Aiyeya 53:10 - The Keyagana NT and 25 OT books

¹⁰ Ala kava neʼmoʼa aliʼyaʼamo neʼaliya vekamo aeno apalisiyafeʼmo hauʼnigeno agafu kiʼniye. Ala kava neʼmoʼa ani vekamo agupi mafaʼnemo ago aliteno hosu kavaʼapilefeʼmo ofalinimo alino hamaleno ateteno aliʼyaʼamo neʼaliya vekamo maisiya afinaʼamo alino yatala huno atesigeno aginago vayaʼmo apakegaiye. Agaemo aliʼyaʼmo alisigenoʼaeʼmo Ala kava neʼmo hauʼniya kavaʼmo alagepa huno afole aigiye.

Aiyeya 53:10 ပူးပေါင်းရင်းမြစ်များ

Samu 110:3

Himamukaletiʼmo aliʼyaʼmo alisana afinaʼmo vayakamogimo apaipamo kaliteʼa apakufamo kamiteʼa apaote konali kukenamo aliʼa vaiteʼa kakame hugae. Aʼnemogimo mafaʼnemo apaipafatiʼmo aliʼa neʼapataya kava huno netepiʼmo laoʼyaʼmo nelamiye. Ani kava huno Gotiʼa neya vayakamo alino apatesigeʼa laoʼyakana huʼa afole aiteʼa kagaetegamo ugae.

Samu 147:11

Ala kava neʼmoʼa vayaʼmogimo agaefeʼmo koli nehaya vayaʼaifeʼmo amuse huge hau huno neʼapateya kavafeʼmo aliʼa amufa neʼamiya vayaʼaifeʼmo amuse huge nehiye.

Samu 149:4

Ala kava neʼmoʼa vayaʼaeʼmo amuse huno neʼapate. Agaemo apakaiʼapimo aliʼa afepi neʼataya vayaʼai apakufamo alino katino apatesigeʼa alagepa apaulagamo neʼapakaya vayaʼmo maigae.

Samu 21:4

Agaemo kagaefeʼmo afaʼa maisiya yafeʼmo ge huno kafigeʼnigekaeʼmo ago amiʼnane. He, kagaemo maige maige huno maino hano osuno maisiya yaʼmo ago amiʼnane.

Samu 22:30

Afole aisaya vayaʼmogimo aliʼyaʼamo aligae. Vayaʼmogi aliʼa oʼapateʼnayanageʼa henagaʼamo afole aisaya vayaʼaifeʼmo Ala kava nefeʼmo ava gemo huge lagufamo alino katino lateʼniye huʼa huge hugae.

Samu 69:26

Na kava nehayaʼmofeʼmae. Apakaemo amagiʼnana vekaeʼmo apaini huʼa neʼatae. Apakaemo apamagiʼnana vayaʼaifeʼmo huʼa faipa huʼa apateteʼa kana yaʼmo aliʼa neʼapamiye.

Samu 72:17

Yegemo haneʼnigenoʼaeʼmo muki afinaʼmo agiʼamo hanege hanege huno haneʼnisigeʼa agiʼaleʼmo aliʼa asaga huge huge huʼa maigae. Vayaʼmogimo agaepiʼmo aulena vayaʼmo maigae. Muki alu nofi vaya alu nofi vayaʼmogimo aulena Gotiʼae, huʼa hugae.

Samu 72:7

Maige maige huno maiʼnisigeʼapaeʼmo fatago vayaʼmo magoʼe huʼa alagepa huʼa maigae. Muki afinaʼmo kaimo nelesigeʼapaeʼmo alagepa huʼa magokepi lokaeʼa maigae.

Samu 89:29

Agae nofi vayaʼamo afaʼa maige maige huʼa maigae. Kokuʼnaʼmoʼa hanege hanege huno hanesiya kava huno muki afinaʼmo kini vekamo maiʼneno yagaino apategaiye.

Samu 89:36

Agae nofi vayaʼamo alagi hano osuʼa afaʼa maige maige huʼa maigae. Yegemoʼmo muki afinaʼmo naulagaleʼmo lege lege huno neʼmaiya kava huno muki afinaʼmo kini vekamo maiʼneno yagaino apategaiye.

Aiyeya 42:1

Ala kava neʼmoʼa ina gemo hunoʼaeʼmo, Ageyo, huno, Ha neʼmaogeno aliʼyaʼnimo neʼaliya vekamae. Nagupi mafaʼnemo lekana paiʼna ateʼnova vekaeʼmo namogaga neʼauve. Nagaemo agaeteʼmo nauneʼnameʼmo ago maleʼnovanageno muki malaga vayaʼmo alu nofi vaya alu nofi vayaʼaifeʼmo fatago kavafeʼmo ava gemo aeno hakalo huno hapa paigiye.

