Aiyeya 49:10 - The Keyagana NT and 25 OT books

¹⁰ Hau huno neʼapateya vekamoʼmo alagepa huno yagaino apateteno apavalelino visigeʼa kanale meti aniʼmo haneʼniyategamo sipisipi anagagana huʼa ugae. Apakaemo neʼyaʼe aniʼeʼmo kafu osisageno amuko yegemoʼe yasimoʼeʼmo apakufaleʼmo oʼapalegaiye.

Aiyeya 49:10 ပူးပေါင်းရင်းမြစ်များ

Aiyeya 25:4

Kagaemo kagemi yaʼapimo ohaneʼniya vayaʼmo alika lokiya vaika apateʼnane. Kagaemo kafu nehaya vayaʼmo alika lokiya vaika apateʼnane. Kagaemo fala kiʼa maiʼnaya koʼapigana huka maiʼnane. Kana yaʼmo afole aiʼniya afinaʼmo apakaiʼapimo hapa maesiya yaʼmo oʼaliʼnisaya vayaʼmo fala kiʼa maiʼnaya koʼapigana huka maiʼnane. Koli yaʼmo aliʼa neʼapamiya vayaʼmogimo apaipamo neleya kavaʼmoʼa lokiya yasimoʼmo kegiʼyamo alino agoʼya faino neʼataleya yasigana huno haneʼniyaʼmofeʼmo yasi alige ko aige amuko huge huʼniya afinaʼmo aika ati kaeka apateʼnane.

Aiyeya 32:2

Yasimo neʼaliya afinaʼmo yafa kapiʼmo uʼa fala nekiya yafa kaʼapigana huno mago vekamo maigiye. Agaemo lusi kava huno lokiya yasimo alige ko aige hisigeʼapaeʼmo hapa maesiyafeʼmo uʼa fala kisaya koʼapigana huno maigiye. Agaemo hau huʼniya kotegamo alopa aniʼmo uno nelamiya anikana huno maige alagaʼmo nehapaeya kotega alopa yafaʼmo auneʼagana huno maige hugiye.

Aiyeya 33:16

He, ani agufa vayaʼmo anaga avefiʼmo lokiya yafapiʼmo alagepa huʼa maigae. Neʼyaʼapimo apamisigeʼa negae. Aniʼapimo hano osuno afaʼa hanegaiye.

Aiyeya 35:6

He, ani afinaʼmo apaiyamo hosuʼniya vayaʼmo afela afugana huʼa aeʼa hailo hailo huge apake noʼaiya vayaʼmogimo yokemo huge hugae. Mopamo aeno apalo tisigeno aniʼmo kaʼme kotegamo lusi kava huno aino atagu faegaiye. Aniʼmo ohaneʼnisiya kotegamo alopa aniʼmo uno lamigiye.

Aiyeya 35:7

Hau huʼniya mopaleʼmo ani kotuʼmo malegaiye. Ani aniʼmo ohaneʼniya kotega mopafatiʼmo meti ani koʼmo aeno latino hainegaiye. Afela afu anagaʼmo nehavaya mopafatiʼmo lanitani kahauʼe akepaʼeʼmo lagigiye.

Aiyeya 4:6

Yasi nokana huno hanesigeno kofino apatege lokiya yegemoʼmo apakenopaleʼmo oʼapalesiyafeʼmo aino ati kaeno apatege huʼnisigeʼapaeʼmo alopa koʼmo aige yasimo alige hisiya afinaʼeʼmo alagepa huʼa maigae.

Aiyeya 40:11

Agaemo sipisipileʼmo yagaiʼa neʼapataya vayaʼmogimo sipisipileʼmo alagepa huʼa yagaiʼa neʼapataya agufa kavaʼmo huno ve aʼneʼaleʼmo alagepa huno yagaino apategaiye. Agaemo yagaino neʼapateya vekamoʼmo sipisipi apanaʼaumo apavaleno haifiʼyafiʼmo apateteno apavalelinuneno hugiye. Agaemo vase vase huno neʼunoʼaeʼmo aikeli sipisipiʼeʼmo maiʼnaya sipisipi anagaʼmo visaya kaʼmo alino apave ligiye.

Aiyeya 43:19

Afiyo, huʼna, Nagaemo saufa kavaʼmo huguve. Hemenimo afole aigiye. Lapakaemo oʼagesafiye. Nagaemo kaʼme kotegamo kaʼmo valiguve. Nagaemo hau huʼniya kotegamo meti aniʼmo afole aiteno uno lamisiya kavaʼmo huguve.

