Aiyeya 52:5 - The Keyagana NT and 25 OT books

⁵ Hemenimo mago vayaʼmogi halate vayaʼnimo afaʼa apavaleliʼuʼa kalavusi huʼa apateʼnayaʼmofeʼmo na agufa kavaʼmo hisuve. Yagaiʼa neʼapataya vayaʼmogi alopa kana yaʼmo neʼapamigeʼa vayaʼnimogi lusi kava huʼa kage kage huʼa yulagefa neʼaiye. Apakaemo muki afinaʼae afinaʼaeʼmo naginileʼmo aliʼa afepiʼmo nateteʼa huʼa faipa huʼa neʼnatae.

Aiyeya 52:5 ပူးပေါင်းရင်းမြစ်များ

2 Samiyo 12:14

Kagaemo ani hosu kavatetiʼmo Ala kava neʼmo kame vayaʼamogimo huʼa faipa huʼa natesaya kaʼmo valika apateʼnanaʼmofeʼmo Matasimaʼa alino atesiya mafaʼnekamo faligiye, huno ha paiteno

Hatu maeno apate'niya gemae 3:7

Ala kava neʼmoʼa ha painoʼaeʼmo, Nagaemo vayaʼnimo apakeʼnogeʼa Isipi kotegamo maiʼnageʼa Isipi vayaʼmogimo lusi kava huʼa hapaise vose aliʼyaʼmo apamiʼnageʼna ageʼnove. Ani aliʼyate kava vayaʼmogimo kana yaʼmo apamiʼnageno apakafu kiʼnigeʼa kage gage nehaya gemo afiʼnove.

Aiyeya 51:20

Ve mafaʼne anagaʼmogimo apaumiʼmi huteʼa asagauʼa aiʼa muki taoni kaʼmo atupafiʼmo havaeliʼa uʼeʼa huʼnae. Apakaemo ina kava huʼa afela afumo umenimoʼmo atafauteno neʼmaiya agufa kavaʼmo huʼa maiʼnae. Ala kava neʼmo Gotikamoʼmo apakaefeʼmo gemo hapauteno aipamo leno neʼapateya kavaʼmoʼa apakaeteʼmo asagauno aiʼniye.

Aiyeya 51:23

Oʼnegayaʼmonanafa ani kapumo aliʼna hanageke yaʼmo lapamiʼnaya vayaʼai apayapiʼmo malegauve. Apakaemo lapakaemo aliʼa mopafiʼmo havaeʼa lapateʼneʼa aeʼa lata paiteʼa mopalafateʼmo umenitata nehaya agufa kava huʼa lapagotofuleʼmo aeʼa umenitata huʼnae.

Aiyeya 52:3

Ala kava neʼmoʼa hunoʼaeʼmo, Kagaemo kalavusi aliʼyaʼmo alisanafeʼmo miya ofaiʼnaya kava huʼna miyakamo oʼaliʼna fiku hatu maeʼna kategauve.

Sefanaiya 1:10

Ani afinaʼmo Yulusalemu taonimo yafa kegiʼyamo kipaʼmo agiʼamo noyame kipane, huʼa agi neʼaya kipateʼmo maiʼnaya vayaʼmogi lusi kava huʼa koli huteʼa alopa gefatiʼmo ge hisageʼa afige napa tu kipateʼmo maiʼnaya vayaʼmogi apano aeteʼa faiyosago faiʼa aviʼyaʼmo hisageʼa afige avefatiʼmo mago yaʼmo aeno apalo atiʼnigeno alopa agemo neʼaiya agufa kava huno age aisigeʼa afige hugae.

Lomu 2:24

Goti mukufiʼmo avoʼmo kae maleʼniya gemoʼa hunoʼaeʼmo, lapakaemo hosu kavaʼmo nehayaʼmofeʼmo Yu nofi vayapatiʼmo oʼmaiʼnaya vayaʼmogi Gotifeʼmo huʼa faipa huʼa neʼatae, huno huʼniye.