Aiyeya 49:4

Huno naha paiʼnigeʼnaeʼmo ina gemo huʼnaeʼmo, Aliyaʼmo aliʼnovaʼmonanafa nahaise vose huʼna aliʼnova kavaʼnimo afaʼa lageso huʼnigenoʼaeʼmo neʼyaʼamo afole oʼaiʼniye. Oʼaiʼniyaʼmonanafa Ala kava neʼmoʼa aliʼnova aliʼyaʼnimo ageʼniyanageno ani aliʼyatetiʼmo alagepa miyaʼnimo namigiye, huʼna huʼnove.

Aiyeya 53:12

Agupi mafaʼnemoʼmo kana huʼniya aliʼyaʼmo aliʼniyaʼmofeʼmo nagaemo asole vayaʼmo apavaleʼna hetamaʼagana huʼna amiguve. Agaemo lokiya vayaʼeʼmo kamemo huteno huno aeno apaka setenoʼaeʼmo kagemi yaʼapimo aligiye. Apakaemo huʼapaeʼmo, Agaeʼe keʼaepa gemo amagiʼa neʼatalaya vayaʼeʼmo magoke agufa vayaʼmo maiʼnae, huʼa apakesamo afiʼnayaʼmonanafa asole vayaʼai hosu kavaʼapimo aliteno hosu vayaʼaifeʼmo nunumuʼmo huno apateʼniye.

Aiyeya 54:3

Kagae mopamoʼmo alino alopa huteno avala aisigeno hakuʼmo lamaga haopalega hanelino ute hoga haopalega hanelino ute hugiye. Kaginago vayakamogimo maiʼa aiʼa atagu faeteʼa alu nofi vayaʼai mopamo aliteʼa maigae. Apakaemo vayaʼmo ataleʼa uʼnaya taonifiʼmo maigae.

Aiyeya 61:9

Mafaʼneʼnimogi mafaʼne anagaʼapimogimo ala apakiʼapimo alisageʼapaeʼmo alu nofi vaya alu nofi vayaʼmogi apakeʼapaeʼmo, Ala apaki vayane, huʼa apakegae. Apaketeʼapaeʼmo, Ala kava neʼmoʼa alino auleno apateʼniye, huʼa hugae.

Aiyeya 66:22

Ala kava neʼmoʼnamo ina gemo huʼnaeʼmo, Saufa kokuʼnaʼe mopaʼeʼmo alo hisugeno muki afinaʼaeʼmo nagae naulagaleʼmo hanege hanege huno hanesiya kava huʼa lapakinago mafaʼne anagatapiʼe lapakitapiʼeʼmo hanege maige hugae.

Aiyeya 9:7

Yagaino apatesiya vayaʼmo magoʼe huʼa asole vayaʼmo afole aiteʼa magoʼe huʼa alagepa huʼa maigae. Kini vekamo Neviniʼa yagaino apateʼniya kava huno Nevini aimuʼyaleʼmo maiʼnenoʼaeʼmo vayaʼaleʼmo yagaino apateme apateme uno yagaino apateno hano osuno yagaino apategaiye. Agaemo alagepa huno alino fako huno apateteno yagaino apateme apateme uno muki afinaʼaeʼmo yagaino apategaiye. Ala kava neʼmoʼa asole vayaʼaiteʼmo yagaino neʼapateya vekamoʼmo ayamukiki huno ani kavaʼmo alino afole aino ategaiye.

Neniyo 9:24

Gotiʼa vayakaʼe aote taonikaleʼefeʼmo sevetiʼa sotamo lekana pai maleʼniye. Ani afinaʼmo agaemo aeno apaka seʼniya aote vekamo uvelimo lakino atesigeʼapaeʼmo Yu vayaʼmogi hosu kavaʼapimoʼmo magoʼe huno havai tesiyafeʼmo magoʼe huʼa hosu kavaʼmo hugae. Ani aote vekamoʼmo hosu kavaʼmo alino hano huno atalege alino nanu aeno apatege hanege hanege huno hanesiya fatago kavaʼamo alino afole aino atege alagamuna agegekana huʼa vayaʼmogi Gotitegati gemo aliniʼeʼa aeʼa hakalo huʼa hapa nepaiya kavaʼmo ohanesiyafeʼmo kameletiʼmo faleno aeno akanino atalege hugiye.

