Aiyeya 5:26 - The Keyagana NT and 25 OT books

²⁶ Ala kava neʼmoʼa afagi kotegatiʼmo ami vayaʼmo eʼa vayaʼaʼeʼmo kamemo hisayafeʼmo kalahuʼmeʼmo alino asai maleteno foʼme hisigeʼa ma mopamo atupalegatiʼmo nagu nagu huʼa egae.

Aiyeya 5:26 ပူးပေါင်းရင်းမြစ်များ

Samu 60:4

Kagaemo lama gelefeʼmo aliʼa hetiʼa atesayafeʼmo kagaefeʼmo koli nehaya vayaʼaina kalahauʼmeʼmo alika apamiʼnane.

Samu 72:8

Solovala aniʼmo aluga aluga atupaleʼmo yagaino apategaiye. Alopa aniʼmo uno nelamiya aniteʼe mugagayaga faligaʼeʼmo muki vayaʼaiteʼmo yagaino apategaiye.

Aiyeya 11:12

Agaemo kalahuʼmeʼmo alino asai maleteno hapa faiʼa apataleʼnaya Isaleli vayaʼe hapa faiʼa apataleʼnageʼa atagu faeʼa uʼeʼa huʼnaya Yuta vayaʼmogiʼeʼmo ma mopamo loleʼe loleʼe atupaletiʼmo apavalelino eno alino anupa huno apategaiye.

Hamakaki 1:8

Mago afela pusimoʼmo nagu nagu huno neʼviya kava huʼa hosiʼapileʼmo fai maiteʼa malage huʼa nagu nagu huʼa neʼvae. Afela kala anagaʼmogimo apaka teʼnigeʼapaeʼmo nehapaya kava huʼa umenitata huʼa nehapae. Hosiʼapileʼmo fai maiʼnaya ati vayaʼmo muga afagitegatiʼmo nagu nagu huʼa neʼae. Hakiki anagaʼmogimo kafamo aesayafeʼmo hapakumo aliʼa famukiliʼa emiʼeʼa malage huʼa aeliʼa neʼvaya agufa kavaʼmo hugae.

Malakai 1:11

Yu nofi vayapatiʼmo oʼmaiʼnaya vayaʼmo yegemo haine neʼeya kotega maiʼnaya vayanagi yegemo uno lamino nefaleya kotega maiʼnaya vayanagi muki haopalegamo maiʼnaya vayanagi huʼa ala nagiʼnimo namigae. Nagiʼnilefeʼmo muki haopalegatiʼmo alagepa atu neʼaiya laʼnefamo kaeteʼa kanale ofalinimo afaʼa namigae. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Muki ma mopafi nofi vayaʼmogimo ala nagiʼnimo namiteʼa nagiʼnileʼmo afaʼa aliʼa asaga huʼa nategae, huʼna nehuve.