Aiyeya 49:23 - The Keyagana NT and 25 OT books

²³ Kini vayaʼmogiʼe kuvini aʼnemogiʼeʼmo itaʼapi afoʼapimogigana huʼa maiʼneʼa kagae mafaʼne anagaʼaiteʼmo yagaiʼa apategae. Apakaemo kagaetegamo eʼa kaiyafiʼmo mopafiʼmo ape huʼa apaleʼyamo faiʼneʼa ala kagikamo kamigae. Nagaemo hapa maesuvafeʼmo nagava neʼmaiya vayaʼmo afaʼa nagava maige apavagage huge huʼa oʼmaigayaʼmofeʼmo kagaemo nagaefekeʼmo Ala kava neʼmo maiʼniye, huka nagegane.

Aiyeya 49:23 ပူးပေါင်းရင်းမြစ်များ

Aepa Gemae 27:29

Vayaʼmogimo aliʼyakamo aliʼa kategae. Muki kotega vayaʼmogimo kagae kaiyafiʼmo maigae. Kagaemo konagakamogiteʼmo yagaika apatesanageʼa kaiyafiʼmo maigae. Ala kava neʼmoʼa muki vayaʼmogi kagaemo aliʼa hosu huʼa katesaya vayaʼaifeʼmo lifana huno apategaiye. Ala kava neʼmoʼa aliʼa auleʼa katesaya vayaʼaina aulena gemo hapa paigiye, huno ha paiʼniye.

Aepa Gemae 43:26

Inagi Yosefeʼa nopiʼmo ago eʼnigeʼapaeʼmo apakaemo ani amuse yaʼmo aliniʼuʼa agaemo amiteʼa apaleʼyamo faiʼneʼa Yosefe aulagaleʼmo ape huʼa ateʼnae.

Samu 138:4

O Ala kava nene, huʼna, Muki ma mopafi kini vayaʼmogimo kavayafatiʼmo huʼnana gekamo afiteʼapaeʼmo kagikaleʼmo aliʼa asaga hugae.

Samu 25:3

He, muki vayaʼmogimo kagava neʼmaiya vayaʼmo hapa maegenoʼao apavagage osino. Apakaetegamo mago hosu kavaʼmo osuʼnayaʼmonanafa fiku hosu kavaʼmo nehaya vayaʼmo hapa oʼmaeka afaʼa apatalegenoʼao apavagage hino.

Samu 34:22

Ala kava neʼmoʼa aliʼyaʼamo neʼaliya vayaʼai apakupi mafaʼnemo miya faino alino katino neʼapate. Agaefeʼmo aliʼa amufa amiʼnaya vayapatiʼmo magoke vekaeʼmo, hosu vekamo maiʼnane, huno huteno alagi alino hafaino oʼatalegaiye.

Samu 68:31

Isipi kini vekamoʼmo alino apatesigeʼa uʼa kagae gemo afigae. Itiyopiya vayaʼmogimo malage huʼa eʼa apavalesanafeʼmo apayaʼmo aliʼa asagauteʼa maigae.

Samu 69:6

O Gotiyo, huʼna asole ami vayaʼaiteʼmo yagaika neʼapatana Ala kava nene, huʼna, fiku yanageʼna hosu kavaʼmo hisuvana kagaefeʼmo kagava neʼmaiya vayaʼmo apavagage hugiye. O Isaleli vayaʼmogita Gotitimogae, huʼna, fiku yanageʼna hosu kavaʼmo hisuvana kagaemo kagesayafeʼmo kahauya nehaya vayaʼmogimo hosu apakimo aligae.

Hatu maeno apate'niya gemae 6:7

Nagaemo lapavalesugetapa nagaiʼni vayaʼnimo maisageʼnaeʼmo nagaemo Gotitapimoʼnamo maiguve. Ani afinaʼmo nagetapaeʼmo, Ala kava neʼmo Gotitimoʼmo Isipi kotegamo kana yaʼmo aliʼnonagenoʼaeʼmo hatu maeno lateʼniya Gotiʼmae, hutapa hugae.

Aiyeya 25:9

Ani kavaʼmo afole aisiya afinaʼmo vayaʼamogimo huʼapaeʼmo, Ageyo, huʼa, Gotitimoʼmae. Lagaemo agava maiʼnonanageno lagufamo alino katino lategaiye. Agaemo Ala kava neʼmo maiʼnigeta agava maiʼnone. Lagufamo alino katino latesigetaeʼmo lamogaga lamagaga aigune.

Aiyeya 26:8

O Ala kava nene, huta, kagaemo kagesa afiteka huʼnana kavafeʼmo lagesamo afiteta laha maesanafeʼmo kagava neʼmaune. Kagikalefeʼmo lagesamo afige kagaefeʼmo lage okanita lagesamo afige nehutaeʼmo lagupi mafaʼnemoʼmo lusi kava huno hauʼniye.

