Aiyeya 45:19 - The Keyagana NT and 25 OT books

¹⁹ Nagaemo fala kiʼna afagitega hani huʼniya kotegatiʼmo ge osuʼnove. Nagaemo Yekopu aginago vayaʼaifeʼmo huʼnaeʼmo, fiku kahauya hutapa nageyo, huʼna hapa opaiʼnofa lapa maesuvafekeʼmo kahauya hutapa nageyo, huʼna hapa paiʼnove. Ala kava neʼmoʼnamo fatago gemo huʼnaeʼmo, lama gemo nehuve.

Aiyeya 45:19 ပူးပေါင်းရင်းမြစ်များ

Esala 8:22

Nagaemo kini vekaʼeʼmo magokepi lokaeʼna maiʼnova afinaʼmo ha paiʼnaeʼmo, Gotitimoʼmo agesayafeʼmo kahauya nehaya vayaʼeʼmo magokepi lokaeno maiʼnenoʼaeʼmo alagepa huno hapa neʼmaeyaʼmonanafa ataleʼa uʼnaya vayaʼaifeʼmo aipamo leno apateteno lokiyaʼaletiʼmo kame hugiye, huʼna ha paiʼnovaʼmofeʼmo ati vayaʼe hosileʼmo fai maiteʼa esaya ati vayaʼeʼmo alino apatesigeʼa lagaemo kategamo yagaiʼa lateteʼa esageta esunafeʼmo kini vekaeʼmo ge huʼna afi gesuva kavafeʼmo navagage huʼniye. Inagi nagaemo ge huʼna afi okeʼnove.

Samu 12:6

Ala kava neʼmo geʼamo alagi lama geʼageʼmo haneʼniye. Vayaʼmogimo siluva yafaʼmo atafiʼmo seveni afinaʼmo kaete kaete huʼnagenoʼaeʼmo muki oʼaniʼya faiʼniya yaʼamo leno kalo paeno ataleʼnigeno siluva yafaʼageʼmo afole neʼaiya kava huno Goti geʼamo alagi lama geʼageʼmo haneʼniye.

Samu 24:6

Alino apamisigeʼa Yekopu Gotiʼamoʼmo agesayafeʼmo kahauya nehae. Kaugosafiʼmo kagesayafeʼmo kahauya nehae.

Samu 69:13

Nehayaʼmonanafa nagaemo kagaefekeʼmo nunumuʼmo nehuve. O Ala kava nene, O Gotiyo, huʼna, kahauʼnisiya afinaʼmo kahau huka nateteka geʼnimo afaʼa afitekaeʼmo lama gekaletiʼmo nagufamo alika katika nato.

Samu 69:32

Ala vayaʼmo maiʼnone, huʼa apakesamo noʼafiya vayaʼmogi ani kavaʼmo ageteʼapaeʼmo apamogaga aigae. Lapakaemo Gotiʼmo agesayafeʼmo kahauya nehaya vayaʼmogitapamo lapaipamo alagepa huno hanesigeta maige maige hutapa maigae.

Samu 78:34

Apamagiʼnigeʼa faliʼnageʼapaeʼmo mago vayaʼamogimo apaipamo aliʼa afe leteʼa Gotiʼmo agesayafeʼmo lokiya vaiʼa kahauya huʼnae.

Samu 9:10

O Ala kava nene, huʼna, Hapa maesanafeʼmo kagaetegamo neʼaya vayaʼmo apataleka oʼuganaʼmofeʼmo kagikamo afiʼa alagepa huʼa afiʼnaya vayaʼmogimo kagaefekeʼmo aliʼa amufa nekamiye.

Mai'naya kavane 1:21

Aliʼa anupa huʼa maiʼnaya yateʼmo maiʼneno ge nehiye. Yafa lafi kegiʼyamo haopaleʼmo aliʼa anupa huʼa neʼmaiya vayaʼaifeʼmo ge nehiye. Agaemo ina ge huno huʼniye.

Mai'naya kavane 15:8

Hosu vayaʼmogimo ofalinimo aminagenoʼaeʼmo Ala kava neʼmoʼa alagi ohauʼnigeno avenatuʼnaʼmo heno neʼataleyaʼmonanafa fatago vayaʼmogimo nunumuʼmo nehagenoʼaeʼmo hapaoke nehe.

Mai'naya kavane 30:5

Muki Goti geʼamo alagepa geʼageʼmo haneʼniye. Alagepa huno laha maegaiye, huʼa aliʼa amufa neʼamiya vayaʼai haleguʼapigana huno haneʼniye.