Aiyeya 51:14

Kalavusi huʼa apateteʼa apavaleliʼa uʼnaya vayaʼmo malage huʼa hatu maeʼa apatesageʼa kalavusifiʼmo ofaliʼa maiʼnaya vayaʼmo hatu maeʼa apatesayafeʼmo koli huʼa apakava maiʼnayaʼmonanafa kalavusifiʼmo ofaligae. Neʼyaʼapimo hano osugiyaʼmofeʼmo afaʼa maigae.

Aiyeya 52:12

Hogoteta Isipi kotegatiʼmo malage hutapa lapaune heʼnayaʼmonanafa ani afinaʼmo lapaune osegae. Ala kava neʼmoʼa lapakaeteʼmo uno hogotege Isaleli vayaʼmogita Gotitimoʼmo lapakame huno eteno yagaino lapatege hugiye.

Aiyeya 54:10

Avemo aino nakupaeno asagauno aige aise avemo alino atalege hisigeno ohanegaiyaʼmonanafa kagaefeʼmo nahau nayamopafiʼmo nahauʼnigeʼnaeʼmo kagaetegamo kanale kavaʼmo huʼnovanageʼna oʼataleʼna huge huge huʼna maiguve. Nagaemo kotalakemo laʼagaemo magokepiʼmo alagepa hutaʼa maisuʼafeʼmo hu maleʼnova kotalakemo alagi hano osugiye, huteʼna nahau huʼna nekatova Ala kava neʼmoʼnamo kaha nepauve.

Aiyeya 58:11

Muki afinaʼmo Ala kava neʼmoʼa alino ho huno lapateteno ko noʼaiya afinaʼmo lokiya vaino lapateteno lapauʼniya yaʼamo alagi lapamigiye. Lapakaemo aniʼmo haneʼniya hoyagana hutapa maige olaneno aeno nelatiya meti anikana hutapa maige huta maigae.

Aiyeya 65:13

Ani kavaʼmo huʼnayaʼmofeʼmo nagaemo Ala kava neʼmo Gotiʼnamo ina gemo huve. Afiyo, huʼna, Aliʼyaʼnimo neʼaliya vayaʼmo neʼyaʼmo negayaʼmonanafa lapakaemo lapaka tegaiye. Afiyo, huʼna, Aliʼyaʼnimo neʼaliya vayaʼmo aniʼmo negayaʼmonanafa lapakaemo anifeʼmo lahapaugiye. Afiyo, huʼna, Aliʼyaʼnimo neʼaliya vayaʼmo apamogaga aigayaʼmonanafa lapakaemo lapavagage hugiye.

Yona 4:8

Yegemo haineteno leʼnigenoʼaeʼmo Gotiʼa amuko yasimo alino ateʼnigeno amuko yasimo alige yegemoʼmo Yona agenopaleʼmo alege huʼnigeno Yonaʼa aulagamoʼmo atete huteno kalafe kalafe huʼnigeno falisiyafeʼmo huʼniye. Yonaʼa Gotifeʼmo, Faliguve. Afaʼa maisuvana kanale osugiye. Kanale kavanageʼna afaʼa faliguve, huno ha paiʼnigeno

Maika 7:14

O Ala kava nene, huʼna, Sipisipileʼmo neʼyagaiya vekamoʼmo sipisipileʼmo yagaino neʼapateya kava huka vayakaleʼmo hayopa kayotetiʼmo yagaika apato. Apakaemo Gotiʼa kamiʼniya vayaʼmo yahaofilaga kaʼme avelegamo apaoteʼmo maiʼnae. Kagaemo afaʼa apatalegeʼa uʼa akeyaʼvilagamo maiʼnaya koʼmo alagepa mopamo haneʼniya koʼmo Mesani kotegaʼe Giliyati kotegaʼeʼmo maiyo.

Matiyu 5:6

Goti fatago kavaʼaeʼmo apaka neteya vayaʼmo apamisigeʼa neʼa apamu hugayaʼmofeʼmo Goti aulena vayaʼamo maiʼnae.

Yoni 6:35

nagaemo afaʼa maisaya yaʼmo neʼapamiya peleti mayagana huʼna maiʼnove. Nagaetegamo esaya vayaʼmo apaka otegaiye. Nagaefeʼmo apakesamo afiʼa fatago nehisaya vayaʼmo anifeʼmo alagi ohapaugiye.