Aiyeya 43:3 - The Keyagana NT and 25 OT books

³ Nagaemo Ala kava neʼmo Gotiʼtapimoʼnamo Isaleli vayaʼmogi naote vekaʼapimoʼnamo apakufamo aliʼna katiʼna neʼapatova vekamo maiʼnovaʼmofeʼmo ani kavaʼmo lapakaetegamo afole oʼaigiye. Nagaemo miya faiʼna hatu maeʼna lapatesuvafeʼmo Isipi vayanagi Itiyopiya vayanagi Sima vayanagi huʼna miyatapilefeʼmo afaʼa apataleʼnove.

Aiyeya 43:3 ပူးပေါင်းရင်းမြစ်များ

Aepa Gemae 10:7

Kusi ve mafaʼne anagaʼmogi apakiʼapimo Semaʼagi Havilaʼagi Sapataʼagi Lamaʼagi Sapatekaʼagi huʼa maiʼnae. Lama mafaʼnelaʼmogani anakiʼanimo Sepaʼe Nenaniʼeʼmo maiʼnaʼae.

Samu 72:10

Sipeni koteʼmo yagaiʼnaya vayaʼmogiʼe muki solovala ani haigifiʼmo yagaiʼnaya vayaʼmogiʼeʼmo muki yaʼmo fiku alini eʼa amigae. Alepiya koteʼmo yagaiʼnaya vayaʼmogiʼe Itiyopiya koteʼmo yagaiʼnaya vayaʼmogiʼeʼmo ofalinimo fiku amigae.

Hatu maeno apate'niya gemae 10:7

Felo aliʼyaʼamo neʼaliya vayaʼmogimo Felofeʼmo ha paiʼapaeʼmo, Na magi afinaʼmo mani vekamo lagaeteʼmo aneʼaitigana huno maigiye. Apatalegeʼa uʼa Ala kava neʼmo Gotiʼapimotefeʼmo mono hiyo. Isipi koʼmo alagi hosuʼniya kavaʼmo ageʼnananaʼmonanafa ageka aeto nosapiye, huʼa huʼnae.

Hatu maeno apate'niya gemae 20:2

Nagaemo Ala kava neʼmo Gotitapimoʼnamo maiʼneʼnaeʼmo Isipi kotegamo kalavusi lahapaise vose hutapa aliʼyaʼmo aliʼnageʼnaeʼmo lapavaleliʼna eʼnove.

Mai'naya kavane 11:8

Fatago vayaʼmo hanageke yapatiʼmo apakufamo alino katino neʼapategeno ani hanageke yaʼmoʼmo hosu vayaʼaitegamo afole neʼaiye.

Mai'naya kavane 21:18

Hosu vayaʼmogimo fatago vayaʼaina kana yaʼmo apamisayafeʼmo nehayana apakaiʼapigeʼmo atagineʼa neʼaliye. Ani kava huʼa geʼapimo amagiʼa neʼatalaya vayaʼmogimo fatago vayaʼmo alagepa huʼa maisayafeʼmo apakae apaimuʼyaleʼmo eʼa neʼmaiye.

Aiyeya 42:8

Nagaiʼnigeʼmo Ala kava neʼmae. Ani nagimo nagiʼnimae. Nagaiʼni hale konali yaʼnimo mago vekamo oʼamiguve. Vayaʼmogimo ala nagiʼnimo neʼnamiya agufa kava huʼa yosaletiʼmo alo nehaya aigofe gotigi ala apakiʼapimo apamisayafeʼmo he, huʼna osuguve.

Aiyeya 43:11

Nagaiʼnigeʼmo nagaemo Ala kava neʼmo maiʼnove. Alu gotiʼa apakufamo alino katino neʼapateya gotiʼa alagi oʼmaiʼniye.

Aiyeya 45:14

Ala kava neʼmoʼa ina gemo hunoʼaeʼmo, Isipi vayaʼmogi aliʼyaʼapilefeʼmo moniʼapimo alige Kusi vayaʼmogi kagemi yaʼapimo alige hutapa maisageʼa Sepiyani kotega yatala vayaʼmogimo aliʼyatapimo aligae. Apakaemo seliletiʼmo kiʼa apatesageʼa lapakame huʼa eʼa apaleʼyamo faiʼneʼapaeʼmo, Lama gemo hutaeʼmo, Gotiʼa lapakaepiʼmo maiʼniye. Agaemo magokeʼageʼmo alagi Gotiʼa maiʼnigeno magoʼe huno alu gotiʼmo oʼmaiʼniye, huʼa nunumuʼmo hugae.

Aiyeya 45:15

O Isaleli vayaʼmogi Gotiʼapimogamo apakufamo alika katika neʼapatana Gotigae, huʼna, Lama gemo huʼnaeʼmo, Kagaikamo alika fala kika nekatane.

Aiyeya 45:21

Lapakaemo eta agotileʼmo getapimo aeta hakalo hiyo. Magokepiʼmo maiʼnetapaeʼmo ge huge afige hutapa maiyo. Ina laʼmo afole aisiya kavafeʼmo akeyavilagamo aeno hakalo huʼniye. Nagaiʼnigeʼmo aeʼna hakalo huʼna hapa paiʼnofiye. He, alu gotiʼmo oʼmaiʼniye. Nagaemo fatago kavaʼageʼmo nehuva Gotiʼnamo apakufamo aliʼna katiʼna neʼapatova Gotiʼnamo maiʼnove. Alu gotiʼa alagi oʼmaiʼniye.

Aiyeya 49:26

Nagaemo kana yaʼmo nelapamiya vayaʼmo vayaʼapimogimo apakufamo nesayafeʼmo apavaleʼna apamiguve. Apakaemo apakaiʼapi vayaʼapiʼeʼmo kamemo huteʼa apakaiʼapi kolaʼmo neteʼa negi nagi huʼa maigae. Muki ma mopafi vayaʼmogimo ani nagaemo hisuva kavaʼmo ageteʼapaeʼmo Ala kava neʼmoʼa apakufamo alino katino neʼapateya vekamoʼmo miya faino hatu maeno apateʼniya vekamo maiʼniye. Agaemo Yekopu alagi lokiya vekaʼamo maiʼniye, huʼa hugae.

Aiyeya 60:16

Itaʼapimogimo nute mafaʼneʼapimo nuʼmo neʼapamiya kava huʼa alu nofi vaya alu nofi vayaʼe kini vayaʼmogiʼeʼmo alagepa huʼa yagaiʼa lapategae. Lapakaemo Ala kava neʼmo nagegayana lagufamo alino katino nelateya vekamo maiʼniye. Isaleli nofi vayaʼmogita lokiya vekatimoʼmo miya faino hatu maeno lateʼniya vekamo maiʼniye.

Aiyeya 63:8

Ala kava neʼmoʼa ina gemo hunoʼaeʼmo, Ani vayaʼmo alagi nagaiʼni vayanageʼa humi nateteʼa aigofe gemo osugae, huno huʼniye. Inagi apakufamo alino katino apatesiya vekamo hamaleʼniye.

Yuti 1:25

Ha le konali yaʼamo hanege ala agiʼamo hanege himamuʼamo hanege huʼnisigeno hemenimogi muki afinaʼmogi huno yagaino lapatege lapatege huno yagaino lapateno. He, lama ge.