Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aiyeya 52:1 - The Keyagana NT and 25 OT books

1 Agaemo Yulusalemu vayaʼaifeʼmo hunoʼaeʼmo, O Saiyoniyo, huno, Aupatiʼmo hauneyo, aupatiʼmo hauneyo, Kagaemo he tika lokiya vaiyo. O Yulusalemu kaote taoniyo, huno, Kagaemo kanale kanale konali kukenakamo alika vaiyo. Apakufaleʼmo Goti alagena yaʼamo oʼaliʼnisaya vayaʼe oʼaniʼya faiʼniya vayaʼeʼmo kagaetegamo magoʼe huʼa oʼmegae.

အခန်းကိုကြည့်ပါ။ ကော်ပီ




Aiyeya 52:1
40 ပူးပေါင်းရင်းမြစ်များ  

Himamukaletiʼmo aliʼyaʼmo alisana afinaʼmo vayakamogimo apaipamo kaliteʼa apakufamo kamiteʼa apaote konali kukenamo aliʼa vaiteʼa kakame hugae. Aʼnemogimo mafaʼnemo apaipafatiʼmo aliʼa neʼapataya kava huno netepiʼmo laoʼyaʼmo nelamiye. Ani kava huno Gotiʼa neya vayakamo alino apatesigeʼa laoʼyakana huʼa afole aiteʼa kagaetegamo ugae.


Yulusalemu taoniyo, huno, akeyaʼvilagamo alagepa huka geʼnimo afiʼnanaʼmonanafa hemenimo mago kumai a kanomo hamaleʼnane. Kagaemo agoti gemo alagepa huʼa afiʼnaya vayaʼe fatago vayaʼeʼmo havaiteʼnayaʼmonanafa hemenimo kagaemo kamitimo hapaenageʼa faliʼnaya vayaʼmogimo kili paeʼnae.


Nagaemo halate alagepa huʼa yagaisaya vayaʼe agoti gemo afisaya fatago vayaʼeʼmo akeyaʼvilagamo kagaeteʼmo maiʼnaya agufa vayaʼmo aliʼna afole aiʼna apategauve. Henagaʼamo vayaʼmogimo kagaefeʼmo ina gemo huʼapaeʼmo, Fatago kavaʼmo haneʼniya taoniye, huʼa, kagi aege Goti geʼamo oʼataleno akame nehiya taoniye, huʼa kagi aege hugae.


Taonile yafa kegiʼyaleʼmo alopa kitamo yakitapa apategeʼapao fatago nofi vayaʼmogi lama gemo akame nehaya vayaʼmo eʼa haiyo.


Ani haopalegamo mago alopa kaʼmo aote kaʼmo hanegaiye. Vayaʼmogimo ani kafeʼmo agi aeʼapaeʼmo, apaote vayaʼmogi kane, huʼa agi aegae. Hosu kavaʼapimo aeʼa kalo opaeʼnaya vayaʼmo ani kateʼmo oʼugayaʼmonanafa alu vayaʼmogimo ani kateʼmo afaʼa ugae. Ani kateʼmo neʼvaya vayaʼmo negi vayaʼmo maiʼnisayana kafeʼmo ika huteʼapaeʼmo ataleʼa alu kateʼmo oʼugae.


Logufaʼa vayaʼe atupa vayaʼeʼmo Saiyoni taonifiʼe Yulusalemu taonifiʼeʼmo maiʼnaya vayaʼaifeʼmo huʼapaeʼmo, Alagepa apaote vayane, huʼa hugae. Ala kava neʼmoʼa ani afaʼa maiʼnaya vayaʼmogi apakimo mukuʼafiʼmo avoʼmo kae maleʼniye.


Alika maku huka maiʼneka aulu heka agelika ugeka huka apako. Muki ve mafaʼne anagakamo magokepi aliʼa anupa huteʼa kagaetegamo neʼae. Ala kava neʼmoʼa agoʼyamo ataletenoʼaeʼmo, Alagi lama gemo huʼnaeʼmo, A kanomoʼmo veleʼmo maisiyafeʼmo kanale konalimo aliteno amogaga neʼaiya agufa kava huka mafaʼne anagakamo apavaleka kamogaga aigane.


Ha paiʼnigeno ina gemo hunoʼaeʼmo, O Yulusalemu vayane, huno, lapaupatiʼmo he tiyo, he tiyo. He titapa lokiya vaiyo. Ala kava neʼmoʼa aipamo neleya kavaʼmo magoke kapufatiʼmo nofi alagafati aniʼmo neteʼa negi nagi nehaya anikana huno lapamiʼnigetapa alagi netetapa negi nagi hutetapa atete huʼnae.


