Aiyeya 49:21 - The Keyagana NT and 25 OT books

²¹ Ani gemo hisagekaeʼmo kaipafiʼmo hukaeʼmo, Mafaʼne anagaʼnimo afela heʼnayanageʼna magoʼe huʼna afaʼa aliʼna oʼapategauve. Kame vayaʼmogimo kalavusi huʼa nateteʼa navaleliʼa uʼnae. Ina laʼmo nagaetefeʼmo ani mafaʼne anagaʼmo alino apateʼniye. Nagaiʼnimo magokeʼageʼmo maiʼnovaʼmonanafa ani mafaʼne anagaʼmo haiya haopalegatiʼmo eʼnae, huka hugane.

Aiyeya 49:21 ပူးပေါင်းရင်းမြစ်များ

Aiyeya 1:8

Nofi hoyafiʼmo hiyato noʼmo haneʼniya kava huʼa Yulusalemu taonifi vayaʼmo maiʼnae. Kono hoyafiʼmo aigofe noʼmo nekiya noʼmo haneʼniya kava huʼa Yulusalemu taonifi vayaʼmo maiʼnae. Apakaemo kame vayaʼmogimo eʼa faiʼa vego huʼnaya taonigana huʼa maiʼnae.

Aiyeya 5:13

Nehayaʼmofeʼmo Ala kava neʼmoʼa hunoʼaeʼmo, vayaʼnimogi kavaʼnimo ageʼa aeto osuʼnayaʼmofeʼmo kame vayaʼapimogimo apavaleliʼuʼa alu kotegamo kalavusi huʼa apateʼnae. Ala apaki vayaʼamo lusi kava huno apaka teʼnigeʼa ve aʼnemo anifeʼmo nefaliye.

Aiyeya 52:2

Kagaemo he tika kaigopalegatiʼmo mumusopamo alika kalo paeka ataleteka uka kini siyateʼmo fai maiyo. Saiyoni a mafaʼneo, huno, Kalavusifiʼmo maiʼnanaʼmonanafa lugokafiʼmo aeno kateʼniya seli nofiʼmo alika hatu maeka atalo.

Aiyeya 60:15

Yulusalemuo, huʼna, kagaefeʼmo apaini huteʼa kataleʼa uʼnayaʼmofeʼmo vayaʼmo kakaleʼmo uʼeʼa osuʼnae. Osuʼnayaʼmonanafa nagaemo hanege hanege huno hanesiya kanale hogote taonimo aliʼna hamaleʼna katesugeʼa muki kafugaʼae kafugaʼaeʼmo vayaʼmogimo kagaefeʼmo apamogaga aigae.

Aiyeya 60:8

Haiya vayaʼmogimo yasimoʼmo hiyaʼmo avalelino neʼeya kava huʼa ege nama anagaʼmogimo apanotegamo haleliʼa neʼaya kava huʼa ege nehae.

Aiyeya 62:4

Saiyoniyo, huʼna, Apakaemo kagaefeʼmo magoʼe huʼa anauʼamoʼmo ataleʼniya aʼmo maiʼniye, huʼa osugae. Haʼao, kagaefeʼmo saufa kagikamo Gotiʼa hauʼniya aʼmo maiʼniye, huʼa aege kagae mopaeʼmo saufa agimo veleʼmo maiʼniya agufa mopamo aepa vekamoʼa yagaiʼniya mopamo haneʼniye, huʼa aege hugae. Ala kava neʼmoʼa lusi kava huno amuse huno lapatesigeno mopatapimoʼa veleʼmo maiʼniya agufa kavaʼmo huʼa lapakaemo mopatapileʼmo maigae.

Aiyeya 64:10

Muki kaote taonimoʼmo yahao kokana huno haneʼnigeno Saiyoni taonimoʼmo kaʼme kokana huno haneʼnigeno Yulusalemu taonimo alagi hosuʼnigeʼa vayaʼmo oʼmaiʼnae.

Luki 21:24

Ati vayaʼmogimo mago vayaʼamo naipeletiʼmo lugoʼapimo heʼa hatagauteʼa mago vayaʼamo kalavusi huʼa apateteʼa muki alu nofi vayaʼaitegamo apavaleli uʼa apategae. Alu nofi vayaʼmogimo eʼa Yulusalemu taonifiʼmo kamemo huteʼa aliʼa hosu huʼa ateme ateme neʼvisageno alu nofi vayaʼmogi kanaʼapimo alagi hano hugiye.

Lomu 11:24

Gotiʼa kahaufilaga haneʼniya yosafati akopamo alino lo aelino eno hoyafiʼmo haneʼniya yosafiʼmo aeno hanino lapateʼniye. Alu yosa akopamo aliʼa lo aeli eʼa akopa oʼaeʼniya yosafiʼmo aeʼa haniʼa aeʼa kamaeʼa noʼatae. Gotiʼa ani kavaʼmo huʼniyaʼmofeʼmo hoyafi haneʼniya yosa akopamo agaiʼa aeʼniya yosa akopamo noʼaleʼmo halate alinino eno aeno hanino aeno kamaeno atesiyafeʼmo lokiya aliʼyaʼmo ohaneʼniye.

Galesiya 3:29

Lapakaemo Kalaisi vayaʼamo maiʼnisayana Emalehamu aginago vayaʼmo maiʼnae. Mafaʼneʼapimogimo afoʼapimogi muki maleʼnaya yaʼapimo neʼaliya kava hutapa Gotiʼa fikumo kaha maeʼna kamiguve, huno ha paiʼniya polomasi geletiʼmo muki yaʼamo afaʼa aligae.