Aiyeya 5:14 - The Keyagana NT and 25 OT books

¹⁴ Ani hosu kavaʼmo huʼa maiʼnayaʼmofeʼmo apakaemo alino nakaisiyafeʼmo kanoluʼapimo alopa avayamo haneʼnigeno aka huteno alo huno maiʼniye. Apamogaga neʼaiya vayanagi hogote vayanagi muki afaʼa maiʼnaya vayaʼenagi huʼa kanolufiʼmo uʼa lamigae.

Aiyeya 5:14 ပူးပေါင်းရင်းမြစ်များ

Samu 49:14

Sipisipimo faliʼnaya kava huʼa nefaligeʼa kanolufiʼmo kiʼa neʼapatae. Sipisipileʼmo yagaiʼnaya kava huno falisaya kavaʼmoʼa yagaino apategaiye. Lama ge vayaʼmogimo kotilamisiyapiʼmo yagaiʼa apategae. Kanolufiʼmo koʼapimo haneʼniyanageno alagepa apakufaʼe konali yaʼapiʼeʼmo kasaligiyaʼmonanafa

Samu 55:15

Kagaemo kameʼnimogi apatenegeʼa faliyo. Apatenegeʼa malage huʼa faliʼnaya vayaʼaitegamo lamiyo. Hosu kavaʼmo apaipafiʼmo hanege noʼapifiʼmo hanege huʼniyaʼmofeʼmae.

Mai'naya kavane 1:12

Lagaemo malage huta uta apamagisunageʼa faligae. Falisaya kavaʼmo malage huno vayaʼaiteʼmo afole aiʼnigeʼa faliteʼa vayaʼmo faliʼa uʼa neʼmaiya kotegamo neʼvaya kava huta uta apamagigune.

Mai'naya kavane 27:20

Ata kopiʼe alino apagoʼya lagauno apataleʼnigeʼa uʼa neʼmaiya koteʼeʼmo kili nopaya kava huno vayaʼmogi alagiʼmo ageʼnove, huʼa nosae.

Mai'naya kavane 30:16

Ani loleʼe loleʼe kavaʼmo haneʼniyana faliʼa uʼa kanolufiʼmo neʼmaiya kavanagi mafaʼnemo aliʼa noʼapataya apaipamo kavanagi hau huʼniya mopamoʼmo magoʼe aniʼmo alisiya kavafeʼmo nehaiya kavanagi atamo nelenoʼaeʼmo alagiʼmo neleya kavanagi huno hano nosiya kavaʼmo haneʼniye.

Neniyo 5:30

Ani haniʼilagamo mago Mitiya ati vayaʼmogimo eʼa Mamiloni vayaʼai kini vekaʼapimo Melisasaʼa kamitimo amagiʼnageno faliʼniye.

Neyomi 1:10

Apakaemo aufe kahaumoʼmo aino kiʼniya kava huʼa maige lokiya aniʼmo neteʼa negi nagi nehaya vayaʼmo magokepi lokaeʼa neʼmaiya kava huʼa magokepiʼmo lokaeʼa maige huʼnayanageno atamoʼmo vaiʼniya hiʼyagofafiʼmo neleya kava huno alagi alino hano huno apatalegaiye.

Hamakaki 2:5

Agaemo nofi alagafati aniʼmo netenoʼaeʼmo gemo amagino neʼatale. Agiʼalemo alino asaga huno neʼateya vekamo maiʼniyaʼmofeʼmo noʼafi maisiya kavafeʼmo ohauʼnigeno ataleno umenitata nehunoʼaeʼmo himuʼnamu kavaʼmo nehiye. Nefaliya kavaʼmoʼa magoʼe vayaʼmo alisiyafeʼmo hauʼniya kava huno asole yaʼmo alisiyafeʼmo hauʼnigeno haʼye nehigenoʼaeʼmo aipamoʼmo ha noke. Agaemo asole alu nofi vaya alu nofi vayaʼeʼmo kamemo huteno huno aeno apaka seno yagaino neʼapate.

Matiyu 7:13

Alino apagoʼya lagauno apatalesiya kate kipaʼmo alopa kipaʼe alopa kaʼeʼmo haneʼnigeʼa muki asole vayaʼmo ani kateʼmo neʼvayaʼmofeʼmo aise kipapiʼmo uta haiyo.

Luki 17:27

Neʼyaʼmo nege aniʼmo nege aʼmo alige aʼmafaʼnemo lagauliʼa uge hume hume neʼagenoʼaeʼmo Novaʼa sipifiʼmo uno haino maiʼnigenoʼaeʼmo aniʼmo heteno muki vayaʼmo ago aeno apati kaeʼniye.

Luki 21:34

Lapakaitapileʼmo alagepa huta yagaita lapateyo. Fiku yanageta lusi yagita huge lokiya aniʼmo netetapa negi nagi gemo huge ma mopafi yafeʼmo lapakesa alaʼamo afige lapausoli huge nehisageno ani afinaʼmo malage huno kesi katetiʼmo afole aigiye.