Aiyeyaʼa hunoʼaeʼmo, Ala kava nene, huʼna, Aupatiʼmo hauneyo, hauneyo. Akeyaʼvilagamo huʼnana agufa kavaʼmo huka lokiyakaletiʼmo laha mao. Kagaemo akeyaʼvilagamo lokiyakaletiʼmo Isipi vayaʼmo hatagauʼnana vekamo maiʼnane.


Saiyoni taoniyo, huʼna, he tika yegegana huka aeka ha lo. Ha le yatapimo alino lapamiʼniyanagi Ala kava neʼmo ha le konali yaʼamo eno afole aiteno lapakaeteʼmo aeno ha leʼniye.


Muki vayatapimo fatago vayaʼageʼmo maigae. Apakaemo mopa hetamaʼapimo aliteʼa ani mopaleʼmo maige maige huʼa maigae. Nagaemo ala nagiʼnimo alisuvafeʼmo vayatapimo saufamo fai maleʼnogeno muki nehageya yosagana huʼa maigae. Apakaemo nayatetiʼmo alo huʼnova vayaʼmo maigae.


Ala kava nefeʼmo magoʼe huʼna lusi kava huʼna namogaga aiguve. Nagupi mafaʼnemoʼmo Gotiʼnimofeʼmo magoʼe huno amuse huno ategaiye. Na kava hinageʼnaene. Agaemo nagufamo alino katino nateteno fatago kavaʼamo yatala kukenagana huno alino vaino nateʼniye. Agaemo fatago kavaʼmo alagi alagepa yatala kukenagana huno alino nagufaleʼmo ago aino ati kaeno nateʼniye. Aʼmo alisiya vekamoʼmo konalimo neʼaliya kava huʼna maiʼnove. Veleʼmo maisiya a kanomoʼmo alopa moniletiʼmo miya nefaiya sesu konalimo aliteno neʼmaiya agufa kava huʼna maiʼnove.


Saiyoni taonifiʼmo maiʼnaya vayaʼmogi yulagefa neʼaiya vayaʼmo apaipamo aliʼna falu huʼna apatege apakenopafatiʼmo laʼnefamo aliʼna ataleteʼna kanale konalimo aliʼna apatege aviʼyaʼmo nehaya kavaʼapimo aliʼna ataleteʼna apamogaga aisaya uvelimo apakufaleʼmo faleʼna apatege apaipamo kana huʼniya kavaʼapimo aliʼna ataleteʼna yokemo hisayafeʼmo aliʼna lokiya vaiʼna apatege hisuvafeʼmo alino nateʼnigeʼna eʼnove. Vayaʼmogimo ani vayaʼaifeʼmo huʼapaeʼmo, Apakaemo fatago kavatefeʼmo alagepa alagamo neʼaeya yosagana huʼa maiʼnae. Ala kava neʼmoʼa fai maleʼniye, huʼa huteʼa agiʼaleʼmo aliʼa asaga huʼa ategae.


Muki kaote taonimoʼmo yahao kokana huno haneʼnigeno Saiyoni taonimoʼmo kaʼme kokana huno haneʼnigeno Yulusalemu taonimo alagi hosuʼnigeʼa vayaʼmo oʼmaiʼnae.


Ani vekamoʼmo age aiʼnigeʼna afiteʼnaeʼmo faliʼnegekana huʼna havaeteʼna naugosalegatiʼmo mopafi asagauʼna aiʼnove.


O Yuta vayaʼmogitapae, huʼna, Ageyo, mago vekamoʼmo avefiʼmo haneʼniya kotega kateʼmo alagepa faigoko gemo alininenoʼaeʼmo, kame osugayanagi maitapa haga leyo, huno aeno hakalo huno lapa nepaiye. Gotiʼa mono hisayafeʼmo hu maleʼniya hopa afinaʼmo mono hiyo. Lapakaemo Gotifeʼmo ago polomasi gemo hu maleʼnaya kavaʼmo hiyo. Hosu vekamo halate lapakaetegamo oʼmegaiye. Gotiʼa ago alino hosu huno ataleʼniye.


