Aiyeya 51:14 - The Keyagana NT and 25 OT books

¹⁴ Kalavusi huʼa apateteʼa apavaleliʼa uʼnaya vayaʼmo malage huʼa hatu maeʼa apatesageʼa kalavusifiʼmo ofaliʼa maiʼnaya vayaʼmo hatu maeʼa apatesayafeʼmo koli huʼa apakava maiʼnayaʼmonanafa kalavusifiʼmo ofaligae. Neʼyaʼapimo hano osugiyaʼmofeʼmo afaʼa maigae.

Aiyeya 51:14 ပူးပေါင်းရင်းမြစ်များ

Esala 1:5

Avoʼmo kaeʼnigeʼapaeʼmo Yuta nofi vayaʼaiteʼmo yagaiʼa apateʼnaya vayanagi Menisameni nofi vayaʼaiteʼmo yagaiʼa apateʼnaya vayanagi mono huʼa neʼapataya vayanagi Livai nofi vayanagi Gotiʼa apaipa apakesamo alino he tino apateʼniya vayanagi huʼa Yulusalemu taonifiʼmo Ala kava neʼmo mono noʼamo halate kisayafeʼmo uʼa hetiʼnae.

Aiyeya 33:6

Ala kava neʼmoʼa afiteno agege muki kavafeʼmo afige nehiya kavatetiʼmo vayaʼmogi apakufamo alino katino apatesigeʼa lokiya vaiʼa alagepa huʼa maigae. Vayaʼmogimo Ala kava nefeʼmo koli hisaya kavatetiʼmo muki ani agufa hogote alagepa kavaʼmo afole aigiye.

Aiyeya 49:10

Hau huno neʼapateya vekamoʼmo alagepa huno yagaino apateteno apavalelino visigeʼa kanale meti aniʼmo haneʼniyategamo sipisipi anagagana huʼa ugae. Apakaemo neʼyaʼe aniʼeʼmo kafu osisageno amuko yegemoʼe yasimoʼeʼmo apakufaleʼmo oʼapalegaiye.

Aiyeya 49:25

Apafi geʼnayaʼmonanafa Ala kava neʼmoʼa hunoʼaeʼmo, Nagaemo lokiya vayaʼmogi kalavusi huʼa apateʼnaya vayaʼmogi apayapatiʼmo apavalegauve. Nagaemo lapakaeʼeʼmo kamemo huʼnaya vayaʼeʼmo kamemo huguvaʼmofeʼmo lokiya apaipa vayaʼmogi apayapatiʼmo mafaʼne anagakamo apavaleʼna apakufamo aliʼna katiʼna apategauve.

Aiyeya 52:2

Kagaemo he tika kaigopalegatiʼmo mumusopamo alika kalo paeka ataleteka uka kini siyateʼmo fai maiyo. Saiyoni a mafaʼneo, huno, Kalavusifiʼmo maiʼnanaʼmonanafa lugokafiʼmo aeno kateʼniya seli nofiʼmo alika hatu maeka atalo.