Aiyeya 50:10 - The Keyagana NT and 25 OT books

¹⁰ Lapakaepatiʼmo ina laʼmo Ala kava nefeʼmo koli nehiye. Ina laʼmo aliʼyaʼamo neʼaliya vekamo geʼamo neʼafiye. Ina laʼmo lusi hani huʼniya yapiʼmo umenitata nehiye. Agaemo Ala kava neʼmo agiʼalefeʼmo alino amufa aminoʼaeʼmo naha maegaiye, huno ge hugiye.

Aiyeya 50:10 ပူးပေါင်းရင်းမြစ်များ

2 Sitoli 20:12

O Gotitimogae, huʼna, ani asole ami vayaʼmogimo lagaemo kamemo lahaesayafeʼmo neʼae. Lagaemo apakaeʼeʼmo kamemo hisuna agufa lokiyatimo ohaneʼniye. Na agufa kavaʼmo hisupi, huta oʼageʼnonaʼmonanafa aulu heta kageta maiʼnone. Kagaemo hosu kavaʼapimo anonaʼapilefeʼmo afaʼa alika fako huka oʼapategapiye, huno nunumuʼmo huʼniye.

2 Sitoli 20:20

Gotilamiyapiʼmo muki Yuta vayaʼmo he tiʼa Tekova taoni haopalegamo kaʼme kotegamo neʼuʼapaeʼmo kini vekamo Yihosafatiʼmo he tino ina ge huno hapa paiʼniye. Hapa painoʼaeʼmo, Yuta vayanagi Yulusalemu taonifi vayanagi hutapa geʼnimo afiyo. Lapakaemo Ala kava neʼmo Gotitapimofeʼmo alita amufa amigenoʼao lokiya vaino lapatesigetapa he tiyo. Lapakaemo geʼamo alini eʼa aeʼa hakalo huʼa hapa nepaiya vayaʼai geʼapieʼmo lapakesamo afita fatago higenoʼao lapa maesigetapa alagepa hutapa maiyo, huno hapa paiʼniye.

Samu 111:10

Ala kava nefeʼmo koli nehisaya vayaʼmogi aepa nefaiyanageʼa afiteʼa agegae. Agiʼaleʼmo aliʼa asaga huʼa neʼataya kavaʼmo hanege hanege huno hanegaiye.

Samu 128:1

Muki vayaʼmogi Ala kava nefekeʼmo koli huge agae kateʼmo uge huʼa maiʼnaya vayaʼmogimo aulena vayaʼmo maiʼnae.

Samu 145:21

Muki afinaʼmo Ala kava neʼmo agiʼaleʼmo aliʼna asaga huʼna ategauve. Muki afinaʼmo muki afaʼa neʼmaiya yaʼmogiʼe vayaʼmogiʼeʼmo aote agiʼaleʼmo aliʼa asaga hiyo.

Samu 23:4

He, nagaemo uʼna kagoʼmufilagamo falisuva ulunapiʼmo faleʼna uʼna haiʼna umenitata nehugekaeʼmo nagaeʼeʼmo magokepi lokaeka maiʼnanaʼmofeʼmo muki alu hosu kava alu hosu kavafeʼmo alagi koli osuguve. Kayokaletiʼmo nagufamo alika katika natege aino kalagifa hayopa kayokaletiʼmo yagaika natege nehukaeʼmo naipamo alika falu huka neʼnatane.

Samu 25:12

Ala kava nefekeʼmo koli nehaya vayaʼmo ina lagimo maiʼnae. Ala kava neʼmoʼa afaʼa alino apaya malesigeʼa alagepa kateʼmo ugae.

Samu 25:14

Ala kava neʼmoʼa agaefeʼmo koli nehaya vayaʼmo alino fala ki maleʼniya geʼamo hapa paigiye. Hapa paiteno kotalakemo hu maleʼniya gemo aepaʼamo alino apave ligiye.

Samu 28:7

Ala kava neʼmoʼa lokiyaʼnimo maiʼnenoʼaeʼmo halegukana huno aino nati kaeʼnigeʼna alagepa huʼna maiʼnove. Naipamoʼmo agaefeʼmo alino amufa amiʼnigeno naha maeʼniye. Naha maeʼniyaʼmofeʼmo naipafiʼmo namogaga neʼauvanageʼna yokemo huʼnaeʼmo ala agiʼamo amiguve.

