Aiyeya 53:3 - The Keyagana NT and 25 OT books

³ Vayaʼmogimo huʼapaeʼmo, ina agufa vekamo maiʼniye, huʼa huteʼa apakameʼyamo amiʼnae. Kana yaʼmo neʼaliya vekamo maiʼneno aipafiʼmo agafu kiʼniya kavaʼmo ago ageʼniye. Lagaemo oʼagesunafeʼmo laugosafiʼmo aita ati kaegekana huta maiʼnone. Lagaemo hutaeʼmo, ina agufa vekamo maiʼniye, huta huteta ala agiʼamo oʼamiʼnone.

Aiyeya 53:3 ပူးပေါင်းရင်းမြစ်များ

Samu 69:29

Huʼa maiʼnayaʼmonanafa nagaemo muki yaʼnimo ohaneʼniya vekamo maiʼneʼna kana yaʼmo aliʼnove. O Gotiyo, huʼna, nagufamo alika katika nateteka alika asaga huka nato.

Aiyeya 49:7

Ala kava neʼmoʼa Isaleli vayaʼmo miya faino hatu maeno neʼapateya aote Gotiʼapimoʼmo vayaʼmogimo alagi ohapauʼniya vekamo agae nofi vayaʼmogi alagi ohapauʼniya vekamo yagaiʼnaya vayamogi aliʼyaʼapimo neʼaliya vekaeʼmo ina gemo huno ha painoʼaeʼmo, Kini vayaʼmogimo kageteʼapaeʼmo kaulagaleʼmo he tigae. Ala vayaʼmogiʼeʼmo kagaefeʼmo mono hugae. Ala kava neʼmo Isaleli vayaʼmogi aote Gotiʼapimoʼmo aliʼyaʼamo oʼataleno fatago kavaʼmo nehiya Gotiʼa lekana paino kateʼniyaʼmofeʼmae.

Aiyeya 52:14

Vayaʼmogimo agaemo amagiʼa aliʼa hosu huʼa ateʼnageʼapaeʼmo agufaʼaʼe augosaʼaʼeʼmo alagi hosu apaulagamo ageteʼa hapau aiʼnae. Amagiʼnayaʼmofeʼmo ageteʼa agaefeʼmo mago vayane, huʼa oʼageʼnae. Amagiʼapaeʼmo agufaʼaʼe augosaʼaʼeʼmo alagi aliʼa hosu huʼa ateʼnae.

Aiyeya 53:10

Ala kava neʼmoʼa aliʼyaʼamo neʼaliya vekamo aeno apalisiyafeʼmo hauʼnigeno agafu kiʼniye. Ala kava neʼmoʼa ani vekamo agupi mafaʼnemo ago aliteno hosu kavaʼapilefeʼmo ofalinimo alino hamaleno ateteno aliʼyaʼamo neʼaliya vekamo maisiya afinaʼamo alino yatala huno atesigeno aginago vayaʼmo apakegaiye. Agaemo aliʼyaʼmo alisigenoʼaeʼmo Ala kava neʼmo hauʼniya kavaʼmo alagepa huno afole aigiye.

Aiyeya 53:4

Agaemo laipafiʼmo lagafu kiʼniya kavaʼmo alige aliʼnona kana yaʼmo lagaetefeʼmo alinino uge huʼniyaʼmonanafa lagaemo hutaeʼmo, Gotiʼa kana yaʼmo amige amagige alino afepiʼmo atege huʼniye, huta lagesamo afiʼnonaʼmonanafa.

Maika 5:1

O, Yulusalemu vayane, huno, ati vayatapimo apavaleta alita anupa hutapa apateyo. Kame vayatapimogi eʼa ago faiʼa vego huʼa lateʼnae. Apakaemo Isaleli vayaʼaiteʼmo yagaiʼniya vekamo agalametaleʼmo kayotetiʼmo amagigae, huno hapa paiʼniye.

Matiyu 26:67

Huʼa huteʼa augosafiʼmo apavenatuʼna heʼa ateteʼa siki kayoʼmo amagiʼnae.

