Aiyeya 51:19 - The Keyagana NT and 25 OT books

¹⁹ Yulusalemu taonieʼmo ha painoʼaeʼmo, Kagaemo lole alopa hanageke yaʼmo aliʼnananageno ina laʼmo hau huno kategaiye. Kame vayaʼmogimo eʼa vayakaʼeʼmo kamemo huteʼa muki yaʼmo aliʼa hosu huʼa ataleʼnae. Lusi kafu hu kavaʼmo kagae mafaʼne anagaʼaiteʼmo afole aiʼnigeʼa hosu kava huʼa maige falige huʼnae. Nagaemo ina latetiʼmo kaipamo aliʼna falu huʼna kategauve.

Aiyeya 51:19 ပူးပေါင်းရင်းမြစ်များ

Samu 69:20

Huʼa faipa huʼa nateʼnageʼna lusi kana yaʼmo aliʼnogeno kanamo nahauʼniye. Hau huno natesiya vekamo agesuvafeʼmo kahauya huʼnovaʼmonanafa magoke vekamo alagi oʼmaiʼniye. Mago vayaʼmogi naipamo aliʼa lokiya vaiʼa natesageno naipamoʼmo falu hisiyafeʼmo nagesamo afiʼnovaʼmonanafa alagi oʼmaiʼnae.

Aiyeya 54:11

Agaemo Yulusalemu vayaʼaifeʼmo hapa painoʼaeʼmo, O, Yulusalemu taoniyo, huʼna, hanageke yaʼmo neʼaline. Alopa kana yaʼmo aliʼnanaʼmonanafa hapau huʼa kateteʼa kaha maesaya vayaʼmo oʼmaiʼnae. Oʼmaiʼnayaʼmonanafa nagaemo kanale kanale yafaʼageʼmo alopa moniletiʼmo miya nefaiya yafaʼmo aliʼna mopafiʼmo kale kae maleʼneʼna ani yafateʼmo alagi kanale taonimo kiguve.

Aiyeya 60:18

Kagae koteʼmo kaveta osuge kame ohapaege mago yaʼmo aliʼa hosu huʼa oʼatege hisagetapa alagepa huta maigae. Lapakaeteʼmo yafa kegiʼyatapimoʼmo faino vego huno lapateʼnisigetapa yuʼilaga afaʼa maiʼnetapaeʼmo kegiʼyamo alopa kipatapilefeʼmo ala agiʼamo amigae.

Aiyeya 61:2

Ala kava neʼmoʼa fiku hapa maeno apamisiya afinaʼmo afole aiʼniye, huʼna hapa paige Gotiʼa hosu kavaʼapimo anonaʼapilefeʼmo kayoʼmo apamisiya afinaʼmo afole aiʼniye, huʼna hapa paige yulagefa neʼaiya vayaʼmo apaipamo aliʼna falu huʼna apatege hisuvafeʼmo alino nateʼnigeʼna eʼnove.

Neyomi 3:7

Apakaemo kagaemo kagesaya afinaʼmo mukiʼamogimo halate alime ugae. Ageyo, huʼa, Niniva taonimo noʼatufaʼageʼmo haneʼniyanageno mago vekamoʼmo agaefeʼmo hau huno oʼategaiye. Haiyategatiʼmo mago vekamoʼmo ha maesiya agufa alagepa gemo hisiya vekamo egaiye.

2 Kolitiyani 7:13

Ani kavatefeʼmo laipamoʼmo falu hutapa lateʼnageta Taitasiʼa amogaga aiʼniya kavafeʼmo lusi kava huta lamogaga aiʼnone. Lapakaemo aipamo alita falu huʼnayaʼmofeʼmo amogaga aiʼniye.