Aiyeya 5:12 - The Keyagana NT and 25 OT books

¹² Neʼyaʼmo yagita huʼapaeʼmo nofi alagafati aniʼmo neʼneʼapaeʼmo alu agufa gita amagige feliyopa huge yaveʼya amagige nehayaʼmonanafa Ala kava neʼmo aliʼyaʼamo neʼaliya kavafeʼmo apakesamo oʼafige nehiya kavafeʼmo apakesa afifi osuge nehae.

Aiyeya 5:12 ပူးပေါင်းရင်းမြစ်များ

Aepa Gemae 31:27

Na kava higekaeʼmo naha opaika kesi katetiʼmo kaune heka ugefeʼmo huʼnane. Naha paiʼnanesinana hogoteta gita amagita lamogaga aita yoke huta kavalelita eʼnonesine.

Samu 28:5

Apakaemo Ala kava neʼmo alopa aliʼyaʼaeʼmo apakesamo oʼafige ayatetiʼmo alopa kavaʼmo nehiya kavafeʼmo ina agufa kavaʼmo nehiye, huʼa huge nehae. Agaemo lokiya vaino oʼapateno alagi alino hano huno apatalegaiye.

Aiyeya 5:19

Apakaemo ina gemo huʼapaeʼmo, Ategenoʼao aliʼyaʼamo agesunafeʼmo agaemo malage huno aliʼyaʼamo alino. Afaʼa agesunafeʼmo Isaleli vayaʼmogi aote Gotiʼapimoʼmo ategenoʼao hisiya kavafeʼmo aipa agesamo laulagaleʼmo afole aino.

Aiyeya 56:12

Vayaʼmo aliʼa anupa nehaya afinaʼmo apakaepatiʼmo mago vekamoʼmo ina gemo hunoʼaeʼmo, Nagaemo nofi alagafati aniʼmo aliniʼna esugeta lagaemo alino negi nagi huno latesiya aniʼmo neme neme ugune. Lagaemo egamo ani agufa kavaʼmo huteta magoʼe hutageʼmo negaune, huno hugiye.

Neniyo 5:23

Kagaemo kokuʼnapi Ala kava netegamo hosu kavaʼmo huka kagikaleʼmo alika asaga huka kateʼnane. Kagaemo aliteyo, huka hapa paiʼnanageʼa Ala kava neʼmo kapumo noʼafatiʼmo kumayaʼmo alini eʼa maleʼnaya kapufiʼmo kagaegi ala vayakagi aʼne anagakagi fikumo aliʼnana aʼne anagakagi hutapa ani kapufatiʼmo nofi alagafati aniʼmo neʼnae. Neʼnetapaeʼmo gotitapimogimo goliletinagi siluvaletinagi haesa aeniletinagi afa aeniletinagi yosaletinagi yafatetinagi huʼa alo huʼnaya gotigi apakiʼapileʼmo alitapa asaga huʼnae. Ani gotigimo apaulaga oʼagege gemo oʼafige apakesamo ohanege huʼniya gotigi apakiʼapileʼmo alika asaga huʼnanana kagae kavamusaʼmo ayapi aliteno afaʼa maisana kavateʼmo yagaino kateʼniya Goti agiʼaleʼmo alika asaga huka oʼateʼnane.

Luki 16:19

Yesuʼa hunoʼaeʼmo, mago kagemi yaʼamo haneʼniya vekamoʼmo muki afinaʼmo alagepa kukena yaʼmo hogote kukenaʼageʼmo vaige alagepa neʼyaʼageʼmo nege huno maiʼniye.

1 Kolitiyani 14:7

Mago afaʼa maisiya yaʼamo ohaneʼniya yateʼmo amaginageno age aiʼniya ageʼe gitamo amaginageno age aiʼniya ageʼeʼmo haneʼniye. Alu age alu agemo oʼaisiyana haiya kava huta agemo afita aeto hugune.

Yuti 1:12

Lapakaemo magoke konagamo maiʼnone, hutetapa magokepi alita anupa huta maiʼnetapaeʼmo neʼyaʼmo neʼnaya afinaʼmo mani vayaʼmogi koli osuʼa lusi neʼyaʼmo neʼneʼapaeʼmo apakaiʼapiekeʼmo apakesamo afiteʼa yagaiʼa neʼapatayaʼmonanafa kukenaleʼmo mago hosu yaʼmoʼa aeno nekamaeya agufa yakana huʼa maiʼnae. Apakaemo hiyapatiʼmo mago ko noʼaiya hiyaʼmo yasimoʼmo alinino neʼviya hiyakana huʼa maiʼnae. Yosa alagamo afu neleya afinaʼmo mago alagamo oʼaeʼniya yosamo hafuʼyaʼaʼeʼmo aino halaka tiʼnigeno alagi falu teʼniya yosagana huʼa maiʼnae. Apakaemo lole afinaʼmo faliʼnaya vayaʼmo maiʼnae.

1 Samiyo 12:24

Lapakaemo Ala kava neʼmoʼa lokiya kavaʼmo huno lapa maeʼniya kavafeʼmo lapakesa afifi hutapa maiyo. Maiʼnetapaeʼmo Ala kava nefekeʼmo koli huʼnetapa muki lapaipafatiʼmo lama ge kavaʼmo hutapa aliʼyaʼamo aliyo.