Aiyeya 51:7 - The Keyagana NT and 25 OT books

⁷ Fatago kavaʼnimo alagepa hutapa ageteta keʼaepa geʼnimo lapaipafiʼmo haneʼnisiya vayaʼmogitapae, huʼna, geʼnimo afiyo. Vayaʼmogi lapakaetegamo hosu gemo hisageno lapavagage hisiyafeʼmo koli osiyo. Apakaemo huʼa faipa huʼa lapatesayafeʼmo lapamoʼya oʼaiyo.

Aiyeya 51:7 ပူးပေါင်းရင်းမြစ်များ

Samu 37:31

Goti keʼaepa geʼamo apaipafiʼmo haneʼniyanageʼa afaʼa aeʼa halu oʼvalegae.

Samu 40:8

O Gotiʼnimogae, huʼna, keʼaepa gekamo naipafiʼmo haneʼniye. Kagaemo huvo, huka naha paiʼnana gekamo akame hisuvafeʼmo amuse huteʼna namogaga neʼauve.

Aiyeya 25:8

Agaemo nefaliya kavaʼmo alagi alino hano huno atalegaiye. He, Ala kava neʼmo Gotiʼa apaulagafatiʼmo muki apaunumo alagi alino laneno atalegaiye. Ala kava neʼmoʼa, ani kavaʼmo huguve, huno huʼniyaʼmofeʼmo ma mopafiʼmo muki haopalega maiʼnaya vayaʼmogi apavagage yaʼmo alagi alino hano huno atalegaiye.

Aiyeya 33:22

Ala kava neʼmo lagae yasi vekamo maige keʼaepa gemo nelamiya vekamo maige kini vekatimo maige huʼniyaʼmofeʼmo lagufamo alino katino lategaiye.

Aiyeya 51:1

Ala kava neʼmoʼa ina gemo hunoʼaeʼmo, Fatago kavaʼmo akame nehaya vayaʼmogitapae, huʼna, geʼnimo afiyo. Ala kava neʼmo agesayafeʼmo kahauya hutapa neʼmaiya vayane, huʼna, vayaʼmogi alopa yafapatiʼmo aiseʼamo amagiʼa nakupaeʼa aliniʼa ete ete nehaya kava huʼna alopa yafapatiʼmo lapavaleliʼna eʼnova yafafeʼmo lapakesamo afiyo. Ina kava huʼa vayaʼmogimo kelifatiʼmo mopamo kafiʼa aliniʼa eʼnaya kava huʼna mopafatiʼmo kafiʼna lapavaleliʼna eʼnova mopaeʼmo lapakesamo afiyo.

Aiyeya 54:4

Kagaemo magoʼe huno kavagage osugiyaʼmofeʼmo koli osuvo. Apakaemo vayaʼmogimo kagaefeʼmo magoʼe huʼa huʼa faipa osuge kavagage yaʼmo okamige hugae. Haʼao, kagaemo a mafaʼnemo maiʼnekaeʼmo Isipi kotegamo kalavusi aliʼyaʼmo aliʼnana kavagage kavafeʼmo alagi kagekanika ataleteka maigane. Ina kava huka a kanomo anauʼamoʼmo ataleno uʼniya akanogana huka maige kogu akanogana huka kagaikageʼmo maige huʼnana afinafeʼmo kagekanisigeno magoʼe huno kavagage osugiye.

Matiyu 10:28

Apakaemo amega apakufaʼamo kamitimo apamagigayaʼmonanafa apakupi mafaʼneʼamo alagi oʼapamagisaya vayaʼaifeʼmo koli osiyo. Apakufaʼe apakupi mafaʼneʼeʼmo alino ata kopiʼmo yaga auno apatalesiya vekaekeʼmo koliʼamo hiyo.

