Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aiyeya 53:5 - The Keyagana NT and 25 OT books

5 Goti geʼamo amagita ataleʼnona kavatilefekeʼmo amagiʼnagenoʼaeʼmo kolaʼamoʼmo huʼniye. Hosu kavatilefekeʼmo lusi kava huʼa amagiʼnae. Nofi kayotetiʼmo amagiʼnaya kavatetiʼmo Gotiʼeʼmo alino lao yaʼmo huno lateʼniye. Fugaginaʼamoʼmo huʼniya kavatetiʼmo alino lahageno lateʼniye.

အခန်းကိုကြည့်ပါ။ ကော်ပီ




Aiyeya 53:5
27 ပူးပေါင်းရင်းမြစ်များ  

Ala kava neʼmoʼa nagaloʼyaveeʼmo ha painoʼaeʼmo, Nagaemo kagaeʼe a kanoʼeʼmo aliʼna fako huʼna lanatesugetana kame kame hutana maigaʼae. Ina kava huʼa mafaʼnekamogimo aʼne mafaʼneʼalegamo kame huʼa apatesageʼa aʼne mafaʼneʼamogimo mafaʼnekalegamo kame huʼa apatesageʼa hugae. Mafaʼneʼamo aiya afeʼalumelagamo maiʼnisanageno agaemo kagenopamo aeno latapaisigeka kagaemo aiya kigupafiʼmo akafu hanigane, huno ha paiʼniye.


O Ala kava neʼmo Gotiʼnimogae, huʼna, Nagaemo kagaefeʼmo keya aeʼnogeka nahamaeʼnane.


Kayotetiʼmo hosu kavaʼapimo alino neʼatale. Ani kava huno kayotetiʼmo apamagiʼnigeno fugagiʼnaʼapimoʼmo nehiya kavatetiʼmo vasilona apaipafatiʼmo hosu kavaʼapimo alino neʼatale.


Lapakaemo Yulusalemu vayaʼmogi apaipamoʼmo falu hisiya gemo hapa paiyo. Ina gemo hutapa hapa paitapaeʼmo, Atafa kavatefeʼmo kana yaʼmo aliʼnaya afinatapimo ago hano huʼniye. Ala kava neʼmoʼa muki hosu kavaʼmo anonatapilefeʼmo alopa kayoʼmo lapamiteno hosu kavatapimo alino ataleʼniye, hutapa hapa paiyo.


Nagaemo hosu kavaʼamo ageʼnovaʼmonanafa aliʼna alagepa huʼna ategauve. Nagaemo alagepa kateʼmo avaleliʼna uguve. Halate ha maeʼna aipamo aliʼna falu huʼna ategauve. Ani kava huʼna ani vekamo hosu kavaʼaeʼmo yulagefa neʼaiya vayaʼai apaipamo aliʼna falu huʼna apategauve.


Gotiʼa vayakaʼe aote taonikaleʼefeʼmo sevetiʼa sotamo lekana pai maleʼniye. Ani afinaʼmo agaemo aeno apaka seʼniya aote vekamo uvelimo lakino atesigeʼapaeʼmo Yu vayaʼmogi hosu kavaʼapimoʼmo magoʼe huno havai tesiyafeʼmo magoʼe huʼa hosu kavaʼmo hugae. Ani aote vekamoʼmo hosu kavaʼmo alino hano huno atalege alino nanu aeno apatege hanege hanege huno hanesiya fatago kavaʼamo alino afole aino atege alagamuna agegekana huʼa vayaʼmogi Gotitegati gemo aliniʼeʼa aeʼa hakalo huʼa hapa nepaiya kavaʼmo ohanesiyafeʼmo kameletiʼmo faleno aeno akanino atalege hugiye.


Vemo mafaʼnemo ani kava huno vayaʼmogi ha maeʼa yagaiʼa atesayafeʼmo emiʼnoʼmeʼnifa hapa maeno yagaino apateteno muki asole vayaʼaitefeʼmo falino miya faino hatu maeno apatesiyafeʼmo emineʼniye, huno hapa paiʼniye.


Gotiʼa hosu kavatilefeʼmo avalelino uno hosu vayaʼai apayapiʼmo atetenoʼaeʼmo naulagaleʼmo fatago vayaʼmo maiʼnae, huno laha paisiyafeʼmo kanolufatiʼmo ago alino he tino ateʼniye.


Gotiʼa mani gemo namiʼnigeʼna lapamiʼnova gemo hogote gemo haneʼniyana Kalaisiʼa hosu kavatilefekeʼmo faliʼniye. Akeyaʼvilagamo Goti Mukufiʼmo hu maleʼniya gemoʼa hunoʼaeʼmo, faligiye, huno hu maleʼniya gelefeʼmo faliʼniye.


Na kava higetaene. Lagaemo Kalaisipiʼmo maiʼnetaeʼmo Goti fatago kavaʼamo hamalesunafeʼmo Gotiʼa hosu kavaʼmo alagi osuʼniya vekamo alino hamaleno ateʼnigeno hosu kavaʼmo hamaleʼniye.


Kalaisiʼa lagaefeʼmo hau ayamopafiʼmo hauʼnigenoʼaeʼmo agufaʼamo sipisipimo amagiʼnaya agufa kavaʼmo huno alagepa atumo neʼaiya ofalinimo Gotiʼmo amiʼniya agufa kavaʼmo hutapa konagatapieʼmo lapau lapayamopafiʼmo lapauʼninagetapa maiyo.


Yesu Kalaisiʼa Gotiʼmo hauʼniya kavaʼmo huʼniyaʼmofeʼmo muki afinatefeʼmo magoke afinaʼmo agaiʼa agufamo amiʼniya ofaliniletiʼmo hosu kavatimo alagi aeno kalo paeʼnigeta laote alagepa vayaʼamo maiʼnone.


Agaemo magoke ofalinimo amiteno apavaleno apaoteʼmo apateteno alagi alino alagepa huno apateʼniyanageʼa alagepa huʼa maige maige huʼa maigae.


Agaemo Goti Mafaʼneʼamo maiʼniyaʼmonanafa geʼamo afiteno akame hisiyafeʼmo lusi kava huno agafu kiʼniya kayotetiʼmo amagino alino aya maleʼnigeno alagepa huno ge afiʼniye.


Ani gelefeʼmo Kalaisiʼa asole vayaʼai hosu kavaʼapimo alino kofisiyafeʼmo magoke afinaʼmo agaiʼa agufamo Gotina amiʼniye. Agaemo henagaʼamo asole vayaʼai hosu kavaʼapimo alino kofisiyafeʼmo ma mopafiʼmo emiʼnoʼmegaifa agaefeʼmo agava neʼmaiya vayaʼai apakufamo alagi alino katino apatesiyafeʼmo apaulagaleʼmo eminegaiye.


Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