Aiyeya 45:22 - The Keyagana NT and 25 OT books

²² Ma mopafi muki haopalegamo maiʼnaya vayane, huʼna, nagaemo Gotiʼnamo maiʼnogeno mago alu gotiʼmo alagi oʼmaiʼniyaʼmofeʼmo aulu nahaetapa nagegeʼnao lapakufamo aliʼna katiʼna lapategauvanagi, huno huʼniye.

Aiyeya 45:22 ပူးပေါင်းရင်းမြစ်များ

2 Sitoli 20:12

O Gotitimogae, huʼna, ani asole ami vayaʼmogimo lagaemo kamemo lahaesayafeʼmo neʼae. Lagaemo apakaeʼeʼmo kamemo hisuna agufa lokiyatimo ohaneʼniye. Na agufa kavaʼmo hisupi, huta oʼageʼnonaʼmonanafa aulu heta kageta maiʼnone. Kagaemo hosu kavaʼapimo anonaʼapilefeʼmo afaʼa alika fako huka oʼapategapiye, huno nunumuʼmo huʼniye.

Samu 22:17

Muki nayamufaʼnimo afole aiʼnigeʼna ageʼnove. Kame vayaʼnimogimo nageteʼapaeʼmo apamogaga neʼaiye.

Samu 22:28

Ala kava neʼmo kini vekamo maiʼnenoʼaeʼmo muki alu nofi vaya alu nofi vayaʼaiteʼmo yagaino neʼapate.

Samu 65:5

O Gotiyo, huʼna, lagufamo alika katika lateʼnana Gotitimogae, huʼna, Nunumuʼmo hisunageka afiteka aeka atagaina hukaeʼmo lokiya kavakaletiʼmo alopa kavaʼmo huteka laha maeʼnane. Muki haopalegamo ma mopafi maiʼnaya vayaʼmogiʼe afagitegamo maiʼnaya vayaʼmogiʼeʼmo aliʼa amufa kamiʼnae.

Samu 65:6

Kagaemo kayamufaʼage Gotigamo maiʼnanaʼmofeʼmo lokiyakaletiʼmo avemo alagi lokiya vaino hanesiyafeʼmo alika afole aika ateʼnane.

Aiyeya 43:6

Nagaemo lamaga haopalega vayaʼaifeʼmo huʼnaeʼmo, Apatalegeʼa eyo, huʼna huge hoga haopalega vayaʼaifeʼmo huʼnaeʼmo, kaʼmo akanita oʼapateyo, huʼna huge huguve. Lapakaemo afagitegatiʼmo ve mafaʼne anagaʼnimo apavalelita eyo. Muki ma mopamo agiʼnalegatiʼmo a mafaʼne anagaʼnimo apavalelitapa eyo, huʼna hapa paiguve.

Aiyeya 45:21

Lapakaemo eta agotileʼmo getapimo aeta hakalo hiyo. Magokepiʼmo maiʼnetapaeʼmo ge huge afige hutapa maiyo. Ina laʼmo afole aisiya kavafeʼmo akeyavilagamo aeno hakalo huʼniye. Nagaiʼnigeʼmo aeʼna hakalo huʼna hapa paiʼnofiye. He, alu gotiʼmo oʼmaiʼniye. Nagaemo fatago kavaʼageʼmo nehuva Gotiʼnamo apakufamo aliʼna katiʼna neʼapatova Gotiʼnamo maiʼnove. Alu gotiʼa alagi oʼmaiʼniye.

Aiyeya 45:5

Nagaemo Ala kava neʼmo maiʼnove. Magoʼe huno alu gotiʼa oʼmaiʼnifa nagaiʼnigeʼmo maiʼnove. Kagaemo oʼnageʼnanaʼmonanafa aliʼyaʼnimo alisanafeʼmo kukena yaʼmo aliʼna vaiʼna kategauve.

Aiyeya 49:12

Inagi lama gemo huʼnaeʼmo, Vayaʼnimo afagi kotegatiʼmo ege lamaga haopalegatiʼmo ege yegemo uno lamino nefaleya haopalegati ege Saina kotegatiʼmo ege hugae.

Aiyeya 49:6

Ala kava neʼmoʼa ina gemo huno naha painoʼaeʼmo, Kagaemo Yekopu nofi vayaʼmo alika he tika apatesanageʼa halate lokiya vaiʼa maige yagaiʼna apateʼnogeʼa afaʼa maiʼnaya Isaleli vayaʼmo alika alagepa huka apatesanageʼa halate alagepa huʼa maige hisayafeʼmo ani aise aliʼyaʼmo afaʼa alisanana kanale osugiye. Ani aliʼyaʼe magoʼe huʼna alu aliʼyaʼeʼmo kamiguve. Nagaemo ma mopafi muki haopalegamo maiʼnaya vayaʼmogi apakufamo alika katika apatesanafeʼmo ani malaga nofi vayaʼmogi ha le yaʼapigana huka maigane, huʼna aliʼna kateʼnove, huno huʼniye.

