Aiyeya 45:2 - The Keyagana NT and 25 OT books

² Ala kava neʼmoʼa ha painoʼaeʼmo, Nagaemo kagaeteʼmo uʼna hogoteteʼna ave koʼmo amagiʼna anaku paeʼna aliʼna otu koʼmo hamaleʼna ategauve. Nagaemo kegiʼyale alopa haesa aeni kitamo amagiʼna aliʼna lo aeʼna ataleteʼna kitale aeniʼmo vasagaliʼna atalegauve.

Aiyeya 45:2 ပူးပေါင်းရင်းမြစ်များ

Samu 107:16

Na kava huʼniyaʼmofeʼmo hao ke hegae. Agaemo yafa lafi kegiʼya kateʼmo aeni kitamo alino lo aeteno lokiya aeniletiʼmo ka akani maleʼnaya aenimo alino lo ae maleʼniye.

Aiyeya 40:4

Muki otufiʼmo aetapa havaitege muki aveʼamo kafitapa naku paetalegeno uno lamige hino. Kayagi kayaga huʼniya kaʼmo kafitapa alita api aita ateyo. Muki kanale osuʼniya kaʼmo aliʼa kanale huʼa ategae.

Aiyeya 42:16

Nagaemo apaulagamo ali huʼniya vayaʼmogi uʼeʼa nosaya kateʼmo apavaleliʼna egauve. Oʼageʼnaya kateʼmo apavaleliʼna uguve. Nagaemo hani yaʼmo aliʼna ataleteʼna hale yaʼmo apamisugeʼa hale yategamo umenitata hugae. Kayagi kayaga kaʼapimo aliʼna api aiʼna kaʼmo valiguve. Nagaemo hapa maesuvafeʼmo ani kavaʼmo huteʼnaeʼmo apataleʼna oʼuguve.

Aiyeya 45:13

Nagaemo kini vekamo Sailasiʼmo fatago kavaʼniletiʼmo aliʼna he tiʼna ateʼnovanageʼna muki visiya kaʼmo aliʼna kanale huʼna valiʼna ategauve. Agaemo halate nagae taonimo kige vayaʼnimo afaʼa visayafeʼmo hatu maeno apatege hisiyafeʼmo miyaʼamo oʼaligiye. Asole vayaʼaiteʼmo yagaiʼna apateʼnova Ala kava neʼmoʼnamo mani gemo alagi huve.

Neniyo 5:28

PERES gemo aepaʼamo haneʼniyana Gotiʼa yagaika apateʼnana vayapatiʼmo alino fako huno Mitiya vayaʼaitegamo apatege Pesiya vayaʼaitegamo apatege huʼniye, huno ha paiʼniye.

Neniyo 8:4

Ageʼnovana agenopamo ape huʼneno nagu nagu huno uno muki afu anagaʼmo kame huno apateteno aeno apaka seʼniye. Agaemo nagu nagu huno yegemo uno lamino nefaleya haopalegagi lamaga haopalegagi hoga haopalegagi huno uneno huʼniye. Mago afuʼamogimo ani afumo lokiya ayapatiʼmo apakufamo afaʼa aliʼa katiʼa oʼapategae. Agaiʼamo hauʼniya kavaʼageʼmo huteno alopa agi aliʼniye.

Neyomi 3:13

Ani afinaʼmo ati vayatapimogimo aʼne anagakana huʼa maigae. Lapakaemo alagepa hutapa kaʼmo oʼakaniʼnayanageʼa taonitapifiʼmo egae. Atamoʼmo lapakae taonimo yafa kegiʼya kipate lokiya kitamo legaiye.

Luki 3:5

Alopa aveʼe aise aveʼeʼmo kafita anaku paetalegeno kalokalopafiʼmo eminesigetapa aeta ati kaeyo. Kayagiʼnisiya kaʼmo alita api aita ateyo. Haite lamite huʼnisiya kaʼmo kafita alita kanale hutapa ateyo.

Apa 1:15

Ketogufaʼa afinaʼmo utegeʼapaeʼmo ani konaga vayaʼmo vani hataleti tuvetiʼa vayaʼmo aliʼa anupa huʼa maiʼneʼapaeʼmo Pitaʼa he tino hapa painoʼaeʼmo,