Aiyeya 43:25 - The Keyagana NT and 25 OT books

²⁵ Nagaiʼnilefeʼmo nagaiʼnimo keʼaepa gemo amagitapa ataleʼnaya kavatapimo aeʼna kalo paeʼna ataleʼnove. Nagaemo hosu kavatapieʼmo nagesamo oʼafiʼna nage kaniʼna atalegauve.

Aiyeya 43:25 ပူးပေါင်းရင်းမြစ်များ

Samu 103:12

Yegemo haine neʼeya haopalegaʼe yegemo uno lamino nefaleya haopalegaʼeʼmo lusi kava huno afagiʼaleʼmo haneʼniya kava huno Gotiʼa hosu kavatimo magoke aiyaya kava huno alino afagiʼaleʼmo yaga auno neʼatale.

Samu 103:3

Agaemo muki hosu kavaʼnimo alino ataleteno muki kaitaʼnimo alino nahageno neʼnate.

Samu 25:11

O Ala kava nene, huʼna, ala kagikalefeʼmo hosu kavaʼnimo alika atalo. Asole hosu kavaʼmo huʼnovaʼmofeʼmo alika atalo.

Samu 25:7

Neya vekamo maiʼneʼnaeʼmo hosu kavaʼmo huge gekamo ago amagiʼna atalege huʼnova kavafeʼmo kagesamo oʼafiyo. O Ala kava nene, huʼna, kahau huka apatege alagepa huka hapa maege nehukaeʼmo nagaefeʼmo kagesamo afiyo.

Samu 51:3

Nagaemo ina hosu kava huʼnove, ina hosu kava huʼnove, huʼna aeʼna hakalo nehuve. Nagaemo hosu kavaʼnimo ageʼnogenoʼaeʼmo muki afinaʼmo ani hosu kavaʼnimoʼmo naulagaleʼmo afole aiʼnigeʼna ageʼnove.

Samu 51:4

Kagae kaulagaleʼmo hosu kavakeʼmo huʼna maiʼnove. Nagaemo hosu kavaʼmo huʼnovaʼmofeʼmo kagaemo fatago kavaʼmo huka agotimo huka nateʼnane. Kagaemo nagaefeʼmo fatago gemo hukaeʼmo, hosu kavaʼmo huʼnane, huka huʼnane.

Samu 51:9

Hosu kavaʼnimo oʼageka aika afe leka maiyo. Muki hosu kavaʼnimo aeka kalo paeka atalo.

Aiyeya 1:18

Ala kava neʼmoʼa hunoʼaeʼmo, Lapakaemo nagaetegamo egetao nagaeʼeʼmo ge huge afige huta maigune. Hosu kavatapimoʼmo haesa yakana huno aeno kamaeʼniyaʼmonanafa yave yaveʼage huno hanegaiye, huno hapa paiʼniye.

Aiyeya 43:11

Nagaiʼnigeʼmo nagaemo Ala kava neʼmo maiʼnove. Alu gotiʼa apakufamo alino katino neʼapateya gotiʼa alagi oʼmaiʼniye.

Aiyeya 55:7

Hosu kavaʼmo nehaya vayaʼmogi hosu kavaʼapimo atalege fatago kavaʼmo nosaya vayaʼmogi apakesamo neʼafiya kavaʼapimo atalege huteʼa Gotitimoʼmo Ala kava netegamo aiʼa atagineʼa eyo. Ala kava neʼmoʼa hau huno apateteno alopa kavaʼmo hunoʼaeʼmo, afaʼa ateyo, huno hapa paigiye.

Aiyeya 64:8

O Ala kava nene, huta, Hosu kavaʼmo huʼnonaʼmonanafa hemenimo kagaemo afotimogamo maiʼnane. Lagaemo kalipa mopagana huta maiʼnonagekaeʼmo kalipa mopaletiʼmo samomo alo nehana vekagana huka maiʼnane. Kagaemo kayatetiʼmo mukiʼamo alo huʼnana vayaʼmo maiʼnone.

Aiyeya 64:9

Ala kava nene, huʼna, kaipamo leka olateka muki afinaʼmo hosu kavatieʼmo kagesamo oʼafika kage kanika atalo. Kahaoke hovanagi lageteka mukiʼamogitaeʼmo, vayaʼnimo maiʼnae, huka kagesamo afiyo.

Maki 2:7

Gotikeʼmo vayaʼai hosu kavaʼapimo afaʼa alino atalegaiye, huʼa apaipafiʼmo apakesamo afiʼnae.

Luki 5:21

keʼaepa gemo avoʼmo kaeʼa aliʼa apaya neʼmalaya vayaʼmogiʼe Falasi vayaʼmogiʼeʼmo ani gemo afiteʼapaeʼmo, ani vekamo ina laʼae. Gotifeʼmo huno faipa huno neʼate. Gotikeʼmo vayaʼmogi hosu kavaʼapimo afaʼa alino atalegaiye, huʼa apaipafiʼmo apakesamo afiʼnae.

Apa 3:19

Ani kavaʼmo huʼniyaʼmofeʼmo lapaipamo alitapa afe legenoʼao Gotiʼa hosu kavatapimo alino ataleteno aipamoʼmo falu huno lapateno.

Lomu 5:20

Magoʼe gemo haneʼniyana Gotiʼa hosu kavaʼmo magoʼe huno afole aisiyafeʼmo keʼaepa geʼamoʼa hosu kavaʼmo haopaleʼmo alino afole aino ateʼniye. Hosu kavaʼmo magoʼe huno afole aiʼniyaʼmonanafa Gotiʼa hosu kavaʼmo ago afole aitegenoʼaeʼmo fikumo hapa maeno apamiʼniya kavaʼamoʼmo magoʼe huno aeno agaseno havai teteno aino vali lamino asagauno aiʼniye.

Efasasi 1:6

Fikumo laha maeno lamiʼniya ha le konali yaʼamo alino apave lisigeʼapaeʼmo ageteʼa agiʼaleʼmo aliʼa asaga huʼa atesayafeʼmae. Agaemo hau ayamopafiʼmo hauʼniya mafaʼneʼaletiʼmo ani kavaʼmo huno fikumo laha maeno lamiʼniye.

Efasasi 1:8

Lusi kava huno laha maeno lamitenoʼaeʼmo ageteta neʼafuna kavaʼe alagepa huta lagesamo neʼafuna kavatiʼeʼmo lamiʼnigeta aliʼnone.

Himulu 10:17

huno huteno magoʼe gemo hunoʼaeʼmo, hosu kavaʼapiʼe keʼaepa geʼnimo amagiʼa ataleʼnaya kavaʼapileʼefeʼmo magoʼe huʼna nagesamo oʼafiʼna afaʼa nagekaniʼna atalegauve, huno huʼniye.

Himulu 8:12

Hosu kavaʼapieʼmo nahau huʼna apateteʼna hosu kavaʼapiʼe keʼaepa geʼnimo amagiʼa neʼatalaya kavaʼapileʼefeʼmo nagesamo oʼafiʼna nage kaniʼna atalegauve, huno huʼniye.