Aiyeya 52:10

Ala kava neʼmoʼa muki alu nofi vayaʼe alu nofi vayaʼmogi apaulagaleʼeʼmo aote lokiyaʼamo alino apave liʼniye. Gotitimoʼmo lagufamo alino katino latesigeʼa muki ma mopafi vayaʼmogimo agegae.

Aiyeya 55:5

Ala kava neʼmo Gotitapimoʼmo Isaleli vayaʼmogi aote Gotiʼapimoʼmo ala lapakitapimo lapamiʼniyaʼmofeʼmo lapakaemo oʼapakeʼnaya nofi vayaʼaifeʼmo keya aeta ge hisageʼa olapakeʼnaya alu nofi vayaʼe alu nofi vayaʼmogiʼeʼmo nagu nagu huʼa lapakaetegamo egae, huno huʼniye.

Aiyeya 55:6

Lapakaemo Ala kava neʼmo kahauya hutapa agegefe hisaya afinaʼmo kahauya hutapa ageyo. Lapaopaleʼmo eno maisiya afinaʼmo keya aeta nunumuʼmo hiyo.

Aiyeya 60:3

Malaga nofi vayaʼmogimo ani ha le yatapimo ageteʼapaeʼmo lapakaetegamo egae. Kini vayaʼmogiʼeʼmo ani lokiya ha le yatapimo ageteʼapaeʼmo he tiʼa lapakaetegamo egae.

Aiyeya 66:18

Nagaemo ani vayaʼmogi kavaʼapiʼe apakesa neʼafiya kavaʼeʼmo ageʼnovaʼmofeʼmo aliʼna hano huʼna apatalegauvaʼmonanafa muki nofi vayaʼe muki apakemo neʼaiya vayaʼeʼmo apavaleʼna aliʼna anupa huʼna apatesugeʼa eʼa ha le konali yaʼnimo agegae.

Maika 5:4

Inagi ani vekamoʼmo agaiʼa sipisipi vayaʼaleʼmo Ala kava neʼmo Gotiʼamo himamuʼaletiʼe ha le konali agiʼaletiʼeʼmo yagaino apateʼnenoʼaeʼmo neʼyaʼmo apamigiye. Muki ma mopafi vayaʼmogimo ala agiʼamo amigayaʼmofeʼmo vayaʼamo alagepa huʼa maige maige huʼa maigae.

Maika 7:7

Hugayaʼmofeʼmo nagaemo Ala kava neʼmoʼa naha maesiyafeʼmo aulu heʼna agegauve. Nagufamo alino katino neʼnateya Gotiʼa naha maesiyafeʼmo agava maiguve. Nagaemo Gotiʼnimofeʼmo keya aeʼna ge hisugeno afigiye.

Yoni 6:40

Alino nateʼnigeʼna emiʼneʼnova vekamoʼa hauʼniyanageʼa muki vayaʼamogi Mafaʼneʼamo ageʼa aeto huteʼapaeʼmo agaefeʼmo apakesamo afiʼa fatago nehisaya vayaʼmo afaʼa maige maige huʼa maisaya yaʼmo aligae. Aliʼnisageʼna ma mopamo hano hisiya afinaʼmo aliʼna he tiʼna apategauve, huno hapa paiʼniye.

Taitasi 2:13

Ani kavaʼmo nehutaeʼmo ala vekamo Gotitimoʼmo lagufamo alino katino nelateya vekamo Yesu Kalaisiʼa ha le konali yaʼaʼeʼmo alino auleno atesiya afinaʼmo afole aisiyafeʼmo lamogaga aita agava neʼmaune.

Himulu 12:2

Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.

2 Pita 1:1

Nagaemo Saimoni Pitaʼnamo Yesu Kalaisi aliʼyaʼamo neʼaluva vekamo maiʼneʼna apa vekaʼamo maiʼnove. Gotiʼa lagufamo alino katino nelateya Gotitimoʼa Yesu Kalaisi fatago kavaʼaletiʼmo fikumo lapamaeno lapamiʼnigetapa lapakesamo afita fatago huʼnaya vayaʼamogitapaeʼmo mani gemo avoʼmo nekaove. Lapakesamo afita fatago nehaya kavatapimo alopa monileʼyaʼmo aeno agaseʼniya kavaʼe lagesamo afita fatago nehuna kavatiʼeʼmo magoke aiyaya kavaʼmo haneʼniye.