Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aiyeya 49:4 - The Keyagana NT and 25 OT books

4 Huno naha paiʼnigeʼnaeʼmo ina gemo huʼnaeʼmo, Aliyaʼmo aliʼnovaʼmonanafa nahaise vose huʼna aliʼnova kavaʼnimo afaʼa lageso huʼnigenoʼaeʼmo neʼyaʼamo afole oʼaiʼniye. Oʼaiʼniyaʼmonanafa Ala kava neʼmoʼa aliʼnova aliʼyaʼnimo ageʼniyanageno ani aliʼyatetiʼmo alagepa miyaʼnimo namigiye, huʼna huʼnove.

အခန်းကိုကြည့်ပါ။ ကော်ပီ




Aiyeya 49:4
28 ပူးပေါင်းရင်းမြစ်များ  

Nagaemo Ala kava neʼmo asole vayaʼaiteʼmo yagaino neʼapateya Gotitefeʼmo naya mukiki huʼna aliʼyaʼamo neʼaluve. Isaleli vayaʼmogimo hu maleʼnana kotalakemo atalege ofalinimo hisaya yafa hiʼyalamukamo aliʼa naku paege kagaetegati gemo alini eʼa aeʼa hakalo nehaya vayaʼmo naipeletiʼmo kamitimo apaige huʼnageʼnaeʼmo nagaiʼnimo magokeʼageʼmo maiʼnogeʼapaeʼmo hemenimo nagaeʼeʼmo kamitimo namagisageʼna falisuvafeʼmo nehae, huno huʼniye.


Asole vayaʼmogimo yagaino neʼapateya vekaeʼmo hapa maesiyafeʼmo ge huʼa afi nekayaʼmonanafa Ala kava neʼmoʼa agaiʼageʼmo alagepa huno hapa maeteno alino fako huno neʼapate.


O Ala kava nene, huʼna, kagaemo Gotiʼnimogae, huʼna, kagikaleʼmo aliʼna asaga huguve. Kagaemo ageta lahau aiʼnona kavaʼmo huʼnanaʼmofeʼmo ala kagikamo kamiguve. Akeyaʼvilagamo kagaemo kagesa afikaeʼmo, ani kavaʼmo alagi huguve, huka lama gemo huteka ani kavaʼmo huʼnane.


Lapakaemo apaipafiʼmo koli nehaya vayaʼaifeʼmo hutapaeʼmo, Koli osuta lokiya vaitapa maiyo. Afiyo, hutapa, Gotitapimoʼmo emineno hosu kavaʼmo anonaʼapilefeʼmo apamigiyaʼmonanafa lapakufamo alino katino lapategaiye.


Ageyo, huʼna, Ala kava neʼmo Gotiʼa alopa lokiyaʼaʼeʼmo eminegaiye. Agaemo lokiyaʼaletiʼmo yagaino apategaiye. Ageyo, huʼna, miyaʼamo ago aliʼniye. He, aliyaʼalefeʼmo miyaʼamo aulagaleʼmo sipisipiʼamo maiʼnae.


O Yekopu vayane, huʼna, Isaleli vayane, huʼna, Na kava higetapaeʼmo ina gemo hutapaeʼmo, Ala kava neʼmoʼa lagae kana yaʼmo noʼage. Fatago kavaʼmo nehunaʼmonanafa laha noʼmae, hutapa nehae.


Gotiʼnimoʼmo hunoʼaeʼmo, Hosu kavaʼmo nehaya vayaʼmogimo Gotiʼe vayaʼmogiʼeʼmo kavatetiʼmo kamemo nehageno apaipamoʼmo falu nosiye.


Agaemo hosu kavaʼapilefeʼmo ina kava huno anonaʼapilefeʼmo kayoʼmo apamigiye. Aipamo neleya kavaʼaletiʼmo kame vayaʼamogi hosu kavaʼapimo anonaʼapilefeʼmo alino kanale huno kayoʼmo apamigiye. Agaemo solovala ani haigileʼmo afagiʼaleʼmo maiʼnaya vayaʼmogi hosu kavaʼapimo anonaʼapilefeʼmo lusi kava huno kayoʼmo apamigiye.


Ala kava nefeʼmo magoʼe huʼna lusi kava huʼna namogaga aiguve. Nagupi mafaʼnemoʼmo Gotiʼnimofeʼmo magoʼe huno amuse huno ategaiye. Na kava hinageʼnaene. Agaemo nagufamo alino katino nateteno fatago kavaʼamo yatala kukenagana huno alino vaino nateʼniye. Agaemo fatago kavaʼmo alagi alagepa yatala kukenagana huno alino nagufaleʼmo ago aino ati kaeno nateʼniye. Aʼmo alisiya vekamoʼmo konalimo neʼaliya kava huʼna maiʼnove. Veleʼmo maisiya a kanomoʼmo alopa moniletiʼmo miya nefaiya sesu konalimo aliteno neʼmaiya agufa kava huʼna maiʼnove.


