Aiyeya 52:8 - The Keyagana NT and 25 OT books

⁸ Ala kava neʼmoʼa Saiyoni taonifiʼmo kalavusi huʼa apateʼnaya vayaʼmo hatu maeno apateteno halate apavalelino esigeʼa taonifiʼmo yagaiʼnaya vayatapimogi alagepa huʼa apaketeʼapaeʼmo mukiʼamogimo magokepiʼmo lusi kava huʼa apamogaga aiteʼa alopa gefatiʼmo hugae.

Aiyeya 52:8 ပူးပေါင်းရင်းမြစ်များ

Salomoni Yokemae 3:3

Uʼneʼna nehugeʼapaeʼmo taonifiʼmo uʼeʼa huʼa neʼyagaiya vayaʼmogimo nageʼnageʼnaeʼmo, nagupi mafaʼnemoʼmo hau ayamopafiʼmo hauʼniya vekaʼnimo ageʼnafiye, huʼna ge huʼna apafi geʼnove.

Salomoni Yokemae 5:7

Umenitata nehuʼa taonifiʼmo neʼyagaiya vayaʼmogi nageteʼapaeʼmo namagiʼa nagufamo aiʼa atalagauʼnae. Yafa lafi kegiʼyaleʼmo neʼyagaiya vayaʼmogi naugosafiʼmo aiʼna ati kaeʼna neʼaluva lavolavoʼnimo aliʼnae.

Aiyeya 26:1

Alopa alagepa afinaʼmo afole aisigeʼapaeʼmo Yuta mopaleʼmo maiʼnaya vayaʼmogimo mani yokemo hugae. Hugayana lagae taonimo lokiya taonimae. Gotiʼa alagepa huno laha maesigeno Gotikeʼmo lagae lokiya yafa kegiʼyatimo maigiye.

Aiyeya 35:10

Ala kava neʼmoʼa miya faino hatu maeno apateʼniya vayaʼmogimo yokemo nehuʼapaeʼmo aiʼa atagi neʼa Saiyoni taonifiʼmo egae. Muki afinaʼaeʼmo apamogaga aiʼa maigae. Apakaemo magoʼe huʼa kana yaʼmo oʼalige magoʼe huʼa yulagefamo oʼaige huteʼa alagepa huʼa maige maige huʼa maigae.

Aiyeya 40:9

O Saiyoniyo, huʼna, Alagepa faigoko gemo alinika neʼana vekae, huʼna, yatala avefiʼmo uka haiyo. O Yulusalemuo, huʼna, Alagepa faigoko gemo alinika eʼnana vekae, huʼna, Kagaemo alopa gefatiʼmo alagepa faigoko gemo aeka hakalo huvo. Koli osuka Yuta kote taoniʼafi taoniʼafiʼmo maiʼnaya vayaʼaifeʼmo ina gemo hukaeʼmo, Ageyo, Lapakaemo Gotitapiʼmoʼmo ageyo, huka huvo.

Aiyeya 56:10

Isaleli vayaʼaiteʼmo yagaiʼa neʼapataya vayaʼmo apaulagamo fali kaeʼniye. Gemo alagepa huʼa noʼafiye. Apake noʼaiya kalagana huʼa maiʼneʼa hau hau nosae. Havaesayafeʼmo hapauʼnigeʼa apauʼmaiʼmai huʼa maiʼnae.

Aiyeya 58:1

Ala kava neʼmoʼa hunoʼaeʼmo, Kagaemo oʼataleka alopa gefatiʼmo keya ao. Kagaemo pikulimoʼmo age neʼaiya agufa gemo huka alopa gefatiʼmo keya aeka ge huvo. Kagaemo vayaʼnimo Yekopu nofi vayaʼaifeʼmo geʼnimo amagiʼa neʼatalaya hosu kavaʼapieʼmo hapa paiyo.

