Aiyeya 43:19 - The Keyagana NT and 25 OT books

¹⁹ Afiyo, huʼna, Nagaemo saufa kavaʼmo huguve. Hemenimo afole aigiye. Lapakaemo oʼagesafiye. Nagaemo kaʼme kotegamo kaʼmo valiguve. Nagaemo hau huʼniya kotegamo meti aniʼmo afole aiteno uno lamisiya kavaʼmo huguve.

Aiyeya 43:19 ပူးပေါင်းရင်းမြစ်များ

Samu 105:41

Agaemo aniʼmo ohaneʼniya kotegamo yafapiʼmo amagino apalo atiʼnigeno yafapatiʼmo alopa anikefamo emineʼnigeʼa neʼnae.

Samu 126:4

Aniʼmo leno laneʼniya kalokalopafiʼmo koʼmo aiʼnigenoʼaeʼmo aniʼmo uno lamiʼnigeʼapaeʼmo apamogaga neʼaiya kava huta vayatimo hatu maeka apategetao lamogaga aino.

Hatu maeno apate'niya gemae 17:6

Afiyo, huʼna, Nagaemo kaulagaleʼmo Holepi avefiʼmo haneʼniya yafateʼmo he tiʼna maiguve. Kagaemo eka haopaleʼmo maiʼnekaeʼmo yafapiʼmo neʼamagigenoʼao vayaʼmogimo nesaya aniʼmo eminegaiye, huno ha paiʼnigeno Moseseʼa Isaleli vayapati vayatama vayaʼmogi apaulagaleʼmo ani kavaʼmo huʼnigeno aniʼmo emineʼniye.

Aiyeya 32:2

Yasimo neʼaliya afinaʼmo yafa kapiʼmo uʼa fala nekiya yafa kaʼapigana huno mago vekamo maigiye. Agaemo lusi kava huno lokiya yasimo alige ko aige hisigeʼapaeʼmo hapa maesiyafeʼmo uʼa fala kisaya koʼapigana huno maigiye. Agaemo hau huʼniya kotegamo alopa aniʼmo uno nelamiya anikana huno maige alagaʼmo nehapaeya kotega alopa yafaʼmo auneʼagana huno maige hugiye.

Aiyeya 33:21

Ani taonifiʼmo Ala kava neʼmoʼa laha maesiyafeʼmo lokiya kavaʼmo hugiye. Lagaemo asole alopa aniʼe aise aniʼeʼmo haneʼniya koteʼmo maigunaʼmonanafa kame nehaya sipiʼe alopa sipiʼeʼmo afaʼa oʼmegae.

Aiyeya 35:1

Kaʼme koʼmoʼa amogaga aigiye. Hau huʼniya koʼmoʼa amogaga aisigeno kahaumoʼmo ausemo hegaiye.

Aiyeya 42:9

Ageyo, huʼna, Nagaemo akeyaʼvilagamo afole aigiye, huʼna huʼnova kavaʼmo ago afole aiʼniye. Hemenimo nagaemo henagaʼamo afole aisiya kavafeʼmo lapa nepauve.

Aiyeya 49:10

Hau huno neʼapateya vekamoʼmo alagepa huno yagaino apateteno apavalelino visigeʼa kanale meti aniʼmo haneʼniyategamo sipisipi anagagana huʼa ugae. Apakaemo neʼyaʼe aniʼeʼmo kafu osisageno amuko yegemoʼe yasimoʼeʼmo apakufaleʼmo oʼapalegaiye.

Aiyeya 51:3

Ala kava neʼmoʼnamo Saiyoni taonifiʼmo maiʼnaya vayaʼmo aliʼna yuna heʼna apategauve. No atufaʼageʼmo ageteʼnaeʼmo nahau huʼna apategauve. Agaemo kaʼme koʼapimo Iteni kokana huʼna aliʼna ha maleʼna ategauve. Kalukalusopa koʼmo Ala kava neʼmo hoyaʼagana huʼna aliʼna ha maleʼna ategauve. Apakaemo Saiyoni taonifiʼmo apamogaga aige Gotifeʼmo haoke hege yokemo huge hugae.

Napa 20:11

Inagi Moseseʼmo kayoʼmo alino asagauliʼneno lole kanaleʼmo ani yafapiʼmo amagiʼnigeno alopa aniʼmo emineʼnigeʼa muki vayaʼmogiʼe muki afu anagaʼmogiʼeʼmo neʼnae.

2 Kolitiyani 5:17

Gotiʼa ina lagimo Kalaisipiʼmo maiʼnisafi ago saufa vayaʼmo alo huno apateʼniye. Afiyo, huʼna, atafa kavaʼapimo ago hano huʼnigenoʼaeʼmo muki saufa kavaʼapimo afole aiʼniye.

Leveleseni 21:5

Inagi yagaino neʼapateya siyateʼmo fai maiʼniya vekamoʼmo hunoʼaeʼmo, Hemenimo muki yaʼamo saufa yaʼageʼmo alo nehuve. Ani gemo lama gemo apakesamo afiʼa fatago hisaya agufa gemo haneʼniyaʼmofeʼmo avoʼmo kao, huno naha paiʼniye.