Inagi Ala kava neʼmoʼa muki ma mopafiʼmo maiʼnaya vayaʼaifeʼmo ina gemo huno hapa paiʼniye. Lapakaemo Saiyoni taonifiʼmo maiʼnaya vayaʼaifeʼmo, Lama gemo nehune, hutapa lapakufamo alino katino lapatesiya vekamo egaiye. Afiyo, hutapa, Agaemo aliʼyaʼalefeʼmo miyaʼmo alinino egaiye. Alisiya aliʼyaʼamo aulagaleʼmo haneʼniye, hutapa ha paiyo.


Nagaemo muki neteʼaʼe uneʼaʼeʼmo geʼnimo oʼafiʼa himuʼnamu kavaʼmo nehaya vayaʼmo apavalesuvafeʼmo nayatalaʼmo aliʼna ataleʼna apakava maiʼnove. Apakaemo apakaiʼapimo apakesamo neʼafiya kavaʼmo kanale osu kavaʼmo nehae.


Apakaemo afa aliʼyaʼmo aliʼa atalesageno lageso osugiye. Mafaʼne anagaʼapimo aliʼa apatesaya mafaʼnemogi hosu yaʼmo afaʼa oʼaligae. Apakaemo Ala kava neʼmoʼnamo aliʼna auleʼna apateʼnova vayaʼmogi mafaʼnemo maigae. Ina kava huʼa mafaʼne anagaʼapimo apakaeʼeʼmo maigae.


Yesuʼa muki vayaʼaifeʼmo, lapakesamo afita fatago nosageno lapaipamo kanale huno ohaneʼniya vayane. Asole afinaʼmo lapakaeʼeʼmo maiʼnovana lapakesamo afita fatago nosae. Na magi afinaʼmo lapakeʼna lapatalegauve. Nagaetegamo avalelita eyo, huno hapa paiteno


Yulusalemu taoniyo, Yulusalemu taoniyo, huʼna, Gotiʼa agaetegati gemo alini eʼa aeʼa hakalo huʼa hapa nepaiya vayaʼmo alino apateʼnigeʼa neʼagekaeʼmo kamitimo apamagige apa vayaʼmo yafa kayotetiʼmo apamagige nehane. Kokolemogimo apanaʼaumo apavaleliʼeʼa hapakufiʼmo apati kaeʼa neʼmaiya kava huʼna muki afinaʼae afinaʼaeʼmo mafaʼnekamo apavaleliʼneʼna hapau vaisuvafeʼmo nahauʼniyaʼmonanafa okahauʼniye.


Apakaemo huʼapaeʼmo, Kalaisi vekamo hogoteno agafu kitesigenoʼaekeʼmo ala agiʼamo aligiye, huʼa avoʼmo kae maleʼnaya gemo oʼafiʼnaʼafiye.


Agaemo koʼalegamo emineʼnigeʼapaeʼmo vayaʼamogimo aliʼa falu fala huʼa oʼateʼnae.


Huʼniyaʼmonanafa Gotiʼa Isaleli vayaʼaifeʼmo hunoʼaeʼmo, Nagae gemo oʼafiʼa himuʼnamu kavaʼmo nehaya vayaʼaiteʼmo yatala afinaʼmo he tiʼna maiʼneʼnaeʼmo eyo, huʼna huteʼna nahakumo aliʼna ataleʼna maiʼnove, huno hapa paiʼniye.


Haneʼniyaʼmonanafa nagaemo lapa maesuvafeʼmo lusi kava huno nahauʼniyanageʼna muki yaʼnimo afaʼa atalegauve. He, lapa maesuvafeʼmo alagepa huʼna neʼmauva kavaʼniʼeʼmo afaʼa atalegauvaʼmonanafa lapakaefeʼmo nahau nayamopafiʼmo nahauʼniya kavaʼnimoʼa kosime kosime nehaigenoʼaeʼmo lapakaemo nagaefeʼmo lapau lapayamopafiʼmo lapauʼniya kavatapimoʼmo aise huno lapaume lapaume uno nelamiye.


Lagaemo utaeʼmo apakufamo alino katino neʼapateya vayaʼaitegaʼe alino apagoʼya lagauno apatalesiya kateʼmo neʼvaya vayaʼaitegaʼeʼmo Kalaisifeʼmo alagepa faigoko geʼamo aeta hakalo huta hapa nepaunagenoʼaeʼmo Kalaisiʼa alagepa atumo neʼaigenoʼaeʼmo Gotiʼa atuʼamo neʼafiye.


Lapakaefeʼmo nagesamo afiteʼna koli nehuʼnaeʼmo, apakaetegamo afa aliʼyaʼmo aliʼnofiye, huʼna nehuve.


Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