Aiyeya 62:6

Yulusalemuo, huʼna nagaemo yafa lafi kegiyakaleʼmo kava yagaisaya vayaʼmo aliʼna apateʼnovanageʼa felugaʼe haniʼilagaʼeʼmo afaʼa oʼmaiʼa apake aigae. Lapakaemo Ala kava nefeʼmo ava gemo nehaya vayaʼmogitapamo afaʼa oʼmaitapa ge hiyo.

Sefanaiya 3:9

Ani kava huteʼna mukiʼamogimo Ala kava neʼmoʼna nagiʼnilefeʼmo keya aeʼa ge hisayafeʼmo oʼaniʼya apavenafuʼnamo sese huʼna apatesugeʼa apaote apakemo aigae. Magoke apaipa apakesamo aliʼneʼa aliʼyaʼnimo aligae.

Apa 2:1

Yu vayaʼai hopa afinaʼmo agiʼamo Petikosi afinaʼmo afole aiʼnigeʼapaeʼmo muki apakesamo afiʼa fatago huʼnaya vayaʼmo magoke apaipa apakesamo aliteʼa mago nopiʼmo aliʼa anupa huʼa maiʼnae.

Apa 4:32

Muki apakesamo afiʼa fatago nehaya vayaʼmogimo magoke apaipa apakesamo aliʼneʼapaeʼmo mago vekamoʼmo aliʼniya yafeʼmo, nagaiʼni yane, huno osuʼnifa mukiʼamogimo muki aliʼnaya yafeʼmo, lagaiti yane, huʼa huʼnae.

1 Kolitiyani 1:10

Konagaʼnimogitapae, huʼna, Ala kava netimo Yesu Kalaisi agiʼaletiʼmo ge huʼnaeʼmo, Alita fako hutapa alu vaya alu vayaʼmo oʼmaitapa magoke vayaʼmo maiʼnetapa magoke agufa geʼageʼmo hutapa maiyo. Alagepa hutapa magokepi lokaeta maitetapa magoke lapaipa lapakesamo alita maiyo.

1 Kolitiyani 13:12

Hosu laveʼyofatiʼmo apaugosamo neʼagaya kava huta hemenimo hani huʼnigeta alagepa huta noʼagonaʼmonanafa henagaʼamo Ala kava neʼmo augosafiʼmo ageta alagepa hugune. Hemenimo aiseʼamo neʼagovanageʼna Gotiʼa nageʼniya kava huʼna henagaʼamo alagi ageʼna alagepa huguve.

Himulu 13:17

Lapakaemo yagaiʼa nelapataya vayaʼai apaiyafiʼmo maiʼnetapa geʼapimo afiyo. Apakaemo lapakupi mafaʼneleʼmo yagaiʼa neʼataya aliʼyaʼapilefeʼmo Gotifeʼmo ha paigae. Geʼapimo afigenoʼao apaipamoʼmo kana osuʼnisigeʼa apamogaga aiʼa aliʼyaʼmo aliyo. Apaipamoʼmo kana hisiya kavaʼmoʼa lapa oʼmaegaiye.

Leveleseni 18:20

Kokuʼnapi vayanagi lapamogaga aitapa ateyo. Lapaote vayanagi apa vayanagi Gotitegati gemo alinita etapa aeta hakalo hutapa hapa nepaiya vayanagi hutapa lapamogaga aiyo. Lapakaetegamo hosu kavaʼmo huʼnigeno Gotiʼa kavaʼamo alino fako huno ateteno kayoʼmo amiʼniye, huno hapa paiʼniye.

Leveleseni 19:4

Tuveti foʼa vayatama vayaʼe loleʼe loleʼe vayaʼmogiʼeʼmo asagau aiʼa yagaino neʼapateya vekamo siyaʼaleʼmo fai maiʼniya Gotifeʼmo mono huteʼapaeʼmo, Lama ge Haleluya, huʼa huʼnae.