Matiyu 27:63

Ala vekae, huʼa, ani aigofe gemo nehiya vekamoʼmo afaʼa maiʼnenoʼaeʼmo, loleʼe magoʼe afinaʼmo utesigeʼna halate he tiguve, huno huʼniya geeʼmo lagesamo afiʼnonaʼmofeʼmo

Maki 10:33

Hemenimo lagaemo Yulusalemu taonifiʼmo neʼvisunagenoʼaeʼmo mago vekamoʼmo kutulu yaʼmo neteno Vemo mafaʼnemo avaleno mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼeʼmo apamisigeʼa agoti huʼa ateteʼapaeʼmo, afaʼa faligiye, huʼa hisageʼa Yu nofi vayapatiʼmo oʼmaiʼnaya vayaʼai apayapiʼmo avaleʼa ategae.

Maki 10:34

Atesageʼa huʼa faipa huʼa atege apaviʼna heʼa atege nofi kayotetiʼmo amagige huteʼa kamitimo amagigae. Loleʼe magoʼe afinaʼmo utesigeno halate he tigiye, huno hapa paiʼniye.

Maki 14:34

hunoʼaeʼmo, hosu kavaʼmoʼa faino vego huno yagaino neʼnategeno naipamoʼmo lusi kava huno kana huʼnigeʼna falisuva naipamo nekaliye. Manileʼmo maiʼnetapa kava yagaita maiyo, huno hapa paiʼniye.

Maki 15:19

Agenopaleʼmo kayotetiʼmo amagige apaviʼna heʼa atege huteʼa apaleʼya faiʼneʼa aigofe mono huʼnae.

Maki 9:12

He, Ilaiyaʼa muki kavaʼmo alino api aino atesiyafeʼmo hogoteno afole aigiyaʼmonanafa na kava higenoʼaeʼmo, Vemo mafaʼnemoʼmo muki alu kana ya alu kana yaʼmo aliʼnisigeʼapaeʼmo, ina agufa vekamo maiʼniye, huʼa huteʼa agiʼaleʼmo aliʼa afepi ategae, huno avoʼmo kae maleʼniye.

Luki 16:14

Falasi vayaʼmogimo monieʼmo hapaʼye nehiya vayaʼmogi ani muki huʼniya geʼamo afiteʼapaeʼmo apaipamo leʼa ateʼnae.

Luki 19:41

Yesuʼa Yulusalemu taonifiʼmo uno hogo hutenoʼaeʼmo uno avaʼyi huno taonimo agetenoʼaeʼmo aviʼyaʼmo huʼniye.

Luki 8:53

ago faliʼniye, huʼa ageʼnayaʼmofeʼmo kigi huʼa ateʼnae.

Luki 9:22

Hutenoʼaeʼmo, Vemo Mafaʼnemoʼmo lusi kava huno agafu yaʼmo aligiye. Vayatama vayanagi mono huʼa neʼapataya vayaʼaiteʼmo yagaiʼa neʼapataya vayanagi keʼaepa gemo avoʼmo kaeʼa aliʼa apaya neʼmalaya vayanagi huʼa apakameʼyamo amitesageʼa amagisageno faliteno loleʼe magoʼe afinaʼmo maiteno halate he tigiye, huno hapa paiteno

Yoni 11:35

Yesuʼa aviʼyaʼmo huʼniye.

Yoni 8:48

Yesuʼa ani gemo hapa paiʼnigeʼapaeʼmo, lagaemo kagaefeʼmo hutaeʼmo, Sameliya vekamo maiʼnigeno hosu aune vekamo aipafiʼmo maiʼniye, huta nehune. Lama gemo nosupiye, huʼa afi geʼnagenoʼaeʼmo,

Himulu 4:15

Hogote ala vekatimo mono huno nelateya vekatimoʼmo himamutimo ohaneʼniya vayaʼmogitaeʼmo hau huno nelate. Muki alu hosu kava alu hosu kavaʼmo hisunafeʼmo lamalageka nehaya kava huʼa amalageka huʼnayaʼmofeʼmo hau huno nelate. Amalageka huʼnayaʼmonanafa hosu kavaʼmo alagi osuʼniye.

Himulu 5:7

Kalaisiʼa ma mopafiʼmo maiʼnenoʼaeʼmo falisiya kavategatiʼmo agufamo alino katino atesiya Gotifekeʼmo alopa gefatiʼmo keya aeno ge huge haoke huge aviʼyaʼmo huge huno nunumuʼmo huʼniye. Gotifeʼmo koli huʼneno mono huʼniyaʼmofeʼmo Gotiʼa geʼamo afiʼniye.