Aiyeya 49:19 - The Keyagana NT and 25 OT books

¹⁹ Mafaʼne anagakamo eʼa kilipaesageno noʼatufa kaʼme koteʼmo aliʼa hosu huʼa ateʼnaya mopakamoʼmo kanale huno oʼapategaiye. Mopamo aliʼa hosu huʼa ateʼnaya vayaʼmogi mopakaleʼmo afaʼa oʼmaiʼa afagitegamo maigae.

Aiyeya 49:19 ပူးပေါင်းရင်းမြစ်များ

Mai'naya kavane 1:12

Lagaemo malage huta uta apamagisunageʼa faligae. Falisaya kavaʼmo malage huno vayaʼaiteʼmo afole aiʼnigeʼa faliteʼa vayaʼmo faliʼa uʼa neʼmaiya kotegamo neʼvaya kava huta uta apamagigune.

Aiyeya 1:7

Kame vayatapimogimo eʼa kotapimo aliʼa hosu huʼa ataleteʼa taonitapimo ata kaegae. Lapakaemo apaketapa maiʼnisageʼapaeʼmo muki hoyatapifatiʼmo neʼyaʼmo aligae. Alu kotega vayaʼmogimo eʼa kotapileʼmo haneʼniya yaʼmo aliʼa hosu huʼa ataleʼnageno mopatapimo afaʼa haneʼniye.

Aiyeya 49:17

Ve mafaʼne anagakamo malage huʼa eʼa taoniʼapimo halate kigae. Yulusalemu taonimo heʼa halagape vaiʼa ataleʼnaya vayaʼmo kataleʼa ugae.

Aiyeya 49:8

Ala kava neʼmoʼa ina gemo hunoʼaeʼmo, Fiku hapa maeʼna apamisuva afinaʼmo gekamo afiʼnove. Apakufamo aliʼna katiʼna apatesuva afinaʼmo kaha maeʼnove. Nagaemo alagepa huʼna yagaiʼna kateteʼna kagaetetiʼmo vayaʼeʼmo kotalakemo hu maleteʼna ma mopamo aliʼna kanale huʼna atesugeʼa vayaʼnimogi kaʼme kotega mopamo aligae.

Aiyeya 5:6

Nagaemo hoyamo aliʼna hosu huʼna ataleteʼna afaʼa ategauve. Nagaemo nofiʼmo hatagauʼna aliʼna alagepa osuge aiʼyumo oʼaige huguve. Atesugeno kahaumo aesigeno aufe kahaumoʼmo ani hoyamo aeno ati kaegaiye. Nagaemo ani hoyafiʼmo koʼmo oʼaisiyafeʼmo haʼao, huʼna huguve.

Aiyeya 51:3

Ala kava neʼmoʼnamo Saiyoni taonifiʼmo maiʼnaya vayaʼmo aliʼna yuna heʼna apategauve. No atufaʼageʼmo ageteʼnaeʼmo nahau huʼna apategauve. Agaemo kaʼme koʼapimo Iteni kokana huʼna aliʼna ha maleʼna ategauve. Kalukalusopa koʼmo Ala kava neʼmo hoyaʼagana huʼna aliʼna ha maleʼna ategauve. Apakaemo Saiyoni taonifiʼmo apamogaga aige Gotifeʼmo haoke hege yokemo huge hugae.

Aiyeya 54:3

Kagae mopamoʼmo alino alopa huteno avala aisigeno hakuʼmo lamaga haopalega hanelino ute hoga haopalega hanelino ute hugiye. Kaginago vayakamogimo maiʼa aiʼa atagu faeteʼa alu nofi vayaʼai mopamo aliteʼa maigae. Apakaemo vayaʼmo ataleʼa uʼnaya taonifiʼmo maigae.