Aiyeya 42:8 - The Keyagana NT and 25 OT books

⁸ Nagaiʼnigeʼmo Ala kava neʼmae. Ani nagimo nagiʼnimae. Nagaiʼni hale konali yaʼnimo mago vekamo oʼamiguve. Vayaʼmogimo ala nagiʼnimo neʼnamiya agufa kava huʼa yosaletiʼmo alo nehaya aigofe gotigi ala apakiʼapimo apamisayafeʼmo he, huʼna osuguve.

Aiyeya 42:8 ပူးပေါင်းရင်းမြစ်များ

Samu 66:2

Yokemo hutapa ala agiʼamo amiyo. Ha le konali agiʼaleʼmo alita asaga hiyo.

Hatu maeno apate'niya gemae 34:14

Ala kava neʼmoʼnamo alu gotigifeʼmo naipa kafamo nehapaovaʼmofeʼmo alu gotigitefeʼmo monoʼmo osiyo. Nagaiʼnilefekeʼmo monoʼmo hiyo.

Hatu maeno apate'niya gemae 4:5

Ala kava neʼmoʼa ha painoʼaeʼmo, Isaleli vayaʼmogi kagaefeʼmo huʼapaeʼmo, Laginago vayaʼmo Emalehamu Gotiʼamoʼmogi Aisaki Gotiʼamoʼmogi Yekopu Gotiʼamoʼmogi huno Gotiʼapimoʼmo agaetegamo afole aiʼnigeka lama gemo nehane, huʼa apakesamo afisayafeʼmo apakaetegamo visana afinaʼmo ani agufa kavaʼmo huvo, huno ha paitenoʼaeʼmo

Aiyeya 43:11

Nagaiʼnigeʼmo nagaemo Ala kava neʼmo maiʼnove. Alu gotiʼa apakufamo alino katino neʼapateya gotiʼa alagi oʼmaiʼniye.

Aiyeya 43:3

Nagaemo Ala kava neʼmo Gotiʼtapimoʼnamo Isaleli vayaʼmogi naote vekaʼapimoʼnamo apakufamo aliʼna katiʼna neʼapatova vekamo maiʼnovaʼmofeʼmo ani kavaʼmo lapakaetegamo afole oʼaigiye. Nagaemo miya faiʼna hatu maeʼna lapatesuvafeʼmo Isipi vayanagi Itiyopiya vayanagi Sima vayanagi huʼna miyatapilefeʼmo afaʼa apataleʼnove.

Neniyo 5:4

Apakaemo nofi alagafati aniʼmo neʼneʼapaeʼmo goliletiʼmo alo huge siluvaletiʼmo alo huge haesa aeniletiʼmo alo huge afa aeniletiʼmo alo huge yosaletiʼmo alo huge yafatetiʼmo alo huge huʼnaya gotigi apakiʼapileʼmo aliʼa asaga huʼnae.

Yoni 5:23

Muki vayaʼamogi muki yaʼmo Afoʼamo agiʼaleʼmo aliʼa asaga huʼa neʼataya kava huʼa Mafaʼneʼamo agiʼaleʼmo aliʼa asaga huʼa atesayafeʼmo alino ateʼnigeno emineʼniye. Ina lagimo Mafaʼneʼamo agiʼaleʼmo aliʼa asaga huʼa noʼatesafi ani kavaʼmo huʼa muki yaʼmo Afoʼamoʼmo alino ateʼnigeno emineʼniya vekamo agiʼaleʼmo aliʼa asaga huʼa noʼatae.

Yoni 8:58

alagi lama gemo lapa nepauve, huno, Emalehamuʼa itaʼamoʼmo alino oʼateʼniya afinatetiʼmo nagaemo hogoteʼna muki afinaʼmo alagi maiʼnova vekamo maiʼnove, huno hapa paiʼnigeʼapaeʼmo