Samu 42:11

Nagaemo na kava higeʼnaeʼmo naipamoʼmo kana nehiye. Na kava higeʼnaeʼmo nagesa alaʼamo neʼafuve. Nagupi mafaʼneyo, huʼna, Gotiʼa naha maesiyafeʼmo agava maiʼneka kavayagunagu nehugeʼnao halate naha neʼmaeya vekaʼnimo Gotiʼnimo agiʼaleʼmo aliʼna asaga huguve.

Samu 62:8

Vayaʼmogitapae, huʼna, muki afinaʼmo agaefekeʼmo alita amufa amiyo. Lapaipafatiʼmo aniʼmo lakigekana hutapa nunumuʼmo hutapa ha paiyo. Lagaetegamo hosu kavaʼmo afole neʼaigetaeʼmo Gotipiʼmo alagepa huta fala kita neʼmaune.

Aiyeya 12:2

Afiyo, huʼa, Gotiʼa nagufamo alino katino neʼnateya vekamo maiʼniye. Ala kava neʼmoʼa mago agiʼamo Yamo nagaemo lokiya vaiʼna neʼmauva kavaʼmo nehiyanageʼna agiʼaleʼmo aliʼna asaga hisuva yokemo huguvaʼmofeʼmo nagaemo agaefekeʼmo aliʼna amufa amiʼnaeʼmo koli osuguve. Agaemo nagufamo alino katino neʼnateya vekamo hamaleʼniye.

Aiyeya 26:9

Haniʼilagamo nagupi mafaʼnemoʼmo kagaefeʼmo lusi kava huno hauʼniye. He, gotilamiyapiʼmo kagesuvafeʼmo kahauya huʼna kagegauve. Kagaemo alika fako huka apatesanageʼapaeʼmo ma mopafi vayaʼmogi fatago kavafeʼmo afiteʼa agegae.

Aiyeya 42:1

Ala kava neʼmoʼa ina gemo hunoʼaeʼmo, Ageyo, huno, Ha neʼmaogeno aliʼyaʼnimo neʼaliya vekamae. Nagupi mafaʼnemo lekana paiʼna ateʼnova vekaeʼmo namogaga neʼauve. Nagaemo agaeteʼmo nauneʼnameʼmo ago maleʼnovanageno muki malaga vayaʼmo alu nofi vaya alu nofi vayaʼaifeʼmo fatago kavafeʼmo ava gemo aeno hakalo huno hapa paigiye.

Aiyeya 50:4

Ala kava neʼmo Gotiʼa nagaemo alagaʼmo nehapaeya vayaʼaifeʼmo hapa maesiya gemo hapa paisuvafeʼmo sukulu nehaya vayaʼmogi apavayagana agufa navayamo namiʼniye. Agaemo muki nateʼaʼe nateʼaʼeʼmo naupatiʼmo alino he tino neʼnate. Alagepa huʼa sukulu huʼnaya vayaʼmogimo alagepa huʼa afiʼnaya kava huʼna afisuvafeʼmo nagesamo alino halo neʼaiye.

Aiyeya 53:11

Agupi mafaʼnemoʼmo lusi kava huno kana huʼniya aliʼyaʼmo alisigeno neʼyaʼmo afole aigiyaʼmofeʼmo aipamoʼmo ha gegaiye. Aliʼyaʼnimo neʼaliya fatago vekamoʼmo hosu kavaʼapimo aligiyaʼmofeʼmo agaemo ageʼa alagepa huʼa agesaya kavatetiʼmo asole vayaʼaifeʼmo, naulagaleʼmo fatago vayaʼmo maiʼnae, huno hapa paigiye.

Aiyeya 59:9

Inagi apakaemo ina gemo huʼapaeʼmo, Hosu kavaʼmo huʼnonaʼmofeʼmo kame vayatimo agoti huno apatege laha maege nosiye. Lagaemo ha le yaʼmo agesunafeʼmo lahauʼniyaʼmonanafa hani nehiye. Lokiya yegemo lesiyafeʼmo agava maiʼnonaʼmonanafa alopa hanipikeʼmo umenitata nehune.

Neniyo 3:28

Nepukanesaʼmo hapa painoʼaeʼmo, Vayaʼmogimo Satalakiʼagi Misakiʼagi Ameʼnagoʼagi huʼa Gotiʼapimoʼmo alita auletapa ateyo. Agaemo enisole vekaʼamo alino ateʼnigeno emineno agaefeʼmo mono huteʼa aliʼa amufa amiʼnaya vayaʼai apakufamo alino katino apateʼniye. Apakaemo geʼnimo amagiʼa ataleteʼa apakufamo falisaya kavaʼmo afaʼa amiʼnae. Gotiʼapimotefeʼmo mono hisaya kavafekeʼmo hapauʼniyaʼmofeʼmae.