Aiyeya 43:10

Ala kava neʼmoʼa hunoʼaeʼmo, Lapakaemo faigoko gemo hisaya vayaʼnimo faigoko geʼnimo hutapa hapa nepaiya vayaʼmo maiʼnae. Lapakaemo nagetetapaeʼmo nagaefeʼmo lapakesamo afita fatago hutetapaeʼmo, agaemo alagi Gotikeʼmo maiʼniye, hutapa hisayafeʼmo nagaemo lekana paiʼna lapateʼnogetapa aliʼyaʼnimo neʼaliya vayaʼmo maiʼnae. Gotiʼnamo maiʼnovaʼmofeʼmo hogoteno naulagaleʼmo alu gotiʼa oʼmaiʼniyanageno henagaʼamo nakamelegamo oʼmaigiye.

Aiyeya 45:14

Ala kava neʼmoʼa ina gemo hunoʼaeʼmo, Isipi vayaʼmogi aliʼyaʼapilefeʼmo moniʼapimo alige Kusi vayaʼmogi kagemi yaʼapimo alige hutapa maisageʼa Sepiyani kotega yatala vayaʼmogimo aliʼyatapimo aligae. Apakaemo seliletiʼmo kiʼa apatesageʼa lapakame huʼa eʼa apaleʼyamo faiʼneʼapaeʼmo, Lama gemo hutaeʼmo, Gotiʼa lapakaepiʼmo maiʼniye. Agaemo magokeʼageʼmo alagi Gotiʼa maiʼnigeno magoʼe huno alu gotiʼmo oʼmaiʼniye, huʼa nunumuʼmo hugae.

Aiyeya 45:17

Afigayaʼmonanafa Ala kava neʼmoʼa Isaleli vayaʼmogi apakufamo alino katino apatesigeʼa alagepa huʼa maige maige huʼa maigae. Lapakaemo hosu lapakitapimo alige lapavagage huge hutapa oʼmaigafa muki afinaʼaeʼmo alagepa hutapa maige maige hutapa maigae.

Aiyeya 49:7

Ala kava neʼmoʼa Isaleli vayaʼmo miya faino hatu maeno neʼapateya aote Gotiʼapimoʼmo vayaʼmogimo alagi ohapauʼniya vekamo agae nofi vayaʼmogi alagi ohapauʼniya vekamo yagaiʼnaya vayamogi aliʼyaʼapimo neʼaliya vekaeʼmo ina gemo huno ha painoʼaeʼmo, Kini vayaʼmogimo kageteʼapaeʼmo kaulagaleʼmo he tigae. Ala vayaʼmogiʼeʼmo kagaefeʼmo mono hugae. Ala kava neʼmo Isaleli vayaʼmogi aote Gotiʼapimoʼmo aliʼyaʼamo oʼataleno fatago kavaʼmo nehiya Gotiʼa lekana paino kateʼniyaʼmofeʼmae.

Aiyeya 50:7

Ala kava neʼmo Gotiʼa maigiyaʼmofeʼmo aeʼa oʼnagasesageno ala nagiʼnimo afaʼa hanegaiye. Hanegaiyaʼmofeʼmo naipamo aliʼna lokiya vaiʼna ateʼnove. Ago afiʼnovana navagage osugiye.

Aiyeya 52:15

Ani kavatetiʼmo agaemo asole nofi vayaʼaiteʼmo aino fuli fuli huno hosu kavaʼapimo aeno kalo paeno atalegaiye. Kini vayaʼmogimo oʼafiʼnaya gemo afige hapa opaiʼnaya gemo afiteʼapaeʼmo apakesa afifi huge huʼa maigayaʼmofeʼmo lusi kava huʼa agaefeʼmo hapau aiteʼapaeʼmo ge osugae.

Aiyeya 52:6

Ani kavaʼmo nehayaʼmofeʼmo vayaʼnimogimo nagiʼnimo alagepa huʼa afigae. Inagi afole aisiya afinaʼmo apakaemo nageʼa aeto hugae. Nagaemo, nageyo, huʼna, nagaiʼnigeʼmo maiʼnove, huʼna hisugeʼa huʼapaeʼmo, ge nehiya vekamo agaiʼageʼmo maiʼniye, huʼa nagegae.

Aiyeya 60:14

Kana yaʼmo aliʼa lapamiʼnaya vayaʼmogi ve mafaʼne anagaʼapimogimo eʼa lapakaeteʼmo ape hugae. Apakameʼyamo lapamiʼnaya vayaʼmogimo lapaiya agusalegatiʼeʼmo aliʼa asagauʼa lapategae. Apakaemo lapakaefeʼmo huʼapaeʼmo, Ala kava neʼmo taoniʼafiʼmo maiʼnaya vayane, huʼa huge Isaleli vayaʼai aote Vekamoʼmo taoniʼamo Saiyoni taoniʼmae, huʼa huge huʼa lapaki aegae.

Aiyeya 60:16

Itaʼapimogimo nute mafaʼneʼapimo nuʼmo neʼapamiya kava huʼa alu nofi vaya alu nofi vayaʼe kini vayaʼmogiʼeʼmo alagepa huʼa yagaiʼa lapategae. Lapakaemo Ala kava neʼmo nagegayana lagufamo alino katino nelateya vekamo maiʼniye. Isaleli nofi vayaʼmogita lokiya vekatimoʼmo miya faino hatu maeno lateʼniya vekamo maiʼniye.

