Aiyeya 50:2 - The Keyagana NT and 25 OT books

² Nagaemo lapakaemo lapa maesuvafeʼmo lapakaetegamo uʼnovana na kava higetapaeʼmo ge afitapa oʼnavaleʼnae. Nagaemo lapakaefeʼmo keya aeʼna ge huʼnovana na kava higetapaeʼmo geʼnileʼmo aetapa atagaina hutapa ge osuʼnae. Lokiyaʼnimo ohaneʼniyaʼmofeʼmo afaʼa miya faiʼna hatu maeʼna olapategaufiye. Hosu yategatiʼmo lapavaleliʼna visuva himamuʼnimo ohaneʼnifiye. Nagaemo ge nehugenoʼaeʼmo solovala aniʼmo alagi nelane. Nagaemo ge nehugenoʼaeʼmo alopa aniʼmoʼa kahaepa koʼmo alino hamaleʼnigeno noyame anagaʼmo faliʼnagenoʼaeʼmo atu neʼaiye.

Aiyeya 50:2 ပူးပေါင်းရင်းမြစ်များ

Aepa Gemae 18:14

Mago kavaʼmo Ala kava neʼmoʼa afaʼa osisiya agufa kavaʼmo haneʼnifiye. Lekana paiʼna ateʼnova afinaʼmo mani hemeni agufa afinaʼmo kagaetega halate esugenoʼaeʼmo Selaʼa ve mafaʼnemo alino ategaiye, huno ha paiʼniye.

Samu 106:9

Agaemo solovala anifeʼmo, aika kaka vao, huno huʼnigeno aino akaka vaeʼnigeno aniʼmo folagapiʼmo hau huʼniya mopaleʼmo apavalelino uʼniye.

Samu 107:33

Ala kava neʼmoʼa alopa aniʼmo alino leneno neʼatale. Eno haine neʼeya meti aniʼmo alagi alino laneno neʼatale.

Hatu maeno apate'niya gemae 14:21

Inagi haniʼilagamo Moseseʼa solovala aniteʼmo ayaʼmo alino asagauno akoʼya huʼnigenoʼaeʼmo Ala kava neʼmoʼa yegemo haine neʼeya haopalegatiʼmo lokiya yasimo alino ateʼnigeno alinineno solovala aniteʼmo alinino neʼvigeno kotiʼniye. Yasimoʼmo solovala aniʼmo alino aino akaka vaeno lole huʼnigeno aniʼmo folagapiʼmo hau huʼniya mopamo alino hamaleʼniye.

Hatu maeno apate'niya gemae 14:29

Ago faliʼnayaʼmonanafa Isaleli vayaʼmo aniʼmoʼa aluga alugamo kegiʼyagana huno aeno he tiʼnigeno folagapiʼmo hau huʼniya mopaleʼmo mugagayaga faligamo uʼnae.

Hatu maeno apate'niya gemae 7:18

Alino hamalesigeʼapaeʼmo noyame anagaʼmo falisageno anipatiʼmo hosu atumo aisigeʼapaeʼmo Isipi vayaʼmogimo ani aniʼmo oʼnegae, huno naha paiʼniye, huka ha paiyo.

Hatu maeno apate'niya gemae 7:21

Muki noyame anagaʼmo faliʼnageno anipatiʼmo lusi kava huno hosu atumo aiʼnigeʼa Isipi vayaʼmogimo ani aniʼmo oʼneʼnae. Muki Isipi haopalegamo kolaʼmoʼmo havaiteʼniye.

Mai'naya kavane 1:24

Keya aeʼna ge huʼnovana oʼafiʼnae. Nagesayafeʼmo nayaʼmo ataleʼnovana aulu hetapa oʼnageʼnae.

Aiyeya 11:15

Ala kava neʼmoʼa Haesa solovala aniʼmo alino laneno atalegaiye. Agaemo lokiya yasimo alino ateʼnigeno alinineno alopa Yufaletisi aniʼmo alino hau huteno alino fako huno aise aise huno seveniʼa ani kapiʼmo uno lamisigeʼa vayaʼmogimo suʼapimo afaʼa vaiʼa alineʼa lakaeʼa ugae.

Aiyeya 42:15

Nagaemo avemo aliʼna hosu huʼna ataleteʼna kahauʼe yosaʼeʼmo aliʼna falu teʼna ategauve. Nagaemo alopa aniʼe ani kotuʼeʼmo alagi aliʼna laneʼna atalegauve.