Mai'naya kavane 8:6

Hogote alagepa gemo lapa paiguvaʼmofeʼmo lapaketafo hutapa afiyo. Navayafatiʼmo fatago gemo afole aigiye.

Aiyeya 1:15

Lapayaʼmo alita asaga huliʼnetapaeʼmo nunumuʼmo hisageʼnaeʼmo naulagaleʼmo aiʼna ati kaeteʼnaeʼmo olapakegauve. Vayaʼmogi kolaʼapimo lapayateʼmo haneʼniyaʼmofeʼmo asole nunumuʼmo hisageʼnaeʼmo oʼafiguve.

Aiyeya 43:12

Nagaemo gemo aeʼna hakalo huteʼna lapakufamo aliʼna katiʼna lapateʼnove. Mago gotiʼa alu kotegatiʼmo eʼnigetapa lapakaemo oʼageʼnaya gotiʼa oʼmaiʼniye. Oʼmaiʼniyaʼmofeʼmo lapakaemo ani kavafeʼmo faigoko gemo hisaya vayaʼnimo maiʼnae.

Aiyeya 45:23

Nagaemo nagiʼniletiʼmo nagoʼyamo ataleteʼna ina gemo huʼnaeʼmo, Fatago gemo nehuva geleʼmo halate mago alu gemo osuguve. Muki vayaʼmogimo nagaetegamo eʼa apaleʼyamo faiʼneʼa apagoʼyamo ataleteʼa polomasi gemo hugae.

Aiyeya 45:25

Muki Isaleli aginago vayaʼmogi Ala kava nepiʼmo maiʼnayanageno Gotiʼa hunoʼaeʼmo, Lapakaemo naulagaleʼmo fatago vayaʼmo maiʼnae, huno hapa paisigeʼapaeʼmo apamogaga aiteʼa ala nagiʼnimo namigae.

Aiyeya 63:1

Ina laʼmo Inomu kotega Mosala taonifatiʼmo ataleno neʼe. Kukena yaʼamo aluga aluga atupaleʼmo haesa yaʼmo haneʼniya vekamae. Agaemo alagepa ha le konali kukena yaʼmo vaiʼniya vekamo ami vekagana huno lokiyaʼaletiʼmo neʼe. Nagaemae. Nagaemo fatago kavafeʼmo ge huʼna apakufamo aliʼna katiʼna apatesuva lokiyaʼnimo haneʼniye.

Aiyeya 65:9

Nagaemo Yekopu nofi vayapatiʼmo mago apakinago vayaʼmo aliʼna afole aiʼna apategauve. Yuta nofi vayapatiʼmo magoʼamogimo nagae aveleʼmo haneʼniya mopamo aligae. Lekana paiʼna apateʼnova vayaʼnimogimo ani mopamo aliteʼa aliʼyaʼnimo neʼaliya vayaʼmo ani mopaleʼmo maigae.

Yoni 18:20

muki afinaʼmo vaya apaulagaleʼmo maiʼneʼnaeʼmo aeʼna hakalo huʼna hapa paiʼnove. Nagaemo aliʼa anupa huʼa maiʼnayategamo uʼna alopa mono nopinagi muki asole mono nopinagi huʼna aliʼna apaya maleʼnove. Mago gemo fala okiʼna muki geʼamo huʼna afole aiʼna hapa paiʼnove.

Yoni 7:26

Ageyo, huʼa, agaemo afole yateʼmo maiʼnenoʼaeʼmo gemo aeno hakalo huno hapa nepaigeʼapaeʼmo gemo nosae. Mesaiya vekamo maiʼniye, huʼa ageʼnafiye.

Yoni 7:28

Yesuʼa alopa mono nopiʼmo alino apaya malenoʼaeʼmo alopa gefatiʼmo hapa painoʼaeʼmo, nagetetapa emineʼnova koʼmo ago ageʼnafiye. Nagaiʼnimo nagesamo afiʼna eminoʼmeʼnofa alino nateʼnigeʼna emineʼnova vekamo lama geʼageʼmo nehiya vekamo lapakaemo alagi oʼageʼnae.

Yemisi 4:3

Gotifeʼmo nunumuʼmo hutapa afi nekayaʼmonanafa noʼaliye. Lapakufamoʼmo hauʼniya kavaʼmo hisayafeʼmo hosu gemo hutapa ge huta afi nekayaʼmofeʼmo noʼaliye.