Aiyeya 52:9 - The Keyagana NT and 25 OT books

⁹ Yulusalemu noʼatufa kote vayane, huno, mukiʼamogitapamo lapamogaga aitetapa magokepiʼmo alopa gefatiʼmo yokemo hiyo. Ala kava neʼmoʼa eno vayaʼamo apaipamo alino falu huno apateʼniyaʼmofeʼmae. Agaemo Yulusalemu vayaʼmo miya faino hatu maeno apateʼniye.

Aiyeya 52:9 ပူးပေါင်းရင်းမြစ်များ

Samu 98:4

Muki ma mopafi vayane, huʼna, Ala kava nefeʼmo alopa gefatiʼmo hutetapa lapamogaga aiyo. Lapamogaga aitetapaeʼmo yokemo huta agiʼaleʼmo alita asaga hiyo.

Aiyeya 12:6

Isaleli vayaʼmogi aote Gotiʼa lapakae folagapiʼmo maiʼniya aote vekamo ala agi vekamo maiʼniyaʼmofeʼmo O, Saiyoni taonifiʼmo maiʼnaya vayanagi alopa gefatiʼmo hiyo.

Aiyeya 40:1

Gotitapimoʼmo hunoʼaeʼmo, Apaipamo alita falu hiyo. He, vayaʼnimogi apaipamo alita falu hiyo.

Aiyeya 43:1

Isaleli vayaʼmogitapae, huʼna, Ala kava neʼmoʼa alo huno lapateteno alino magoke nofi vayaʼmo hamaleno lapateʼniya vekamoʼmo hemenimo ina gemo huno lapa painoʼaeʼmo. Nagaemo miya faiʼna hatu maeʼna lapateʼnovaʼmofeʼmo koli osiyo. Nagaemo lapakitapimo lapateteʼnaeʼmo lapakaefeʼmo nagaiʼni vayane, huʼna huʼnove.

Aiyeya 49:13

Ala kava neʼmoʼa agaiʼa vayaʼamogi apaipamo alino falu huno apateʼniye. Apakaemo lusi kava huʼa asole kana yaʼmo aliʼnayaʼmonanafa hau huno apategaiyaʼmofeʼmo kokuʼnamogae, huʼna, yokemo huvo. Mopamogae, huʼna kamogaga aiyo. Avemogitapae, huʼna, lapamogaga aita yokemo hiyo.

Aiyeya 51:12

Gotiʼa hunoʼaeʼmo, Nagaiʼnigeʼmo lapaipamo aliʼna falu huʼna lapategauve. Ina lagitapamo maiʼnetapaeʼmo falisiya vekaeʼmo koli huge kahaugana huʼa malage huʼa hano hisaya vayaʼaifeʼmo koli huge nehae.

Aiyeya 51:3

Ala kava neʼmoʼnamo Saiyoni taonifiʼmo maiʼnaya vayaʼmo aliʼna yuna heʼna apategauve. No atufaʼageʼmo ageteʼnaeʼmo nahau huʼna apategauve. Agaemo kaʼme koʼapimo Iteni kokana huʼna aliʼna ha maleʼna ategauve. Kalukalusopa koʼmo Ala kava neʼmo hoyaʼagana huʼna aliʼna ha maleʼna ategauve. Apakaemo Saiyoni taonifiʼmo apamogaga aige Gotifeʼmo haoke hege yokemo huge hugae.

Aiyeya 55:12

Lapakaemo kalavusi huʼa lapateʼnaya koʼmo ataletutapa lapamogaga aisageʼna nagaemo lapavaleliʼna visugeno mago hosu yaʼmo lapakaeteʼmo afole oʼaisigeno lapaipamoʼmo falu huʼnisigetapa ugae. Aise avemogiʼe alopa avemogiʼeʼmo lapaulagaleʼmo yokemo hisageʼapaeʼmo muki yosamogimo apayaʼmo amagiʼa apamogaga aigae.

Aiyeya 61:4

Apakaemo heʼa halagape vaiʼnaya taonimo halate kigae. Akeyaʼvilaga no atufafiʼmo saufa noʼmo kigae. Yatala afinaʼmo muki hosuʼniya taonimo haneʼniyana aliʼa alagepa huʼa kigae.

Aiyeya 63:9

Apakaemo muki kana yaʼmo aliʼnagenoʼaeʼmo ani kana yaʼmo aipafiʼmo asagauno aiʼnigeno agaeʼeʼmo aliʼniye. Goti aulagaleʼmo maiʼniya enisole vekamoʼmo apakufamo alino katino apateʼniye. Hau ayamopafiʼmo hauʼnigeno hau huno apateteno miya faino hatu maeno apateʼniye. Akeyaʼvilagamo muki afinaʼae afinaʼaeʼmo apasagauno apavalelino uʼniye.

Maika 4:10

Saiyoni aʼmafaʼneyo, huʼna, Aʼnemogi mafaʼne aliʼa apatesayafeʼmo apakafu nekiya kava huno kagafu kino. Kagaemo taonimo atalekuka hiʼyagofa kotegamo maigane. Maiganaʼmofeʼmo aʼnemogimo mafaʼnemo aliʼa atesayafeʼmo nehaya afinaʼmo apakafu kiʼnigeʼa aiʼa afelo falo nehaya kavaʼmo huno kagafu kisigeka mafaʼnemo alika ato. Kame vayatapimogimo eʼa kavaleliʼa Mamiloni taonifiʼmo ugayaʼmonanafa ani taonifatiʼmo Ala kava neʼmoʼa kame vayatapimogi apayapatiʼmo miya faino hatu maeno kategaiye.

Galesiya 4:27

Mani kavatefeʼmo Goti mukufiʼmo avoʼmo kae maleʼniya gemoʼa hunoʼaeʼmo, Anamo a kanomo mafaʼnemo alika oʼateʼnana a kanomogamo kamogaga aiyo. Mafaʼnemo alika oʼateʼnanageno kagafu okiʼniya a kanomogamo kamogaga aiteka alopa gefatiʼmo huvo. Na kava higekaene. Anauʼamoʼmo ataleʼniya akana huka maiʼnanaʼmonanafa veleʼmo maiʼniya a kanomo ago aeka agaseka asole mafaʼnemo alika apateʼnane, huno huʼniye.