Aiyeya 60:3

Malaga nofi vayaʼmogimo ani ha le yatapimo ageteʼapaeʼmo lapakaetegamo egae. Kini vayaʼmogiʼeʼmo ani lokiya ha le yatapimo ageteʼapaeʼmo he tiʼa lapakaetegamo egae.

Aiyeya 62:2

Yulusalemu vayaʼmogitapae, huʼna, Alu nofi vayaʼmo malaga vayaʼmogi lapamiʼnova fatago kavatapimo agesageʼa kini vayaʼmogimo ha le konali yatapimo agegae. Ala kava neʼmoʼnamo saufa lapakitapimo lapatesugeʼa ani saufa lapakitapimo aegae.

Aiyeya 64:4

Ma mopamo afole aiʼniya afinatetiʼmo mago vayaʼmogimo kagaekana agufa gotiʼa oʼagege kagaekana agufa gotifeʼmo ava gemo oʼafige huʼa maiʼnae. Kagaikaekeʼmo kagava neʼmaiya vayaʼmo hapa maesanafeʼmo aliʼyaʼmo neʼaline. Magoʼe huno ani agufa Gotiʼa alagi oʼmaiʼniye.

Maika 7:17

Apakaemo mopafiʼmo asagauʼa aiteʼa apaipagutegatiʼmo nagaloʼyavegana huʼa havaeʼa maigae. Apakaemo atete huʼa Ala kava neʼmo Gotitapimofeʼmo koli huteʼa fala kiʼa maiʼnayategatiʼmo ataleʼa egae.

Napa 11:12

Nagaemo akanogana huʼna naipaguʼeʼmo maiʼnogeʼa muki ani ve aʼnemo afole aiʼnafiye. Nagaemo itaʼapimoʼnamo maiʼneʼna aliʼna apateʼnofiye. Aliʼna oʼapateʼnovaʼmofeʼmo kagaemo naha paikaeʼmo, Kagaemo itaʼapimogagana huka yagaika apateteka aise mafaʼnegana huka kayateʼmo apavalelika apakinago vayaʼaifeʼmo ani mopamo lapamiguve, huʼna polomasi gemo huʼnova mopaleʼmo uvo, huka afaʼa naha opaigane.

Matiyu 25:16

Faefu tausenimo amiʼniya vekamoʼmo malage huno alininuno ani moniletiʼmo aliʼyaʼmo aliteno akamelegaʼamo magoʼe huno faefu tausenimo aliʼniye.

Lomu 10:11

Ani kavatefeʼmo Goti mukufiʼmo avoʼmo kae maleʼniya gemoʼa hunoʼaeʼmo, Ina lagimo agaefeʼmo apakesamo afiʼa fatago nehisafigeʼa apavagage osuge hapai oʼvaige hugae, huno avoʼmo kae maleʼniye.

Lomu 5:5

Gotiʼa aote Aunemeʼamo lamiʼnigeno Aunemeʼamoʼmo Gotiʼa lagaefeʼmo hau ayamopafiʼmo hauʼniya kavaʼamo laipafiʼmo ago alino laki maleʼniye. Lakiʼnigeta ageʼnonaʼmofeʼmo lavayagunagu huta agava neʼmauna kavatefeʼmo laipamoʼmo kana hisigeno hosu laipamo okaligiye.

Lomu 9:33

Goti mukufi gemoʼa hunoʼaeʼmo, Afiyo, huno, nagaemo Saiyoni taonifiʼmo noʼmo faiʼna atesuva yafaʼmo malegauve. Maleʼnisugeʼapaeʼmo apaiyamo faiʼa lo aeteʼa asagauʼa aigayaʼmonanafa ina lagimo agaefeʼmo apakesamo afiʼa fatago nehisafigeʼa apavagage osuge hapai vaiʼa oʼatege hugae, huno huʼniye.

1 Pita 2:6

Goti mukufi gemoʼmo ani kavatefeʼmo hunoʼaeʼmo, Afiyo, huno, Nagaemo yafaʼmo lekana paiʼna ateteʼna noʼmo kisuva yafaʼmo alopa monileʼyaʼmo aeno agaseʼniya yafaʼmo Saiyoni kotegamo maleʼnove. Muki vayaʼmogimo agaefeʼmo apakesamo afiʼa fatago hisayana alagi hapai oʼvaigae, huno hu maleʼniye.

Leveleseni 3:9

Mago vayaʼmogimo Sataniʼeʼmo aliʼa anupa huʼa maiʼneʼapaeʼmo, Yu vayaʼmo maiʼnone, huʼa nehayaʼmonanafa aigofeʼmo nehae. Lama gemo lapa nepauve, huno, nagaemo apavaleliʼneʼna lapaiyafiʼmo apatesugeʼapaeʼmo Kalaisiʼa lapakaefeʼmo hau ayamopafiʼmo hauʼniya vayaʼmo maiʼnae, huʼa hugae.