Aiyeya 52:10 - The Keyagana NT and 25 OT books10 Ala kava neʼmoʼa muki alu nofi vayaʼe alu nofi vayaʼmogi apaulagaleʼeʼmo aote lokiyaʼamo alino apave liʼniye. Gotitimoʼmo lagufamo alino katino latesigeʼa muki ma mopafi vayaʼmogimo agegae. အခန်းကိုကြည့်ပါ။ |
Vayaʼmogimo naote aveʼnileʼmo muki kotegamo kaveta osuge aliʼa hosu huʼa oʼapatege huteʼa alagepa huʼa maigae. Aniʼmoʼa muki solovala aniteʼmo aino ati nekaeya kava huno Ala kava nefeʼmo ava gemo afiʼnaya gemoʼmo muki haopalegamo hanegaiyaʼmofeʼmo muki vayaʼmogi aliʼa hosu huʼa oʼapatege oʼapamagige huteʼa alagepa kavaʼage huʼa magokepiʼmo lokaeʼa maigae.
Ala kava neʼmoʼa ina gemo huno naha painoʼaeʼmo, Kagaemo Yekopu nofi vayaʼmo alika he tika apatesanageʼa halate lokiya vaiʼa maige yagaiʼna apateʼnogeʼa afaʼa maiʼnaya Isaleli vayaʼmo alika alagepa huka apatesanageʼa halate alagepa huʼa maige hisayafeʼmo ani aise aliʼyaʼmo afaʼa alisanana kanale osugiye. Ani aliʼyaʼe magoʼe huʼna alu aliʼyaʼeʼmo kamiguve. Nagaemo ma mopafi muki haopalegamo maiʼnaya vayaʼmogi apakufamo alika katika apatesanafeʼmo ani malaga nofi vayaʼmogi ha le yaʼapigana huka maigane, huʼna aliʼna kateʼnove, huno huʼniye.
Ala kava neʼmoʼa vayaʼamo hapa maesiya vekamo oʼmaiʼnigeno ageʼniye. Agaeʼe apakaeʼeʼmo magokepiʼmo alino lokaeno apatesiyafeʼmo folagate vekamo oʼmaiʼnigeno agetenoʼaeʼmo agesa alaʼamo afiʼniye. Oʼmaiʼniyaʼmofeʼmo Ala kava neʼmoʼa agaiʼa lokiyaʼaletiʼmo vayaʼamo apakufamo alino katino apateʼniye. Inagi he tino agaiʼa fatago kavaʼaletiʼmo lokiya vaino he tiʼniye.
Gotiʼa hunoʼaeʼmo, Afaʼa oʼmaiʼna Saiyoni taonifiʼmo maiʼnaya vayaʼmo hapa maesuvafeʼmo ge huguve. Nagaemo maiʼna haga oleʼna aliʼyakeʼmo alime alime neʼugenoʼaeʼmo Yulusalemu taonifiʼmo maiʼnaya vayaʼai fatago kavaʼapimoʼmo aeno ha lege apakufamo aliʼna katina apatesuva kavaʼmoʼa lamugana huno aeno ha lege hugiye.
Ala kava neʼmoʼa Mukuʼafiʼmo haneʼniya geʼaletiʼmo hunoʼaeʼmo, alu nofi vayaʼaitegamo utapa hapa paiyo, huno laha paiʼniye. Ani gemoʼa hunoʼaeʼmo, Nagaemo ma mopafi muki haopalegamo maiʼnaya vayaʼai apakufamo alino katino apatesiyafeʼmo alu nofi vayaʼai ha le yaʼapigana huka maigane, huʼna aliʼna kateʼnove, huno huʼniye.
Halate ageʼnovana mago enisole vekamoʼmo alagepa faigoko gemo hanege hanege huno hanesiya gemo alu kotega alu kotegamo maiʼnaya vayanagi muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi huno aeno hakalo huno hapa paisiyafeʼmo kokuʼnaʼmo folagateʼmo halelino uʼniye.
O Ala kava nene, huʼa, kagaikageʼmo kaote vekamo maiʼnanaʼmofeʼmo ina lagimo kagaefeʼmo koli osuʼa kagikaleʼmo aliʼa asaga osugae. Kagaemo anonaʼapilefeʼmo alagepa huka alika fako huka apateteka neʼapamina kavakamo ago afole aiʼniyaʼmofeʼmo muki alu nofi vaya alu nofi vayaʼmogimo eʼa kaulagaleʼmo kagaetefeʼmo mono hugae, huʼa huʼnae.