Aiyeya 45:20 - The Keyagana NT and 25 OT books

²⁰ Alu nofi vaya alu nofi vayaʼaitegatiʼmo faitapa kasalo paetapa eʼnaya vayane, huʼna, eta alita anupa hutetapa nahaopaleʼmo eyo. Apakaemo afaʼa hapa oʼmaesaya aigofe gotiʼapimogifeʼmo nunumuʼmo huteʼa aigofe gotiʼapimogimo yosaletiʼmo alo huʼnaya apauneʼamo aliniʼa neʼaya vayaʼmogimo alagepa huʼa oʼafiʼnae.

Aiyeya 45:20 ပူးပေါင်းရင်းမြစ်များ

Samu 115:8

Apakaemo aigofe gotigimo alo nehaya vayaʼmo aigofe gotigigana huʼa maiʼnae. Aigofe gotigifeʼmo aliʼa amufa neʼapamiya vayaʼmogi ani kava huʼa apakaekana huʼa maiʼnae.

Aiyeya 4:2

Ani afinaʼmo Ala kava neʼmo ve mafaʼneʼamoʼmo saufa ausasaʼmo haineno afole aisigeʼa vayaʼamogimo ala apakimo alige ha le konali yaʼapimo alige hisayafeʼmo maigiye. Isaleli vayaʼmo kalavusifatiʼmo ataleʼa uʼnaya vayaʼmogi ani yosamo aepafatiʼmo alagepa neʼyaʼmo afole aisigeʼa ageteʼa hapaʼye hisigeʼapaeʼmo, Alagepa neʼyane, huʼa hugae.

Aiyeya 43:9

Apategeʼa muki nofi vayaʼmo aliʼa anupa huʼa maiyo. Apakaepatiʼmo ina lagimo ani afole aiʼniya kavafeʼmo hogoteʼa laha paiʼnae. Ina lagimo afole aisiya kavafeʼmo laha paigae. Apakaemo hapa maesaya faigoko gemo hisaya vayaʼapimo afaʼa apavaleliʼa esageʼapaeʼmo he tiʼa laha paisayaʼmoʼmo, Fatago vayaʼmo maiʼnae, huʼa hisafiye. Faigoko gemo hisaya vayaʼmo oʼmaiʼnisayaʼmoʼmo apakaemo afaʼa geʼnimo afiteʼapaeʼmo, Gotiʼa lama gemo nehiye, huʼa hugae.

Aiyeya 57:13

Lapakaemo hosu yaʼmo alisaya afinaʼmo aigofe gotigifeʼmo keya aesayaʼmoʼmo eʼa lapa maegafiye. Haʼao, aise yasitomoʼmo afaʼa apavalelino ugiye. Apavalelino ugiyaʼmonanafa nagaefeʼmo aliʼa amufa neʼnamiya vayaʼmo apamisuva mopamo aliteʼa nagae aote aveleʼmo maigae.

Efasasi 2:12

Ani afinaʼmo Kalaisiʼeʼmo lokaeta oʼmaitapa lapaote maiʼnae. Isaleli vayaʼai kegiʼya yuʼilaga eta haiteta oʼmaitapa malaga maiʼnae. Gotiʼa lapa maegauve, huno hu maleʼniya kotalakelefeʼmo polomasi gemo hu maleʼniya gemo lapa opaiʼniye. Ma mopafiʼmo maiʼnetapaeʼmo Gotitegatiʼmo alagepa yaʼmo alisayafeʼmo agava maiʼnetapa lapavayagunagu osuʼnageno Gotitapimoʼmo oʼmaiʼniye.

Efasasi 2:16

Kalaisiʼa malipu yosaleʼmo faliʼniya kavatetiʼmo apaini huʼa ateteʼapaeʼmo apaini huʼa neʼapataya kavaʼmo alino hano huno ataleteno lole nofi vayaʼmo alino magoke nofi vayaʼmo hamaleno latetenoʼaeʼmo lagaegi lapakaegi Gotiʼagi huno alino nanu aeno lateʼniye.