Neyomi 1:7

Ala kava neʼmoʼa alagi alagepa vekamo maiʼniye. Agaemo vayaʼamo kana yaʼmo neʼaliya afinaʼmo fala nekiya koʼapigana huno maiʼneno alagepa huno yagaino neʼapate. Agaefeʼmo aliʼa amufa neʼamiya vayaʼaifeʼmo, Vayaʼnimo maiʼnae, huno apakeʼniye.

Sefanaiya 3:12

Nagaemo lapakae folagapatiʼmo yuna apaipa vayaʼmogimo yagu yaga kavaʼmo nehaya vayaʼmo afaʼa apakeʼna apatalesugeʼa Ala kava neʼmoʼna nagiʼnilefeʼmo aliʼa amufa namigae.

Hagai 1:12

Inagi Silatili mafaʼnemo Selamamaliʼagi Yosateki mafaʼnemo Yasuvaʼa hogote vekamo mono huno neʼapateya vekagi muki Yuta vayapatiʼmo logufa vayanagi huʼa Ala kava neʼmo Gotiʼapimo geʼamo akame huʼnageno Ala kava neʼmo Gotiʼapimoʼmo Hagaiʼa alino ateʼnigeno Gotitegati gemo alinino eno aeno hakalo huno hapa nepaiya vekamo Hagaiʼmo hapa paiʼniya gemo afiteʼa akame huʼnae. Muki vayaʼmogimo Gotifeʼmo koli huteʼa geʼamo akame huʼnae.

Malakai 3:16

Inagi Ala kava nefeʼmo koli nehaya vayaʼmogimo ge huge afige huʼa maiʼnagenoʼaeʼmo Ala kava neʼmoʼa agetafo huno neʼafiye. Ala kava nefeʼmo koli huteʼa agiʼalefeʼmo apakesamo neʼafiya vayaʼaifeʼmo age okanino agesamo afisiyafeʼmo Ala kava neʼmo aulagaleʼmo mukufiʼmo avoʼmo kae maleʼnae.

Yoni 12:46

Apakaemo nagaefeʼmo apakesamo afiʼa fatago nehaya vayaʼmo hanipiʼmo oʼmaisayafeʼmo ha le yakana huʼna ma mopafiʼmo emiʼneʼnove.

Yoni 8:12

Yesuʼa halate ina ge huno hapa paiʼniye. Ma mopafi vayaʼai ha le yaʼapimo maiʼnove. Ina lagimo nakame nehisafigeʼa alagepa huʼa maisaya yaʼmo alino apave lisiya ha le yaʼmo aliteʼa hanipiʼmo umenitata osugae.

Efasasi 5:8

Hogotetapa hanipiʼmo maiʼnayaʼmonanafa hemenimo Ala kava nepiʼmo maiʼnetapaeʼmo ha le yakana hutapa maiʼnayaʼmofeʼmo ha le mafaʼneʼamogimo hisaya agufa kavaʼmo hiyo.

Himulu 5:9

Gotiʼa aliʼyaʼamo alisiyafeʼmo avaleno aote ateʼnigenoʼaeʼmo agaemo geʼamo akame nehaya vayaʼai apakufamo alino katino neʼapateya kavaʼmo afoʼamoʼmo hamaleʼniye.

1 Pita 5:7

Agaemo lapakaefeʼmo hauʼnigeno alagepa huno yagaino nelapateyaʼmofeʼmo lapakesa alaʼamo neʼafitapa lapausoli hisaya kavatapimo alita Gotiʼmo amiyo.

1 Samiyo 30:6

Muki vayaʼamogi ve mafaʼneʼapilefenagi a mafaʼneʼapilefenagi huʼa apakesamo afiteʼapaeʼmo hosu apaipamo kaliʼniyaʼmofeʼmo apakaemo huʼapaeʼmo, Yafa kayotetiʼmo Neviniʼmo kamitimo amagigune, huʼa hagenoʼaeʼmo Neviniʼmo lusi kana yaʼmo aliʼniye. Kana yaʼmo alitenoʼaeʼmo Neviniʼmo agaiʼamo Ala kava neʼmo Gotiʼamotetiʼmo lokiya vaino ateʼniye.