saiyoniyo, huʼna, Apakaemo kagaefeʼmo magoʼe huʼa anauʼamoʼmo ataleʼniya aʼmo maiʼniye, huʼa osugae. Haʼao, kagaefeʼmo saufa kagikamo Gotiʼa hauʼniya aʼmo maiʼniye, huʼa aege kagae mopaeʼmo saufa agimo veleʼmo maiʼniya agufa mopamo aepa vekamoʼa yagaiʼniya mopamo haneʼniye, huʼa aege hugae. Ala kava neʼmoʼa lusi kava huno amuse huno lapatesigeno mopatapimoʼa veleʼmo maiʼniya agufa kavaʼmo huʼa lapakaemo mopatapileʼmo maigae.

Aiyeya 66:7

Agaemo Siosi kavafeʼmo hunoʼaeʼmo, A kanomoʼmo mafaʼnemo alino atesiyafeʼmo agafu okiʼniyaʼmonanafa mafaʼnemo alino ateʼniye. Hogoteno agafu okiʼnigeno ve mafaʼnemo alino ateʼniye.

Sefanaiya 3:14

Saiyoni aʼmafaʼne anagaʼamogitapae, huʼna, Yokemo hiyo. O Isaleli vayaʼmogitapae, huʼna, alopa gefatiʼmo hiyo. Yulusalemu aʼmafaʼne anagaʼamogitapae, huʼna, Muki lapaipafatiʼmo lapamogaga aiyo.

Galesiya 4:27

Mani kavatefeʼmo Goti mukufiʼmo avoʼmo kae maleʼniya gemoʼa hunoʼaeʼmo, Anamo a kanomo mafaʼnemo alika oʼateʼnana a kanomogamo kamogaga aiyo. Mafaʼnemo alika oʼateʼnanageno kagafu okiʼniya a kanomogamo kamogaga aiteka alopa gefatiʼmo huvo. Na kava higekaene. Anauʼamoʼmo ataleʼniya akana huka maiʼnanaʼmonanafa veleʼmo maiʼniya a kanomo ago aeka agaseka asole mafaʼnemo alika apateʼnane, huno huʼniye.

1 Samiyo 2:5

Alopa neʼyaʼmo neʼa apamu huʼnaya vayaʼmogi miyaʼapimo alisayafeʼmo aliʼyaʼmo aliteʼa nesaya neʼyaʼmo neʼaliyaʼmonanafa apaka teʼniya vayaʼmogi hemenimo neʼyaʼmo neʼa apamu nehae. Anamo a kanomoʼa seveniʼa mafaʼnemo alino apateʼniyaʼmonanafa asole mafaʼnemo alino apateʼniya a kanomoʼa hemenimo lokiyaʼamo alagi ohaneʼniye.