Aiyeya 5:11 - The Keyagana NT and 25 OT books11 Lokiya aniʼmo neteʼa negi nagi hisayafeʼmo gotilamiyapiʼmo he netiya vayaʼmogi lokiya aniʼmo neme neme neʼvisageno haniʼilaga folaguʼmo hugiyaʼmofeʼmo lusi kava huʼa kage kage hugae. Neme neme uʼa negi nagi hugae. အခန်းကိုကြည့်ပါ။ |
Agaemo nofi alagafati aniʼmo netenoʼaeʼmo gemo amagino neʼatale. Agiʼalemo alino asaga huno neʼateya vekamo maiʼniyaʼmofeʼmo noʼafi maisiya kavafeʼmo ohauʼnigeno ataleno umenitata nehunoʼaeʼmo himuʼnamu kavaʼmo nehiye. Nefaliya kavaʼmoʼa magoʼe vayaʼmo alisiyafeʼmo hauʼniya kava huno asole yaʼmo alisiyafeʼmo hauʼnigeno haʼye nehigenoʼaeʼmo aipamoʼmo ha noke. Agaemo asole alu nofi vaya alu nofi vayaʼeʼmo kamemo huteno huno aeno apaka seno yagaino neʼapate.
Hosu apaipa kalige kamitimo apamagige lusi aniʼmo neteʼa negi nagi gemo huge lusi kava huʼa ogefage huʼa apavamusa valeʼa negi nagi huge magoʼe huʼa ani agufa hosu kavaʼmo huge nehae. Hogoteʼna lapa paiʼnovanageʼna hemenimo halate magoʼe gemo huʼnaeʼmo, ehetapiye, huʼna lapa nepauve. Afole oʼaiʼniya afinaʼmo hogoteʼna lapa paiʼnaeʼmo mani agufa hosu kavaʼmo nehaya vayaʼmogimo Gotiʼa yagaino neʼapateya kopiʼmo uʼa haiʼa mafaʼneʼapimogimo afoʼapimogi yaʼmo neʼaliya kava huʼa Gotitegatiʼmo hetamaʼapimo afaʼa oʼaligae.
Inagi Amigeʼmo Nemotegamo uno avaʼyi huteno ageyana Nemoʼmo alopa neʼyaʼmo kini vayaʼmogimo nehaya agufa kavaʼmo huno yagitamo nehigeno ageʼniye. Nemoʼmo lokiya aniʼmo neteno lusi kava huno negi nagi kavaʼmo huteno amogaga aiʼniyaʼmofeʼmo mago gemo ha opaime opaime uno maiʼnigeno gotilamiyapiʼmo afole aiʼniye.