Ani kavaʼmo hutapa ageʼnayaʼmonanafa Selamamaligagi Yosateki mafaʼnemo hogote vekamo mono huka neʼapatana vekamo Yasuvagagi muki vayaʼmogitapaʼenagi huʼna huʼnaeʼmo lokiya vaitapa aliʼyaʼmo aliyo. Nagaemo lapakaeʼeʼmo magokepi lokaeʼna maiʼnovanagi aliʼyaʼmo aliyo, huʼna Gotiʼnamo asole vayaʼaiteʼmo neʼyagauva vekamoʼnamo mani gemo nehuve.


Nevoʼa aote taonifiʼmo avalelinuno alopa aote yatala mono noʼmo nokatoʼmuleʼmo avalelino uno haino alino he tino ateʼnenoʼaeʼmo,


afoʼamoʼmo aliʼyaʼamo neʼaliya vayaʼaifeʼmo hunoʼaeʼmo, malage huta hogote lokiya yatala kukenamo uta aliniteta vaita ateyo. Linimo aliniteta ayateʼmo vaita ateteta aiyaleʼmo suʼmo vaita ateyo.


Lapakaemo lapakufamoʼmo hauʼniya kavaʼmo afole aisayafeʼmo alo osutapa Ala kava netapimo Yesu Kalaisikeʼmo kukenagana hutapa alita vaiyo.


Gotiʼa mani fatago kavaʼamo Yesu Kalaisifeʼmo apakesamo afiʼa fatago nehaya kavatetiʼmo muki apakesamo afiʼa fatago nehaya vayaʼmo apamiʼnigeno apakaeteʼmo haneʼniye. Hailami salami huʼa noʼmaifa magoke aiyaya vayaʼmo maiʼnayaʼmofeʼmae.


Atafa vekatapimo ataletetapa saufa vekatapimo Gotiʼa alo huʼniya vekatapimo agaiʼagana huno neʼmaiya vekatapimo alita vaiyo. Lama geʼaletiʼmo saufa vekatapifatiʼmo vayaʼaitegamo fatago kavaʼmo huge Gotitegamo lama ge aote kavaʼmo huge hugae.


Ani kavafeʼmo hunoʼaeʼmo, kaukaleʼnana vekamogamo kaupatiʼmo he tige faliʼnaya vayapatiʼmo he tige huka maigenoʼao Kalaisiʼa kaipafiʼmo ha le yaʼmo kamino, huno huʼniye.


Henaga geʼnimo lapa paiʼnaeʼmo, Ala kava nepiʼmo maiʼnetapaeʼmo lapayamufa valetapa himamuʼamo alitetapa lokiya vaita maiyo.


Lekana paiganaʼmonanafa hogote kegiʼyamo malagamo haneʼniya mopaleʼmo kayotetiʼmo lekana opaiyo. Ani mopamo malaga vayaʼmo apamiʼniyanageʼa aote taonifiʼmo foti tuʼa kaileʼmo umenitata huʼa aliʼa hosu huʼa ategae.


Kokuʼnapiʼmo asole ati vayaʼmogimo yaveyave kukenamo vaiʼa aliteʼa yaveyave hosileʼmo fai maiʼneʼa akame huʼa uʼnae.


Alagepa huno yaveyave huteno aeno ha leʼniya kukenamo oʼaniʼya ofaiʼniya kukenamo vaisiyafeʼmo amiʼniye, huʼa huʼnae. Ani alagepa kukenamo haneʼniya kava huno Gotiʼa fatago kavaʼamo apaote vayaʼamo apamiʼnigeʼa vaiʼa aliʼnaya kavaʼmo haneʼniye.


Ageʼnovana aote taonimo saufa Yulusalemu taonimo Gotitegatiʼmo kokuʼnapatiʼmo emineʼnigeʼna ageʼnove. Ani taonimoʼmo mago saufa aʼmafaʼnemo veleʼmo maisiyafeʼmo hauʼnigeno alagepa kukena yaʼe alagepa konali yaʼaʼeʼmo vaino aliteno maiʼniya aʼmafaʼnegana huno haneʼniye.


Oʼaniʼya faiʼnisiya yaʼmo ani taonifiʼmo ohanegaiye. Apavagage hisiya kavaʼmo nehaya vayaʼmofi aigofe gemo nehaya vayaʼmofi huʼa uʼa ohaigayaʼmonanafa afaʼa maisaya yaʼmo aliʼnisaya vayaʼai apakiʼapimo mukufiʼmo avoʼmo kae maleʼniya vayaʼageʼmo uʼa haigae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