Matiyu 5:11

Nagaetefeʼmo huʼa faipa huʼa lapatege apaini huʼa lapatege lapakaefeʼmo aigofe gemo huʼapaeʼmo, ani hosu kavaʼmo nehae, ina hosu kavaʼmo nehae, huʼa nehisayana Goti aulena vayaʼamo maiʼnae.

Luki 6:22

Vemo mafaʼnemo akame nehayaʼmofeʼmo vayaʼmogi lapakaefeʼmo apaini huge aliʼa lapafaiʼa lapatalege huʼa faipa huʼa lapateteʼapaeʼmo lapakitapileʼmo aliʼa afepi lapatege hugayaʼmofeʼmo Goti aulena vayaʼamo maiʼnae.

Apa 5:41

Apa vayaʼmo kanisole vayaʼai nopatiʼmo ataleʼa kumatega uʼa nelamiʼapaeʼmo, Vae, huʼa, Gotiʼa lagaefeʼmo hunoʼaeʼmo, Yesu agiʼalefeʼmo apavagage hisaya yaʼmo afaʼa alisaya agufa kavaʼmo huʼa maiʼnae, huno agesa afiʼniye, huʼa huteʼa lusi kava huʼa apamogaga aiʼnae.

2 Kolitiyani 3:3

Kalaisiʼa aliʼyatiletiʼmo afole yateʼmo avoʼmo kae maleʼniye. Agaemo avoʼmo nekaya anitetiʼmo avoʼmo okaeʼnifa afaʼa neʼmaiya Goti Aunemeʼaletiʼmo avoʼmo kae maleʼniye. Latapa yafateʼmo avoʼmo okaeʼnifa malu male nehiya lapaipafiʼmo avoʼmo kae maleʼniye.

Filipai 3:10

Nagaemo Kalaisina ageʼna alagepa huʼna agesuvafeʼmo neʼnahaiye. Faliʼniyatetiʼmo he tiʼniya himamuʼamoʼa naipafiʼmo aliʼyaʼmo alisigeʼna agegesuve. Kana yaʼmo aliʼniya kavatefeʼmo magoke agufa kava huʼna kana yaʼmo alisuvafeʼmo neʼnahaiye. Faliʼniyanageʼna atafa naipamo hano hisiyafeʼmo faliteʼna agaekana huʼna maigesuve.

Filipai 3:8

Ataleʼnovanageʼna hemenimo huʼnaeʼmo, hogote yaʼmo aeno agaseʼniya yaʼmo Ala kava neʼnimo Kalaisi Yesuʼa ageʼna alagepa huʼna agesuvafeʼmo muki yaʼnimo ago ataleʼnove. Hosuʼniya neʼyaʼmo alini uʼa neʼatalaya neʼyakana huno haneʼniye, huʼna huteʼna Kalaisiʼa alisuvafeʼmo aliʼna yaga auʼna ataleʼnove.

Himulu 10:16

Ala kava neʼmoʼa hunoʼaeʼmo, Ani kotalakemo afole aisiya afinaʼmo apakaeʼeʼmo hu malegauve. Keʼaepa geʼnimo apaipafiʼmo avoʼmo kae maleteʼna apakesafiʼmo aliʼna malegauve, huno hu maleʼniye,

1 Pita 4:14

Lapakaemo Kalaisiʼmo akame nehayaʼmofeʼmo ge nelapausayana Goti aulagaleʼmo alagepa hutapa maiʼnayaʼmofeʼmo afaʼa lapamogaga aigae. Goti Aunemeʼamo ha le konali Aunemeʼamoʼmo lapakaeteʼmo alagi maiʼniyaʼmofeʼmae. Apakaemo Gotifeʼmo huʼa faipa huʼa neʼatagetapaeʼmo lapakaemo ala agiʼamo neʼamiye.

1 Pita 4:4

Hemenimo lapakaemo Satani vayaʼeʼmo ani agufa hosu kavaʼmo afela vayaʼai kavaʼmo nosayaʼmofeʼmo Satani vayaʼmogi hapau aiteʼa huʼa faipa huʼa nelapatae.