Aiyeya 50:5 - The Keyagana NT and 25 OT books

^5-6 Ala kava neʼmo Gotiʼa geʼamo afisuvafeʼmo nagesamo alino halo aiʼnigeʼnaeʼmo geʼamo amagiʼna oʼataleʼna aliʼyaʼaletiʼmo ataleʼna aiʼna afe leʼna oʼuʼnove. Mago vayaʼmogimo neʼnamagigeʼnaeʼmo namagisayafeʼmo nakameʼyamo apamige navenanapa nayokaʼmo aliʼa faige apaviʼnamo heʼa natege huʼnageʼnaeʼmo navagage hisiyafeʼmo naugosamo aliʼna fala okiʼnove.

Aiyeya 50:5 ပူးပေါင်းရင်းမြစ်များ

Samu 80:18

Kagaemo agaeteʼmo kayaʼmo afaʼa malesanageta kataleta oʼugune. Kagaemo faliʼnonategatiʼmo alika hetika lategetao kagikaeʼmo nunumuʼmo huta keya aegaune.

Aiyeya 35:5

Ani afinaʼmo apaulagamo ali huʼniya vayaʼmo ageʼa ayakege apakesamo akaniʼniya vayaʼmogimo gemo alagepa huʼa afige hugae.

Matiyu 26:39

Apataleno aise afagiʼaleʼmo uno mopafiʼmo agoʼya faiʼneno augosalegatiʼmo mopafiʼmo aino ati kaeno maiʼneno nunumuʼmo hunoʼaeʼmo, Afoʼnimogae, huno, visuva kaʼmo mago alu kaʼmo haneʼnisiyana nagaetegatiʼmo mani kapumo afaʼa alika atalo. Ani gemo huvaʼmonanafa nagaemo nahauʼniya kavaʼmo akame osuka kagaemo kahauʼnisiya kavaʼmo akame huvo, huno nunumuʼmo huʼniye.

Yoni 14:31

Ma mopafi vayaʼmogi muki yaʼmo Afoʼamofeʼmo nagaemo nahau nayamopafiʼmo nahauʼniya kavaʼmo agesayafeʼmo muki yaʼmo Afoʼamoʼmo, ina kava huvo, huno naha paiʼniya kavaʼmo akame huʼna nehuve. Mani nopatiʼmo ataleta he tita vigetao.

Yoni 15:10

Geʼaepa geʼnimo akame hisayana nahau nayamopafiʼmo nahauʼniya kavapiʼmo aita hapaitapa maigae. Ani kava huʼna Afoʼnimo keʼaepa geʼamo akame nehuʼnaeʼmo Afoʼnimoʼmo hau ayamopafiʼmo hauʼniya kavapiʼmo alagi maiʼnove.

Yoni 8:29

Nagaemo muki afinaʼmo alino nateʼnigeʼna emiʼneʼnova vekamoʼa hauʼniya agufa kavaʼageʼmo nehuvaʼmofeʼmo nataleno noʼvifa nagaeʼeʼmo magokepi lokaeno neʼmaiye, huno hapa paiʼniye.

Apa 26:19

Poloʼa hunoʼaeʼmo, Ala kini vekamo Agalipao, huno, ani kokuʼnapati huʼniya gemo amagiʼna oʼataleʼna uʼna Namasakasi taonifinagi Yulusalemu taonifinagi muki Yutiya kotegagi huʼna uʼna Yu vayaʼaifeʼmo ani gemo aeʼna hakalo huʼna hapa paiteʼna uʼna alu nofi vayaʼaifeʼmo aeʼna hakalo huʼna hapa paiʼnove. Nagaemo huʼnaeʼmo, lapaipamo alitapa afe letetapa aitapa atagi netapa Gotitega etetapa muki vayaʼmo alita apave lisayafeʼmo apaipamo aliʼa afe nelaya vayaʼmogi nehaya agufa alagepa kavaʼmo hiyo, huʼna hapa paiʼnove.

Filipai 2:8

Vayaʼmogi huʼapaeʼmo, ma mopafi vekageʼmo maiʼniye, huʼa ageʼnae. Agaiʼa agiʼaleʼmo alino afepi atetenoʼaeʼmo Goti geʼamo akame huteno faligane, huno huʼniya geleʼefeʼmo akame huteno uno haino hapaiʼniye. He, malipu yosaleʼmo falisiya kavateʼefeʼmo alagi akame huʼniye.

Himulu 5:8

Agaemo Goti Mafaʼneʼamo maiʼniyaʼmonanafa geʼamo afiteno akame hisiyafeʼmo lusi kava huno agafu kiʼniya kayotetiʼmo amagino alino aya maleʼnigeno alagepa huno ge afiʼniye.