Aiyeya 43:16

Akeyaʼvilagamo nagaemo Ala kava neʼmoʼnamo solovala aniʼmo folagapiʼmo kaʼmo valiʼnove. Lokiya solovala anipiʼmo kaʼmo valiʼna lapateʼnove.

Aiyeya 51:10

Kagaikageʼmo solovala aniʼmo alika laneʼnanageno miya faika hatu maeka apateʼnana vayaʼmo aniʼmo lakaeʼa visaya kaʼmo afole aiʼniye.

Aiyeya 54:6

Gotikamoʼmo ina gemo hunoʼaeʼmo, kagaemo anaukamoʼmo kataleno uʼniya akanogana huka maiʼnanageno kahau kayamopafatiʼmo kagafu kiʼniye. Kagaemo saufa aʼmafaʼnemo veleʼmo maiʼnana akanogana huka maiʼnanageno anaukamoʼmo akameʼyamo kamiʼniye. Maiʼnanaʼmonanafa nagaemo aʼnimo maisanafeʼmo kagaefeʼmo keya aeʼna ge huʼnove.

Aiyeya 59:1

Afiyo, huʼna, Ala kava neʼmoʼa ayaʼmo aupa huno oʼmaiʼniyanageno lapakufamo afaʼa alino katino lapategaiye. Agesamo oʼakaniyanageno getapimo afaʼa afigiye.

Aiyeya 59:16

Ala kava neʼmoʼa vayaʼamo hapa maesiya vekamo oʼmaiʼnigeno ageʼniye. Agaeʼe apakaeʼeʼmo magokepiʼmo alino lokaeno apatesiyafeʼmo folagate vekamo oʼmaiʼnigeno agetenoʼaeʼmo agesa alaʼamo afiʼniye. Oʼmaiʼniyaʼmofeʼmo Ala kava neʼmoʼa agaiʼa lokiyaʼaletiʼmo vayaʼamo apakufamo alino katino apateʼniye. Inagi he tino agaiʼa fatago kavaʼaletiʼmo lokiya vaino he tiʼniye.

Aiyeya 63:13

Hosimogimo kaʼme koteʼmo kanale huʼa neʼvaya kava huʼa vai lamino hapaisigeʼa asagauʼa oʼaisayafeʼmo alopa anipatiʼmo alagepa huno apavalelino uʼniye.

Aiyeya 64:6

Kaulagaleʼmo mukiʼamogitamo oʼaniʼya faiʼniya yakana huta maiʼnone. Muki fatago kavatimoʼmo mago oʼaniʼya faiʼnigeʼa aliʼa yaga auʼa neʼatalaya kukena yakana huno haneʼniye. Mukiʼamogitamo vaiʼniya yosa haitagana huta maiʼnonageno yasimoʼmo alino halelino neʼviya kava huno hosu kavatimoʼmo lavalelino uʼniye.

Aiyeya 65:12

nagaemo naipeletiʼmo kamitimo lapaisayafeʼmo lekana paiʼna lapategauve. Keya aeʼna ge huʼnovana geʼnileʼmo aeta atagaina huta ge osuʼnayaʼmofeʼmo lapakaemo mopafiʼmo ape huta maiʼnisageʼa kame vayatapimogimo lugotapimo hatagaugae. Nagaemo huʼnova gemo oʼafitapa amagita ataleʼnae. Lapakaemo nagae naulagaleʼmo namogaga oʼaiʼnova agufa hosu kavaʼmo huʼnae.

Aiyeya 66:4

Nagaemo alisaya agufa kana yaʼapimo lekana paiʼna apamiguve. Apakesamo afiteʼa koli nehaya agufa kavaʼmo apakaeteʼmo aliʼna afole aiʼna ategauve. Nagaemo apakaefeʼmo keya aeʼna ge huʼnogeʼapaeʼmo geʼnileʼmo aeʼa atagaina huʼa ge osuʼnayaʼmofeʼmae. Nagaemo apakaefeʼmo geʼnimo aeʼna hakalo huʼnovaʼmonanafa alagi oʼafiʼa naulagaleʼmo hosu kavaʼmo huʼnae. Apakaemo alagi oʼnahauʼniya kavakeʼmo lekana paiteʼa huʼnae.

