Aiyeya 51:9 - The Keyagana NT and 25 OT books

⁹ Aiyeyaʼa hunoʼaeʼmo, Ala kava nene, huʼna, Aupatiʼmo hauneyo, hauneyo. Akeyaʼvilagamo huʼnana agufa kavaʼmo huka lokiyakaletiʼmo laha mao. Kagaemo akeyaʼvilagamo lokiyakaletiʼmo Isipi vayaʼmo hatagauʼnana vekamo maiʼnane.

Aiyeya 51:9 ပူးပေါင်းရင်းမြစ်များ

Samu 21:13

O Ala kava nene, huʼna, Kagaemo lokiyakaletiʼmo ala kagi aliyo. Lagaemo yokemo nehutaeʼmo kagikaleʼmo alita asaga hugune.

Samu 59:4

Nagaemo apakaetegamo hosu kavaʼmo osuʼnovaʼmonanafa nagu nagu huʼa uʼa kamemo hisayafeʼmo alo nehae.

Samu 7:6

O Ala kava nene, huʼna, kaipamo leʼninageka he tiyo. Kame vayaʼnimogi apaipa leʼnigeʼa namagisayafeʼmo apayamukiki nehayanagi he tika naha mao. Fatago kavafeʼmo kahauʼniyanagi alika fako huka apato.

Samu 77:5

Nagaemo akeyaʼvilagaeʼmo nagesamo afiʼnove. Gotiʼmo akeyaʼvilaga huʼniya kavafeʼmo nagesamo afiʼnove.

Samu 78:65

Ani kavaʼmo huʼa maiʼnagenoʼaeʼmo apaupatiʼmo he netiya kava huno Ala kava neʼmo he tiʼniye. Lokiya vekamoʼmo nofi alagafati aniʼmo netenoʼaeʼmo alopa gefatiʼmo ge nehiya kava huno Ala kava neʼmo malage huno he tiʼniye.

Samu 87:4

Nagaemo huʼnaeʼmo, Isipi kotega maiʼnaya vayaʼe Mamiloni kotega maiʼnaya vayaʼmogiʼeʼmo nageʼa aeto huʼnae, huʼna huguve. Afiyo, Filisitiya vayanagi Taiya vayanagi Itiyopiya vayanagi huno Gotiʼa taoniʼafiʼmo apavaleno apatesigeʼa vayaʼamo maigae.

Samu 89:10

Kagaemo Isipi kotega maiʼnaya vayaʼai himamuʼapimo ago alika hano huka ataleʼnane. Lokiya kayatetiʼmo kame vayakamo apamagiʼnanageʼa atagu faeʼa uʼeʼa huʼa maiʼnae.

Samu 89:11

Kokuʼnaʼe ma mopaʼeʼmo kagaika yaʼmo haneʼniye. Ma mopaʼe muki ma mopafiʼmo maiʼnaya vayaʼe yaʼeʼmo alo huʼnane.

Samu 93:1

Ala kava neʼmo kini vekamo maiʼneno yagaino neʼapate. Agaemo ala agiʼaʼe ha le konali yaʼaʼeʼmo vaino aliʼniye. Lokiyaʼamo kukenagana huno vaino aliʼniye. Agaemo ma mopamo alino lokiya vaino ateʼniyanageno kanage kanage osugiye.

Hatu maeno apate'niya gemae 6:6

Kotalakeʼnieʼmo nagesa afiʼnovaʼmofeʼmo Isaleli vayaʼaifeʼmo ina ge huka hapa paiyo. Nagaemo Ala kava neʼmo maiʼnove. Nagaemo Isipi vayaʼaiteʼmo kalavusi aliʼyaʼmo neʼaliya kavapatiʼmo lapakufamo aliʼna katiʼna lapatege himamuʼniletiʼmo lapa maeteʼna kavaʼapimo aliʼna fako huʼna apateteʼnaeʼmo lusi kayoʼmo apamiteʼna hatu maeʼna lapatege huguve.

Aiyeya 51:17

Ha paiʼnigeno ina gemo hunoʼaeʼmo, O Yulusalemu vayane, huno, lapaupatiʼmo he tiyo, he tiyo. He titapa lokiya vaiyo. Ala kava neʼmoʼa aipamo neleya kavaʼmo magoke kapufatiʼmo nofi alagafati aniʼmo neteʼa negi nagi nehaya anikana huno lapamiʼnigetapa alagi netetapa negi nagi hutetapa atete huʼnae.

Aiyeya 51:5

Fatago kavaʼnilefeʼmo ava gemo muki nofi vayaʼmogi hapaopaleʼmo aino atagu faegaiye. Nagaetegatiʼmo lokiyaʼnimo uʼniyanageʼna vayaʼmogi apakufamo aliʼna katiʼna apategauve. Nagaemo ani lokiyaʼniletiʼmo muki vayaʼamo agoti huʼna apategauve. Afagi kotega maiʼnaya vayaʼmogimo nagava maiʼneʼa lokiya kavaʼnilefeʼmo aliʼa amufa amigae.

Aiyeya 52:1

Agaemo Yulusalemu vayaʼaifeʼmo hunoʼaeʼmo, O Saiyoniyo, huno, Aupatiʼmo hauneyo, aupatiʼmo hauneyo, Kagaemo he tika lokiya vaiyo. O Yulusalemu kaote taoniyo, huno, Kagaemo kanale kanale konali kukenakamo alika vaiyo. Apakufaleʼmo Goti alagena yaʼamo oʼaliʼnisaya vayaʼe oʼaniʼya faiʼniya vayaʼeʼmo kagaetegamo magoʼe huʼa oʼmegae.

