Aiyeya 45:9 - The Keyagana NT and 25 OT books

⁹ Mago vekamoʼmo alo huno ateʼniya vekaeʼmo ge nehaisiyaʼmoʼmo ani vekaleʼmo kage kage kavaʼmo afole aigiye.

Aiyeya 45:9 ပူးပေါင်းရင်းမြစ်များ

Mai'naya kavane 21:30

Vayaʼmogimo afiteʼa ageʼnaya kavaʼapiletiʼmofi afiʼa aeto nehaya kavaʼapiletiʼmofi vege nehaya kavaʼapiletiʼmofi huʼa Ala kava neʼeʼmo kamemo hugayana huʼa aeʼa aga osegae.

Aiyeya 45:10

Mago mafaʼnemoʼmo itaʼamofeʼmofi afoʼamofeʼmofi hunoʼaeʼmo, Na agufa kavaʼmo higeka alika nateʼnanageʼnaeʼmo mani kavaʼmo huʼna maiʼnove, huno nehisiyana kana yaʼmo alitenoʼaeʼmo kage kage hugiye.

Aiyeya 64:7

Kaugosamo alika fala kiʼnanaʼmofeʼmo kagikamo aeʼa nunumuʼmo nehaya vayaʼmo oʼmaige katafausageka hapa maesanafeʼmo apaipamo aliʼa he tiʼa apatesaya vayaʼmo oʼmaige huʼnae. Lagaemo hosu kavaʼmo huʼnonaʼmofeʼmo kagaemo atagana huka alika hano huka nelatalane.

Aiyeya 64:8

O Ala kava nene, huta, Hosu kavaʼmo huʼnonaʼmonanafa hemenimo kagaemo afotimogamo maiʼnane. Lagaemo kalipa mopagana huta maiʼnonagekaeʼmo kalipa mopaletiʼmo samomo alo nehana vekagana huka maiʼnane. Kagaemo kayatetiʼmo mukiʼamo alo huʼnana vayaʼmo maiʼnone.

Neniyo 4:35

Agae aulagaleʼmo muki ma mopafi vayaʼmo afaʼa ina agufa vayaʼmo maiʼnae. Agaemo muki kokuʼnapi vayaʼaitegaʼe ma mopafi vayaʼaitegaʼeʼmo hauʼniya kavaʼmo afaʼa nehiye. Mago vayaʼmogi agaemo mago kavaʼmo osisiyafeʼmo atafauʼneʼa, kagaemo na kava nehane, huʼa afaʼa osugae.

1 Kolitiyani 10:22

Lagaefeʼmo Ala kava neʼmoʼa aipa kana huno lateteno kaino faisiyafeʼmo alita he tita atesunafeʼmo nehupiye. Lagaemo lokiyatimoʼa Ala kava neʼmo lokiyaʼamo aeno agasesifiye.