Maika 7:18

Ina laʼmo Gotigakana huno maiʼniye. Kagaemo hosu kavaʼapilefeʼmo afaʼa ateyo, huka huteka alika neʼatalane. Kagaemo aise nofi vayaʼmo logufa vayakamogimo gekamo amagiʼa ataleʼnaya hosu kavaʼapimo uka aeka aga seka alika neʼatalane. Hau huno latesiyafeʼmo amuse nehiyaʼmofeʼmo muki afinaʼmo aipamo leno lateme lateme noʼviyanageno hau huno lategaiye.

Sefanaiya 3:17

Ala kava neʼmo Gotitapimoʼmo lapakae folagapiʼmo maiʼniya vekamo alopa lokiyaʼaʼe vekamoʼmo lapakufamo alino katino lapategaiye. Ala kava neʼmoʼa amuse huno lapateteno lapakaefeʼmo amogaga aino lapategaiye. Lapakaefeʼmo hau ayamopafiʼmo hauʼnisigenoʼaeʼmo ge osuno hauʼniya kavatefeʼmo maino haga lenoʼageʼmo maigiye. Agaemo lapakaefeʼmo amogaga neʼainoʼaeʼmo yokemo hugiye, huʼa hugae.

Matiyu 17:5

mago hiyaʼmo aeno ha leʼniya hiyaʼmoʼa kino apati kaeʼnigeno mago gemo hiyapatiʼmo hunoʼaeʼmo, mani vekaeʼmo nahau nayamopafiʼmo neʼnahaiya mafaʼneʼnimo maiʼniye. Agaefeʼmo lusi kava huʼna amuse huʼna neʼatovanagi geʼamo alagepa huta afiyo, huno huʼnigeʼa

Matiyu 3:17

Kokuʼnapatiʼmo mago gemo hunoʼaeʼmo, ani vekaeʼmo nagaiʼni nahau nayamopafiʼmo nahauʼniya mafaʼneʼnimo maiʼniye. Agaefeʼmo lusi kava huʼna amuse huʼna neʼatove, huno huʼniye.

Luki 1:33

Agaemo Yekopu nofi vayaʼaleʼmo yagaino apateno hano osuno yagaino apateno maigiye, huno ha paiʼniye.

Yoni 1:29

Egaʼamo Yoniʼa ageyana Yesuʼmo agaetegamo eʼnigeno agetenoʼaeʼmo, Ageyo, huno, ani vekamo Goti aikeli sipisipi vekaʼamae. Muki ma mopafi vayaʼai hosu kavaʼapimo alininuno atalegaiye.

Yoni 12:24

Lama gemo lapa nepauve, huno, Avina yaʼmo mopafiʼmo ohakaleʼnisayana magoke avina yaʼmo alagi hanegaiyaʼmonanafa hakale maleʼnisageno falitenoʼaeʼmo halate hageteno asole avina yaʼmo aegaiye.

Yoni 13:32

Agaemo Goti ha le konali yaʼamo alino apave lisigenoʼaeʼmo Gotiʼa agaiʼamo Vemo Mafaʼnemoʼmo ha le konali yaʼamo alino apave ligiye. He, hemenimo malage huno alino apave ligiye.

Lomu 6:9

Ago afiʼnonana Gotiʼa Kalaisiʼmo faliʼniyatetiʼmo ago alino he tino ateʼnigeno afaʼa maiʼniyanageno halate afaʼa ofaligiye. Fali kavaʼmoʼa magoʼe huno yagaino oʼategaiye.

Lomu 8:32

Agaemo mafaʼneʼamo agegeno oʼateʼnifa mukiʼamogitalefeʼmo avalelino uno hosu vayaʼai apayapiʼmo ateʼniye. Agaemo mafaʼneʼamo ago avaleno lamiʼniyaʼmofeʼmo mafaʼneʼaʼe muki yaʼaʼeʼmo fikumo olamisifiye. Haʼao, fikumo lamigiye.

Lomu 8:8

Maiʼnayaʼmofeʼmo atafa apaipamoʼmo yagaino neʼapateya vayaʼmogimo Gotiʼa amuse huno apatesiyafeʼmo mago alagepa kavaʼmo alagi osugae.

2 Kolitiyani 5:21

Na kava higetaene. Lagaemo Kalaisipiʼmo maiʼnetaeʼmo Goti fatago kavaʼamo hamalesunafeʼmo Gotiʼa hosu kavaʼmo alagi osuʼniya vekamo alino hamaleno ateʼnigeno hosu kavaʼmo hamaleʼniye.

Galesiya 3:13

Kalaisiʼa lagaetefeʼmo lifana vekamo hamaleʼniyaʼmofeʼmo Gotiʼa lifana huno ateʼnigeno Kalaisiʼa keʼaepa gemoʼmo lifana huno lateʼniya kavapatiʼmo miya faino hatu maeno lateʼniye. Goti mukufiʼmo avoʼmo kae maleʼniya gemoʼmo ani kavatefeʼmo hunoʼaeʼmo, Gotiʼa hosu kavaʼapilefeʼmo yosaleʼmo apaneʼmu aeʼa asai maleʼnaya vayaʼmo lifana huno neʼapate, huno huʼniye.

