Aiyeya 49:24 - The Keyagana NT and 25 OT books

²⁴ Lokiya vayaʼmogi kame huteʼa mago yaʼmo alige vayaʼmo apavalege huʼnisayaʼmoʼmo magoʼamogi apayapatiʼmo alisafiye. Lokiya apaipa vayaʼmogi apayapatiʼmo kalavusi huʼa apateʼnisaya vayaʼmo hatu maeʼa apatesafiye, huʼa apafi geʼnae.

Aiyeya 49:24 ပူးပေါင်းရင်းမြစ်များ

Esala 9:13

Lagaemo hosu kavaʼmo huteta alopa vaiʼmo aliʼnonaʼmofeʼmo kayoʼmo ago lamiʼnanaʼmonanafa hosu kavatimo haneʼniya kavatefeʼmo alopa kayoʼmo lamisana agufa kavaʼmo huta maiʼnonaʼmonanafa alopa kayoʼmo olamika laha maeka hosu kavapatiʼmo lagufamo alika katika lateʼnane.

Esala 9:9

Lagaemo kalavusi aliʼyaʼmo aliʼnonaʼmonanafa ani kalavusi aliʼyaʼmo neʼalunagekaeʼmo Gotitimogamo lagaefeʼmo kage kanika olataleka fiku laha maeʼnanageʼapaeʼmo Pesiya kini vayaʼmogimo alagepa apaipamo kaliʼa lateteʼa lataleʼnageta eta halate mono nokamo kige heʼa halagape vaiʼa ataleʼnaya no atufafiʼmo noʼmo kige nehune. Ani kini vayaʼmogi Yulusalemu kotegagi Yuta kotegagi huʼa laha maesiya yafa kegiyagana huʼa maiʼnayanageta afaʼa maigune.

Aiyeya 42:22

Amigiyaʼmonanafa hemenimo ani vayaʼmo alagepa huʼa oʼmaiʼnageʼapaeʼmo kame vayaʼapimogi eʼa muki yaʼapimo kumaya aliniʼa uʼnae. Mukiʼamo yafa kapiʼmo maige kalavusi huʼa apateʼnageʼa maige huʼnae. Kame vayaʼapimogi eʼa kame hapaeʼnagenoʼaeʼmo apayapatiʼmo apavalesiya vekamo oʼmaiʼniye. Kame vayaʼapimogi kumaya aliʼnaya yafeʼmo mago vekamoʼmo halate afaʼa apamiyo, huno nosiye.

Aiyeya 5:29

Laiyonimogimo kaekae nehaya kava huʼa ani ati vayaʼmogimo kaekae hugae. Apakaemo aikeli afumogi kaekae huteʼa hapaeʼa haniliʼa neʼvaya kava huʼa hapaeʼa aliniʼa visagenoʼaeʼmo mago vekamoʼmo apayapatiʼmo hapa ofalegaiye.

Aiyeya 53:12

Agupi mafaʼnemoʼmo kana huʼniya aliʼyaʼmo aliʼniyaʼmofeʼmo nagaemo asole vayaʼmo apavaleʼna hetamaʼagana huʼna amiguve. Agaemo lokiya vayaʼeʼmo kamemo huteno huno aeno apaka setenoʼaeʼmo kagemi yaʼapimo aligiye. Apakaemo huʼapaeʼmo, Agaeʼe keʼaepa gemo amagiʼa neʼatalaya vayaʼeʼmo magoke agufa vayaʼmo maiʼnae, huʼa apakesamo afiʼnayaʼmonanafa asole vayaʼai hosu kavaʼapimo aliteno hosu vayaʼaifeʼmo nunumuʼmo huno apateʼniye.

Neyomi 2:13

Ala kava neʼmo muki lokiyaʼamo haneʼniya vekamoʼmo Niniva vayaʼaifeʼmo ina ge huno hapa painoʼaeʼmo, Nagaemo kame vekatapimo maiʼnove. Nagaemo muki lapakae talalamo kaeʼna atalege laiyoni aikeli anagatapimo naipeletiʼmo apaige huguve. Nagaemo lapakaeʼeʼmo kame huteʼa alu vayaʼmogimo eʼa muki yatapimo aliʼnaya yaʼmo aliguve. Lapakaemo alu kotega vayaʼmo alita apatesageʼa getapimo aliniʼa visaya vayaʼmogi gemo oʼafigae, huno hapa paiʼniye.

Matiyu 12:29

Mago vekamoʼmo lokiya vekamo aiya ayateʼmo nofi kino oʼateʼnisiyana noʼafatiʼmo uno haino kagemi yaʼamo alinino oʼugiye. Hogoteno atafauno aiya ayateʼmo nofi kino ateʼnisiyana noʼafatiʼmo uno haino kagemi yaʼamo alinino ugiye.

Maki 3:27

No aepa vekamo lokiya vekamo maiʼnisiyana mago vekamoʼmo eno atafauno nofi kino oʼatesiyana noʼafatiʼmo muki kagemi yaʼamo afaʼa uno haino oʼaligiye. Hogoteno no aepa neʼmo atafauno nofi kino atesiyaʼmoʼmo afaʼa uno haino noʼafatiʼmo muki yaʼamo aligiye.