Neniyo 3:15

Lapakaemo alo huʼnisayana alu age alu ageʼmo neʼafitapaeʼmo asagauta aitapa alo huʼnova auneʼalefeʼmo mono hisayana kanalene. Ani kava osisayaʼmoʼmo hemenitomo alopa sitopufi neleya atafiʼmo lapasagauʼa yaga augae. Haiya goti lapa maeno nayapatiʼmo lapakufamo alino katino lapategaiye.

Neniyo 3:29

Satalakiʼagi Misakiʼagi Ameʼnagoʼagi huno gotiʼapimoʼmo hapa maeya agufa kava huno mago gotiʼa vayaʼamo hapa oʼmagaiye. Hemenimo nagaemo mago keʼaepa gemo hu malove. Ani Gotifeʼmo huʼa faipa huʼa oʼateyo. Haiya kotega vayaʼmogimofi haiya nofi vayaʼmogimofi haiya agufa apake neʼaisaya vayaʼmogimofi huʼa agaefeʼmo hosu gemo hisayaʼmoʼmo apakufamo aiʼa atalagausageʼa faligae. Inagi noʼapimo heʼa halagape vaiʼa atalesageno no atufaʼageʼmo hanegaiye.

Neniyo 6:20

Agaemo uno kelileʼmo avaʼyi nehunoʼaeʼmo hausoli huʼnigeno ge hunoʼaeʼmo, Neniyo, huno, muki afinaʼmo neʼmaiya Goti aliʼyaʼamo neʼalina vekamogae, Gotikamoʼmo laiyoni anagaʼmogi apavayafatiʼmo kagufamo ago alino katino kateʼnifiye, huno huʼnigeno

Neniyo 6:27

Agaemo hosu kavategatiʼmo apavalelino ege apakufamo alino katino apatege nehiye. Agaemo kokuʼnapiʼe ma mopaleʼeʼmo alagena aune kavaʼmo huge ageteʼa hapau neʼaiya kavaʼmo huge nehiye. Ani Gotiʼmo Neniyoʼa laiyoni anagapatiʼmo agufamo alino katino ateʼniye.

Neyomi 1:4

Agaemo solovala anifeʼmo ge hauʼnigenoʼaeʼmo inagi solovala aniʼmo nelane. Agaemo alu ani alu aniʼmo uno nelamiya aniʼmo alino laneno neʼatale. Aniʼmo nelanegenoʼaeʼmo alagepa mopamo haneʼniya koʼmo Meyani kotegagi Kamo avemo yahaofilagagi Lemanoni aveʼmo yahaofilagagi huno falu nete. Hoyagi yosagi yosamo ausegi huno muki yaʼamo falu nete.

Hamakaki 3:8

O Ala kava nene, huʼna, uno nelamiya anifeʼmo haoke oseʼnapiye. Uno nelamiya anifeʼmo kaipamo leʼnifiye. Solovala anifeʼmo kaipamo leʼniyaʼmofeʼmo ati vayaʼmogi hosiʼapileʼmo fai maiʼneʼa kamemo huge halauliʼa neʼvaya talalafiʼmo maiʼneʼa kame huge nehaya kava huka vayakamo hapa maesanafeʼmo eka kame huʼnane.

Napa 11:23

Ala kava neʼmoʼa Mosesefeʼmo ha painoʼaeʼmo, Nagaemo lokiyaʼnimo hano huʼnifiye. Hemenimo kaha paiʼnova kavaʼmo afole aisifi oʼaisifigeka agegane.

Maki 4:39

He tino yasieʼmo ge hauteno anifeʼmo ha painoʼaeʼmo, hano huvo, huno huʼnigeno yasimo hano huʼnigeno aniʼmo afaʼa haneʼniye.

Yoni 1:11

Agaemo koʼalegamo emineʼnigeʼapaeʼmo vayaʼamogimo aliʼa falu fala huʼa oʼateʼnae.

Yoni 3:19

Gotiʼa agoti huno apatetenoʼaeʼmo, hosu vayaʼmo maiʼnae, huno huʼniya gemo aepaʼamo haneʼniyana ha le yaʼamo ma mopafiʼmo ago afole aiʼniyaʼmonanafa vayaʼmogi ha le yafeʼmo apaini huʼa hani yafekeʼmo hapauʼniye. Hosu kavakeʼmo nehayaʼmofeʼmae.