Aiyeya 52:10

Ala kava neʼmoʼa muki alu nofi vayaʼe alu nofi vayaʼmogi apaulagaleʼeʼmo aote lokiyaʼamo alino apave liʼniye. Gotitimoʼmo lagufamo alino katino latesigeʼa muki ma mopafi vayaʼmogimo agegae.

Aiyeya 53:1

Ina laʼmo aeta hakalo huta hapa nepauna geeʼmo agesamo afino fatago huʼniye. Ala kava neʼmoʼa ina laʼmo agufamo alino katino atesiya himamuʼamo alino ave liʼnigeno ageʼniye.

Aiyeya 62:8

Ala kava neʼmoʼa agoʼyamo ataleno lokiya lamaga ayatetiʼmo polomasi gemo hunoʼaeʼmo, Nagaemo magoʼe huʼna neʼyatapimo aliʼna kame vayatapimo oʼapamiguve. Nagaemo magoʼe huʼna alu kotega vayaʼmo afaʼa apatesugeʼa eʼa aliʼyatapimo aliteʼa alo hu maleʼnaya nofi alagafati aniʼmo aliʼa oʼnegae.

Maika 7:15

Ala kava neʼmoʼa hunoʼaeʼmo, Nagaemo vayaʼnimo Isipi kotegatiʼmo apavaleliʼna eʼnova afinaʼmo noʼagaya agufa lokiya naune kavaʼmo huʼna apave liʼnova agufa kavaʼmo huʼna apave liguve.

Hamakaki 2:19

Vaehae, huʼna, yosaletiʼmo alo huʼnaya gotiʼapimogifeʼmo, lapaupati he tiyo, huʼa nehaya vayaʼmo hanageke yaʼmo aligae. Apake noʼaiya yafafeʼmo, kaupati he tiyo. Alino laya malegaiye, huʼa nehaya vayaʼmo hanageke yaʼmo aligae. Ageyo, huʼna, Aune yateʼmo goli yafatetiʼe siluva yafatetiʼeʼmo atafi kaeteʼa faleʼa ati kae maleʼnaya aigofe gotiʼapimogi apavamusaʼmo noʼaiye.

Hamakaki 3:13

Kagaemo vayakamogi apakufamo alika katika apatesanafeʼmo emikeʼnane. Kagaika vekamo uvelimo lakika ateʼnana vekaʼeʼmo emiteʼnaʼae. Hosu afamo anagaʼai afoʼapimo agenopaleʼmo amagiʼnane. Alagi alika hano huka apataleʼnane.

Luki 1:51

Ayatetiʼmo lokiya kavaʼmo huteno ala vayaʼmo maiʼnone, huteʼa, ina kavaʼmo hugune, ma kavaʼmo hugune, huʼa apakesamo neʼafiya vayaʼmo alino hapa faino apatalegeʼa u eʼa nehae.

Yoni 12:38

Aiyeyaʼa Gotitegati gemo alinineno aeno hakalo huno hapa nepaiya vekamoʼa huʼniya gemo afole aisiyafeʼmo apakesa afiʼa fatago osuʼnae. Aiyeyaʼa ani kavafeʼmo hunoʼaeʼmo, Ala kava nene, huno, ina laʼmo hapa paiʼnona gemo afiʼniye. Ala kava neʼmoʼa ina laʼmo himamuʼamoʼa agufamo alino katino atesiya himamuʼamo alino ave liʼniye, huno avoʼmo kae maleʼniye.

Apa 7:7

Henagaʼamo nagaemo kalavusi huʼa apateʼneʼa apakaeteʼmo yagaiʼa neʼapataya vayaʼai kavaʼapimo aliʼna fako huʼna apateteʼna agoti huʼna apatesugeʼapaeʼmo kaginago vayaʼmo ani kotetiʼmo ataleʼeʼa mani koteʼmo maiʼneʼa nagaetefeʼmo mono hugae.

Leveleseni 11:17

Mono huʼapaeʼmo, Ala kava neʼmo Gotigae, huʼa, lokiyakaʼe vekamo maiʼnane. Hogoteka maiʼneka hemeniʼeʼmo neʼmainanageka henagaʼamo maisana vekamo maiʼnane. Kagaemo magoʼe himamukaletiʼmo aepa faika yagaika apateʼnanaʼmofeʼmo kahao ke nehone.

Leveleseni 12:9

Aliʼa hapa faiʼa apataleteʼa alopa nagaloʼyavemo akeyaʼvilaga maiʼniya nagaloʼyavemoʼmo aigofe geʼaletiʼmo muki ma mopafi vayaʼmo apakesamo nefaiya nagaloʼyavemo aliʼa hafaiʼa ataleʼnageno ma mopafiʼmo asagauno aiʼniye. Mago agiʼamo Nevoʼae ani agimo aepaʼamo haneʼniyana huno faipa huno neʼapateya vekamae. Mago agiʼamo Sataniʼae ani agimo aepaʼamo haneʼniyana kame vekamae. Apakaemo agaeʼe enisole vayaʼaʼeʼmo aliʼa hapafaiʼa apataleʼnageʼa ma mopafiʼmo asagauʼa aiʼnae.