Efasasi 1:5

Agaemo lagaefeʼmo hau ayamopafiʼmo hauʼnigeno hogoteno hunoʼaeʼmo, nahauʼniyanageʼa Yesu Kalaisitetiʼmo nagaiʼnilefeʼmo mafaʼneʼnimo maigae, huno lokiya gemo hu maleʼniye.

Efasasi 1:9

Hauʼniya kavatefeʼmo ani kavaʼmo huguve, huno agesamo afiteno lokiya gemo hu maleʼniya kavaʼmo hogoteno alino fala ki maleʼniyaʼmonanafa hemenimo ago alino lave liʼniye.

Efasasi 5:2

Kalaisiʼa lagaefeʼmo hau ayamopafiʼmo hauʼnigenoʼaeʼmo agufaʼamo sipisipimo amagiʼnaya agufa kavaʼmo huno alagepa atumo neʼaiya ofalinimo Gotiʼmo amiʼniya agufa kavaʼmo hutapa konagatapieʼmo lapau lapayamopafiʼmo lapauʼninagetapa maiyo.

2 Tesaloniyani 1:11

Gotiʼa hunoʼaeʼmo, Apakaemo keya aeʼna ge huʼnova agufa kavaʼmo huʼa maiʼnae, huno hisiyafeʼmo muki afinaʼmo nunumuʼmo nehune. Gotifeʼmo nunumuʼmo hutaeʼmo, Kagaemo Tesaloniyani vayaʼmo apaote maisayafeʼmo keya aeka ge huʼnane. Apaote maisayafeʼmo alika apaote apato. Apakaetegamo kahauʼnisiya kavaʼmo alagepa kavaʼmo huka himamukaletiʼmo apaipafiʼmo apakesamo afiʼa fatago huteʼa alagepa kavaʼmo hisayafeʼmo alo huteka alika afole aika ato, huta nunumuʼmo nehune.

Himulu 2:13

magoʼe gemo hunoʼaeʼmo, Nagaemo agaefeʼmo aliʼna amufa amiguve, huno huteno halate magoʼe gemo hunoʼaeʼmo, Gotiʼa mafaʼneʼamo apavalelineno namiʼnigeʼna manileʼmo apakaeʼeʼmo magokepi lokaeta maiʼnone, huno huʼniye.

Himulu 7:27

Mono huʼa neʼapataya vayaʼmogi muki afinaʼae afinaʼaeʼmo apakaiʼapi hosu kavaʼapileʼe muki vayaʼai hosu kavaʼapileʼefeʼmo afumo heʼa Gotiʼmo ofalinimo amiʼnayaʼmonanafa agaemo muki afinatefeʼmo magoke afinaʼmo vayaʼai hosu kavaʼapilefeʼmo agaiʼa agufamo Gotiʼmo ago amiʼniye.

Himulu 9:14

Afumo kolaʼmoʼa vayaʼmogi amega apakufaleʼmo aeno kalo paeno apaeʼniyaʼmonanafa afaʼa neʼmaiya yaʼmo neʼapamiya Goti aliʼyaʼamo alisayafeʼmo Kalaisi kolaʼamoʼa magoʼe huno lapakupi mafaʼnemo falisaya kavaʼmo aliʼyaʼalefeʼmo aeno kalo paeno lapategaiye. Agaemo hosu kavaʼamo alagi ohaneʼniya vekamo maige maige huno neʼmaiya Aunemeʼaletiʼmo agaiʼa agufamo Gotiʼmo amiʼniye.

1 Pita 2:24

Agaiʼageʼmo hosu kavatimo agufafiʼmo aliteno malipu yosaleʼmo faliʼniye. Hosu kavatilefeʼmo falitetaeʼmo alagepa kavaʼalefeʼmo afaʼa maisunafeʼmo faliʼniye. Amagiʼnageno fugaginaʼamoʼmo huʼniya kavaʼaletiʼmo Gotiʼa alino auleno lapateʼniye.

Leveleseni 1:18

Afaʼa neʼmauva vekamo maiʼnove. Afiyo, huno, faliʼnovanageʼna maige maige huʼna maiʼna hano osuʼna afaʼa maiguve. He, lama ge. Nagaemo kitamo yakiʼna apatesuva kiʼmo aliʼnovaʼmofeʼmo falisayafeʼmofi afaʼa maisayafeʼmofi huʼna muki vayaʼaiteʼmo yagaiʼna neʼapatove.